ບັນດາເຄື່ອງມືທີ່ເປັນມູນເຊື້ອໄດ້ຊ່ວຍສ້າງການເຕີບໂຕ, ປັດຈຸບັນໄດ້ນໍາໃຊ້ເພື່ອສ້າງກໍາລັງດັນ, ປິດລ້ອມ ແລະ ຈຳກັດ. ພາສີອາກອນ, ການຈຳກັດການສົ່ງອອກ-ນຳເຂົ້າ ແລະ ຮົ້ວກີດຂວາງໃນການລົງທຶນປັດຈຸບັນ ກາຍເປັນເຄື່ອງມືທີ່ແຫຼມຄົມຂອງການແກ້ງແຍ້ງທາງພູມີສາດການເມືອງ. ນີ້ບໍ່ແມ່ນພາຍຸພັດຜ່ານ ນີ້ແມ່ນສະພາບອາກາດໃໝ່ຂອງຍຸກສະ ໄໝພວກເຮົາ. ອາຊຽນຕ້ອງປະເຊີນໜ້າກັບຕົວຈິງນີ້ຢ່າງຈະແຈ້ງ ແລະ ມີຄວາມໄວ້ເນື້ອເຊື່ອໃຈ ພ້ອມກັນກະທຳດ້ວຍວິໄສທັດທີ່ຍາວໄກ.

ທ່ານນາຍົກລັດຖະມົນຕີ ມາເລເຊຍ ໄດ້ເນັ້ນໜັ້ກເຖິງບັນດາບຸລິມະສິດ ໃນການຮ່ວມມືທີ່ແທ້ຈິງຄືການເຊື່ອມຕໍ່, ການຄໍ້າປະກັນຄວາມໝັ້ນຄົງດ້ານສະບຽງອາຫານ, ການຫັນເປັນດີຈີຕອນ, ການສຶກສາ, ການແພດສາທາລະນະສຸກ ແລະ ດິນຟ້າອາກາດ, ພ້ອມທັງຢັ້ງຢືນວ່າ ທຸກຄວາມພະຍາຍາມຂອງອາຊຽນ ຕ້ອງມີຜົນປະໂຫຍດລະອຽດໃຫ້ແກ່ປະຊາຊົນໃນພາກພື້ນ.