ແລະ ການຝຶກອົບຮົມ (ICTC) ໂດຍການເປັນປະທານຂອງທ່ານ ບຸນແຝງ ພູມມະໄລສິດລັດຖະມົນຕີ ກະຊວງສາທາລະນະສຸກປະທານຄະນະກຳມະການແຫ່ງຊາດວ່າດ້ວຍການຄວບຄຸມຢາສູບ, ທ່ານ ທີມໂມຕີ ອາມສະຕຣອງຜູ້ຕາງໜ້າອົງການອະນາໄມໂລກ ປະຈຳ ສປປ ລາວ, ມີທ່ານນາງພອນປະເສີດ ໄຊຍະມຸງຄຸນ ຫົວໜ້າອະນາໄມ ແລະ ສົ່ງເສີມສຸຂະພາບ ກະຊວງສາທາລະນະສຸກ, ສະມາພັນຄວບຄຸມຢາສູບອາຊຽນ, ນັກຮຽນ, ຄູ-ອາຈານຈາກໂຮງຮຽນມັດທະຍົມສົມບູນ (ມສ) ວຽງຈັນ, ມສ ຈັນທະບູລີ, ມສ ເພຍວັດ ແລະ ມສ ຫ້ອມສະຫວັນ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ບຸນແຝງ ພູມມະໄລສິດກ່າວວ່າ: ປີ 2025 ນີ້, ອົງການອະນາໄມໂລກກຳນົດເອົາຄໍາຂວັນທີ່ວ່າ:“ເປີດໂປ່ງຍຸດທະວິທີຂອງບໍລິສັດຢາສູບທີ່ເຮັດໃຫ້ຢາສູບ ແລະ ຢາສູບໄຟຟ້າມີຄວາມດຶງດູດ ແລະ ໜ້າສົນໃຈ” ໂດຍສະເພາະສີ, ລົດຊາດ ແລະ ຮູບປະພັນຂອງຜະລິດຕະພັນຢາສູບ ແລະ ຢາສູບໄຟຟ້າ ເປັນຫົວຂໍ້ການສະເຫຼີມສະຫຼອງໃນຂອບເຂດທົ່ວໂລກ.ບໍລິສັດຢາສູບຜະລິດຢາສູບ ແລະ ຢາສູບໄຟຟ້າ ສ່ວນຫຼາຍແນ່ໃສໄວໜຸ່ມ, ຊາວໜຸ່ມ ທີ່ຈະກ້າວມາເປັນຜູ້ຊົມໃຊ້ຢາສູບໃນອະນາຄົດ ໂດຍເຂົາເຈົ້າບໍ່ຮູ້ເຖິງຜົນຮ້າຍທີ່ຈະຕາມມາ.ອີງຕາມຜົນສໍາຫຼວດອັດຕາການສູບຢາໄຟຟ້າ ຂອງໄວໜຸ່ມ ລາວ ໃນປີ 2016 ພົບວ່າ: ໄວໜຸ່ມລາວສູບຢາສູບໄຟຟ້າຢູ່ໃນອັດຕາທີ່ສູງພໍສົມຄວນ, ປະມານ 5% ໃນໄວໜຸ່ມຊາຍ ແລະ 3.7% ໃນເພດຍິງ.ໃນແຕ່ລະປີ, ມີປະຊາກອນລາວປະມານ 6,700 ຄົນ ເສຍຊີວິດຍ້ອນພະຍາດທີ່ເກີດຈາກຢາສູບ ແລະ ກໍ່ໃຫ້ເກີດການສູນເສຍທາງດ້ານເສດຖະກິດສູງເຖິງ 3,6 ຕື້ກີບ ແລະ ມີຄ່າເທົ່າກັບ 2.3% ຂອງ GDP ໃນປີ 2017. ພ້ອມນີ້, ຍັງຍົກໃຫ້ເຫັນຜົນຮ້າຍຂອງຢາສູບ ແລະ ຢາສູບໄຟຟ້າ ລວມທັງບາງຄໍາແນະຄໍາໃນການເຮັດວຽກຮ່ວມກັນຂອງທຸກຂະແໜງການໃນທົ່ວສັງຄົມ ແລະ ໄວໜຸ່ມໃນການຫຼຸດຜ່ອນການຊົມໃຊ້ຢາສູບ ແລະ ຢາສູບໄຟຟ້າ ເພື່ອສົ່ງເສີມ ແລະ ປົກປ້ອງສຸຂະພາບຂອງທຸກຄົນໃນສັງຄົມ, ທັງເປັນການປະຢັດລາຍຈ່າຍຈາກຄົວເຮືອນໃນການຊື້ຢາສູບ ແລະ ຢາສູບໄຟຟ້າ. ໃນນັ້ນ, ໄວໜຸ່ມ ແລະ ຊາວໜຸ່ມເປັນເປົ້າໝາຍຫຼັກຂອງບໍລິສັດຢາສູບ, ເຂົາເຈົ້າພະຍາຍາມເຮັດທຸກຢ່າງເພື່ອໃຫ້ຜະລິດຕະພັນຢາສູບ ແລະ ຢາສູບໄຟຟ້າ ມີຄວາມດຶງດູດ, ມີຄວາມສົນໃຈ, ອອກແບບຮູບຮ່າງຂອງຢາສູບໄຟຟ້າໃນຫຼາຍໆແບບເຊັນ: ກະຕູນ, ບິກ, ມາກເກີ, ລົດ, ໂມງ, ຢາງລຶບ, USB ແລະ ອື່ນໆ.ພ້ອມກັນນັ້ນ, ທາງບໍລິສັດຍັງເຮັດໃຫ້ນໍ້າສານນິໂກດິນທີ່ໃຊ້ເຕີມຢາສູບໄຟຟ້າເປັນຫຼາກຫຼາຍກິ່ນ ແລະ ຫຼາຍລົດຊາດ ແລະ ຕາມການເຮັດວິໄຈຂອງອົງການອະນາໄມໂລກສະແດງໃຫ້ເຫັນວ່າ ມີປະມານ 16,000 ກິ່ນ, ດ້ວຍເຫດນີ້ໄວໜຸ່ມ ແລະ ຊາວໜຸ່ມຈຶ່ງຢາກລອງສູບ ແລະ ສຸດທ້າຍກາຍເປັນຜູ້ສູບມືໃໝ່ ແລະ ເປັນລູກຄ້າຂອງບໍລິສັດຢາສູບ ໂດຍບໍ່ໄດ້ຕັ້ງໃຈ.
ການແຂ່ງຂັນເວົ້າສໍາລັບໄວໜຸ່ມ ແມ່ນມາຈາກ 4 ໂຮງຮຽນຄື: ໂຮງຮຽນ ມສ ວຽງຈັນ, ມສ ຈັນທະບູລີ, ມສ ເພຍວັດ ແລະ ມສ ຫ້ອມສະຫວັນ. ຜ່ານການແຂ່ງຂັນຊະນະເລີດ ທີ 1 ມສ ຫ້ອມສະຫວັນ, ທີ 2 ມສ ວຽງຈັນ ແລະ ລາງວັນຊົມເຊີຍ ມສ ຈັນທະບູລີ ແລະມສ ເພຍວັດ. ນັກຮຽນທີ່ມາຮ່ວມກິດຈະກໍາແຂ່ງຂັນເວົ້າໃນຄັ້ງນີ້, ຈະເປັນຂົວຕໍ່ໃນການໃຫ້ຄວາມຮູ້ກ່ຽວກັບຜົນຮ້າຍທີ່ເກີດຈາກຢາສູບ ແລະ ຢາສູບໄຟຟ້າ ໃນໂຮງຮຽນເພື່ອໃຫ້ທຸກຄົນໃນໂຮງຮຽນ ແລະ ສັງຄົມໄດ້ຮັບຂໍ້ມູນໃນລັກສະນະດຽວກັນ ແລະ ສໍາຄັນໄປກວ່ານັ້ນໃຫ້ກາຍເປັນໂຮງຮຽນປອດສິ່ງເສບຕິດຍິ່ງເປັນການດີ.
(ຂ່າວ-ພາບ: ວັນເພັງ)
ຄໍາເຫັນ