ທ່ານ ສີຈິ້ນຜິງ ເນັ້ນໜັກວ່າ: ໃນຂະບວນການໃໝ່, ຕ້ອງຢຶດໝັ້ນຖືເອົາແນວຄິດສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ເປັນທິດຊີ້ນຳ, ລົງເລິກການປະຕິຮູບການຮຽນ-ການສອນ, ເພີ່ມທະວີການສຶກສາອົບຮົມດ້ານທິດສະດີພັກ, ການຝຶກຝົນຫຼໍ່ຫຼອມຕໍ່ສະຕິພັກ ແລະ ການອົບຮົມຄວາມສາມາດໃນການປະຕິບັດໜ້າທີ່, ເພີ່ມທະວີການຄົ້ນຄວ້າທິດສະດີພັກທີ່ມີການປະດິດສ້າງຢ່າງເປັນລະບົບ, ເສີມຂະຫຍາຍບົດບາດຂອງຄັງປັນຍາ. ພ້ອມນີ້ ທ່ານ ສີຈິ້ນຜິງ ຍັງໄດ້ຮຽກຮ້ອງໃຫ້ຢຶດໝັ້ນການຄຸ້ມຄອງສະຖາບັນຢ່າງເຂັ້ມງວດ, ສ້າງສະຖາບັນດ້ວຍຄຸນນະພາບດີ, ສ້າງຖັນແຖວຄູສອນໃຫ້ເຂັ້ມແຂງ, ຄຸ້ມຄອງນັກສຶກສາຢ່າງເຂັ້ມງວດ. ຄະນະພັກຂັ້ນຕ່າງໆຕ້ອງເພີ່ມທະວີການຮັບປະກັນ ແລະ ການສະໜັບສະໜູນ, ຊຸກຍູ້ໃຫ້ວຽກງານຂອງສະຖາບັນການປົກຄອງພັດທະນາດ້ວຍຄຸນນະພາບສູງ.
ໄຟເງິນເຟີ້ໃນເຂດໃຊ້ສະກຸນເງິນເອີໂຣ ເພີ່ມຂຶ້ນສູງທີ່ສຸດໃນຮອບເວລາ 3 ປີ
ວິທະຍຸກະຈາຍສຽງຫວຽດນາມລາຍງານໃນວັນທີ 5 ພະຈິກ ຜ່ານມາວ່າ: ໄພເງິນເຟີ້ຢູ່ເຂດໃຊ້ສະກຸນເງິນເອີໂຣ (Eurozone) ໃນເດືອນຕຸລາ ຜ່ານມາ ໄດ້ເພີ່ມຂຶ້ນເປັນ 4% ຊຶ່ງເປັນລະດັບສູງສຸດໃນຮອບ 3 ປີ ແລະ ສູງທົບສອງເທົ່າເມື່ອທຽບໃສ່ຄາດໝາຍຂອງທະນາຄານກາງເອີຣົບ (ECB). ສາເຫດຕົ້ນຕໍຍ້ອນລາຄາພະລັງງານເພີ່ມຂຶ້ນຢ່າງແຮງ ໃນສະພາບທີ່ການປະທະກັນຢູ່ເຂດຕາເວັນອອກກາງຍັງສືບຕໍ່ມີການຜັນແປຢ່າງສັບສົນ, ກໍ່ຄວາມກົດດັນຕໍ່ ECB ໃນການສືບຕໍ່ຮັດກຸມນະໂຍບາຍເງິນຕາ.
ຄໍາເຫັນ