 |
ທ່ານ ຄຳໄພ ໄຊສົງຄາມ ນາຍບ້ານລະກາຍ ລາຍງານວ່າ: ບ້ານລະກາຍ ເປັນບ້ານໜຶ່ງ ທີ່ຂຶ້ນກັບ ຕາແສງທົ່ງແຄນ ເມືອງກະລຶມ ຫ່າງຈາກເທສະບານເມືອງ ປະມານ 47 ກິໂລແມັດ, ຫ່າງຈາກສຸກສາລາທົ່ງແຄນ 21 ກິໂລແມັດ, ມີ 105 ຄອບຄົວ, 82 ຫຼັງຄາ, ມີພົນລະເມືອງທັງໝົດ 417 ຄົນ, ຍິງ 222 ຄົນ, ມີເດັກນ້ອຍອາຍຸຕໍ່າກ່ວາ 2 ປີ 12 ຄົນ, ເດັກຍິງ 8 ຄົນ, ຕໍ່າກ່ວາ 5 ປີ 43 ຄົນ, ເດັກຍິງ 24, ອາຍຸ 11-17 ປີ 65 ຄົນ, ຍິງ 33 ຄົນ, ມີຄົນພິການ 5 ຄົນ; ສຳລັບສະພາບການປະຕິບັດວຽກງານໂຄງການສົ່ງເສີມສຸຂະພາບຈະເລີນພັນແມ່, ເດັກ, ເດັກນ້ອຍ ແລະ ໄວໜຸ່ມ ໄລຍະ 2, ສະພາບການຈັດຕັ້ງປະຕິບັດກິດຈະກຳທີ່ຜ່ານມາ ຂອງໂຄງການ ສົ່ງເສີມສຸຂະພາບຈະເລີນພັນແມ່, ເດັກ, ເດັກນ້ອຍ ແລະ ໄວໜຸ່ມ ໄລຍະ 2 ໄດ້ເຂົ້າມາໃຫ້ການສະໜັບສະໜູນໃຫ້ແກ່ຊາວບ້ານລະກາຍມີ 2 ກິດຈະກຳໃຫຍ່ ຄື: ວຽກງານສຸຂະພາບແມ່ ແລະ ເດັກ (ກິດຈະກຳ 1000 ວັນ ) ຊຸມຊົນໄດ້ເຂົ້າຮ່ວມການຄັດເລືອກຄະນະຮັກສາສຸຂະພາບຂັ້ນບ້ານ ແລະ ການ ລົງທະບຽນຄົວເຮືອນ 1,000 ວັນ. ຜູ້ເຂົ້າຮ່ວມທັງໝົດ 36 ຄົນ, ຍິງ 18 ຄົນ, ຄະນະຮັກສາສຸຂະພາບຂັ້ນບ້ານເຂົ້າຮ່ວມຝຶກອົບຮົມເຄື່ອງມືແມ່ລູກສຸຂະພາບດີ ຈໍານວນ 1 ຄັ້ງ. ຈໍານວນ 3 ຄົນ, ຍິງ 1 ຄົນ, ຄະນະຮັກສາສຸຂະພາບຂັ້ນບ້ານໄດ້ດໍາເນີນກິດຈະກຳສະແດງລະຄອນ 2 ຄັ້ງ ຄັ້ງທີ 1 ມີຜູ້ເຂົ້າຮ່ວມທັງ
ໝົດ 42 ຄົນ, ຍິງ 36 ຄົນ ຄັ້ງທີ 2 ມີຜູ້ເຂົ້າຮ່ວມທັງໝົດ 39 ຄົນ ຍິງ 25 ຄົນ ແລະໄດ້ລົງຢ້ຽມຢາມຄົວເຮືອນ 1000 ວັນ, ໄດ້ເຂົ້າຮ່ວມຮັບຟັງການເຜີຍແຜ່ດຳລັດວ່າດ້ວຍຜະລິດຕະພັນອາຫານ ແລະ ອຸປະກອນ ກ່ຽວກັບອາຫານສໍາລັບເດັກອ່ອນ ແລະ ເດັກນ້ອຍ 1 ຄັ້ງ ມີຜູ້ເຂົ້າ ຮ່ວມທັງໝົດ 42 ຄົນ ຍິງ 36 ຄົນ, ໄດ້ແຈກຢາຍແນວພັນຜັກໃຫ້ກັບຄອບຄົວ 1000 ວັນ ຈໍານວນ 19 ຄອບຄົວ, ສ່ວນກິດຈະກຳທີສອງວຽກງານບົດບາດຍິງ-ຊາຍ ໄດ້ເຂົ້າຮ່ວມເຮັດກິດຈະກຳການວິເຄາະທາງສັງຄົມ ແລະ ການປະຕິບັດ (SAA) ທັງໝົດ 48 ຄົນ ຍິງ 37 ຄົນ ກິດຈະກຳຄວາມສະເໝີພາບທາງເພດ ໃນຄວາມສໍາພັນ (GER) ມີຜູ້ເຂົ້າ ຮ່ວມ 20 ຄົນ ຍິງ 10 ຄົນ, ທັງໝົດກິດຈະກຳທີ່ໄດ້ປະຕິບັດນັ້ນ, ອໍານາດການປົກຄອງບ້ານ ແລະ ປະຊາຊົນ ໄດ້ຮັບຜົນປະໂຫຍດຄື: ໄດ້ສ້າງຄວາມສະດວກ, ມີການຕິດຕາມ ແລະ ໃຫ້ຄໍາແນະນໍາຢ່າງໃກ້ຊິດ ຈາກທິມງານຂັ້ນເມືອງ ໃນແຕ່ລະກິດຈະກຳ, ແມ່ມານ ໄດ້ໄປໃຊ້ບໍລິການຝາກທ້ອງ ແລະ ເກີດລູກຢູ່ສຸກສາລາຕາມເປົ້າໝາຍ, ມີໜ່ວຍງານແພດເຄື່ອນທີ່ ມາບໍລິການຊຸມຊົນ ແລະ ສັກຢາກັນພະຍາດ 1 ຄັ້ງ/ເດືອນ.
ໃນໂອກາດນີ້, ທ່ານ ຄຳສິງ ໂລຍວິໄລສັກ ໄດ້ສະແດງຄວາມຊົມເຊີຍ ແລະ ຂອບໃຈ ມາຍັງຜູ້ປະສານງານໂຄງການ, ທຸກພາກສ່ວນກ່ຽວຂ້ອງ ທີ່ເລັງເຫັນຄວາມສໍາຄັນທາງດ້ານສຸຂະພາບ ຂອງປະຊາຊົນ ໃຫ້ການສະໜັບສະໜູນປະຕິບັດກິດຈະກຳ ທີ່ມີປະໂຫຍດ; ຈາກນັ້ນ, ກໍໄດ້ໄປຢ້ຽມຢາມຄອບຄົວ 1,000 ວັນ, ຢ້ຽມຢາມສຸກສາບ້ານທົ່ງແຄນ ເພື່ອເບິ່ງຜົນໄດ້ຮັບ ຈາກການຈັດຕັ້ງປະຕິບັດກິດຈະກຳ ຂອງໂຄງການ ພ້ອມເກັບກຳຂໍ້ມູນ ສິ່ງທີ່ຍັງຄົງຄ້າງ ນຳມາປຶກສາຫາລື, ຖອດຖອນບົດຮຽນ, ຊອກວິທີທາງແກ້ໄຂ ເພື່ອປະຕິບັດແຜນການກິດຈະກຳ ໃນຕໍ່ຫນ້າໃຫ້ໄດ້ດີຂຶ້ນກວ່າເກົ່າ.ຂ່າວ: ອັດສະວິນ
ຄໍາເຫັນ