ກຽມຄວາມພ້ອມໃຫ້ພະນັກງານກ່ອນລົງປະຕິບັດງານພາກສະໜາມ

ໃນລະຫວ່າງວັນທີ 9-13 ຕຸລາ ຜ່ານມາ, ອົງການກາແດງແຫ່ງຊາດລາວໄດ້ຈັດອົບຮົມ ການກະກຽມພ້ອມໃຫ້ພະນັກງານກ່ອນລົງປະຕິບັດການຊ່ວຍເຫຼືອປະຊາຊົນໃນພາກສະໜາມ,ການຝຶກອົບຮົມຄັ້ງນີ້ແມ່ນແນໃສ່ການທົບທວນຄືນ ວຽກງານການຊ່ວຍເຫຼືອເປັນເງິນ ແລະ ບັດແທນເງິນສົດ ໃຫ້ແກ່ພະນັກງານມາຈາກອົງການກາແດງແຫ່ງຊາດລາວ ແລະ ອົງການກາແດງແຂວງ 8 ແຂວງ (ຫຼວງພະບາງ, ວຽງຈັນ, ນະຄອນຫຼວງວຽງຈັນ, ບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ ແລະ ຈຳປາສັກ) ລວມທັງໝົດ 24 ຄົນ, ຍິງ 12ຄົນ, ທັງນີ້ກໍເພື່ອແນໃສ່ທົບທວນຄືນຄວາມຮູ້, ຖອນຖອນບົດຮຽນ ໃນການປະຕິບັດວຽກງານການຊ່ວຍເຫຼືອເປັນເງິນ ແລະ ບັດແທນເງິນ ໃນໄລຍະຜ່ານມາ ແລະ ກຽມຄວາມພ້ອມ ກ່ອນການຊ່ວຍເຫຼືອ ຜູ້ທີ່ໄດ້ຮັບຜົນກະທົບຈາກໄພພິບັດ, ບົດຮຽນທີ່ມານຳສະເໜີປະກອບມີ ຂັ້ນຕອນ ແລະ ວິທີການກະກຽມ, ຂັ້ນຕອນ ແລະ ວິທີການລົງແຈກຢາຍ, ສິ່ງທີ່ຕ້ອງເຮັດຫຼັງການລົງແຈກຢາຍ ເພື່ອຮັບປະກັນໃຫ້ການປະຕິບັດວຽກງານໄດ້ຢ່າງຖືກຕ້ອງ, ສອດຄ່ອງ, ມີຄວາມປອດໄພ ແລະ ມີປະສິດທິພາບ ໂດຍການເປັນປະທານຂອງທ່ານພູທອນ ເມືອງປາກ ປະທານອົງການກາແດງແຫ່ງຊາດລາວແລະໄດ້ເນັ້ນໜັກໃຫ້ບັນດາພະນັກງານທີ່ເຂົ້າຮ່ວມໃຫ້ຢຶດຖືຫຼັກແລະນຳໄປຈັດຕັ້ງປະຕິບັດໃຫ້ປະສົບຜົນສຳເລັດມີປະສິດຕິພາບ,ການຝຶກອົບຮົມໃນຄັ້ງນີ້ແມ່ນໄດ້ຮັບສະໜັບສະໜູນດ້ານວິຊາການ ແລະ ງົບປະມານຈາກ ສະຫະພັນກາແດງແລະ ຊີກວົງເດືອນແດງສາກົນ.
ຂ່າວ-ພາບ: ພາບກາແດງ