ໂດຍ: ຍຸພິນທອງ
ທ່ານ ສີສະຫວັນ ມາຍົງເຊິນ ປະທານກຸ່ມບໍລິສັດຮຸ່ງອາລຸນ ໃນນາມຜູ້ອໍານວຍການຂອງບໍລິສັດນໍ້າດີ ພັດທະນາ ຈໍາກັດຜູ້ດຽວ ຊຶ່ງເປັນບໍລິສັດລູກຂອງກຸ່ມບໍລິສັດຮຸ່ງອາລຸນ ໄດ້ໃຫ້ສໍາພາດຕໍ່ນັກຂ່າວໜັງສືພິມປະຊາຊົນ ໃນວັນທີ 22 ທັນວາຜ່ານມາ ວ່າ: ໂດຍໄດ້ຮັບສິດຈາກພາກລັດໃຫ້ເປັນຜູ້ມາພັດທະນາແຫຼ່ງທ່ອງທ່ຽວນໍ້າຕົກຕາດນໍ້າດີ ຊຶ່ງຕັ້ງຢູ່ບ້ານນໍ້າດີ ເມືອງແລແຂວງຫຼວງນໍ້າທາ ບ້ານນໍ້າດີຫ່າງຈາກເທດສະບານແຂວງຫຼວງນໍ້າທາພຽງແຕ່ 4 ກິໂລແມັດ, ເສັ້ນທາງເຂົ້າບ້ານນໍ້າດີກໍມີຄວາມສະດວກ.
ທ່ານ ສີສະຫວັນ ມາຍົງເຊິນ ກ່າວວ່າ: ນໍ້າຕົກຕາດນໍ້າດີມີຈຸດພິເສດ ແມ່ນມີຄວາມສຳຄັນແລະ ຜູກພັນຄູ່ກັບເມືອງຫຼວງນໍ້າທາມາຍາວນານ ຊຶ່ງເມື່ອກ່ອນນໍ້າຕັກຕາດນໍ້າດີເປັນແຫຼ່ງນໍາໃຊ້ນໍ້າປະປາທີ່ທາງແຂວງຊົມໃຊ້; ແລະເປັນສະຖານທີ່ທ່ອງທ່ຽວພັກຜ່ອນທັງຄົນພາຍໃນແລະຕ່າງປະເທດຕະຫຼອດມາ,ຕົນມີຄວາມຮູ້ສຶກດີໃຈທີ່ໄດ້ຮັບໂອກາດມາພັດທະນາຍົກລະດັບໃຫ້ມີສິ່ງອຳນວຍຄວາມສະດວກ, ທີ່ພັກຮ້ານອາຫານແລະສ້າງກິດຈະກຳໃຫ້ມີຄວາມຫຼາກຫຼາຍ. ການປັບປຸງແຫຼ່ງທ່ອງທ່ຽວແມ່ນໄດ້ຈັດແບ່ງອອກເປັນສອງໄລຍະຄື: ໄລະຍະທີໜຶ່ງປຸກສ້າງຮ້ານອາຫານ, ຮ້ານກາເຟ ແລະ ໄລຍະທີສອງແມ່ນມີໜ້າວຽກປັບປຸງຂົວອູ່, ເສັ້ນທາງຍ່າງປ່າຊົມຮ່ອງຮອຍປະຫວັດສາດຢູ່ເທິງຈອມພູທົ່ງດີ. ປັບປຸງສິ່ງອຳນວຍຄວາມສະດວກ ການບໍລິການທີ່ຫຼາກຫຼາຍ ສາມາດໃຫ້ບໍລິການແຂກທັງພາຍໃນ ແລະ ຕ່າງປະເທດ.ປະຫວັດສະຖານທີ່ທ່ອງທ່ຽວບ້ານນໍ້າດີແຂວງຫຼວງນໍ້າທາເປັນແຂວງໜຶ່ງທີ່ມີຫຼາຍຊົນເຜົ່າໜຶ່ງໃນນັ້ນກໍແມ່ນຊົນເຜົ່າແລນແຕນ ອາໄສຢູ່ຫຼາຍ ໃນ ສປປ ລາວ ທີ່ຍັງຮັກສາເອກະລັກ-ວັດທະນະທຳຂອງເຜົ່າໄດ້ດີ. ບ້ານນໍ້າດີ ເປັນໜຶ່ງໃນ 5 ໝູ່ບ້ານມີເຜົ່າແລນແຕນຂອງແຂວງ, ຊື່ຂອງບ້ານນໍ້າດີແມ່ນຕັ້ງຂຶ້ນ ຕາມສາຍນໍ້າດີ ທີ່ໄຫຼຜ່ານບ້ານ, ເປັນສາຍນໍ້າທີ່ກໍາເນີດມາຈາກ ພູໝາກມ່ວງສາມຕົ້ນ ຊຶ່ງເປັນພູທີ່ມີສາຍນໍ້າໄຫຼແຍກເປັນແມ່ນໍ້າ 3 ສາຍຄື: ນໍ້າດີ, ນໍ້າປາງຟາດ ແລະ ຫ້ວຍປານນາ. ນໍ້າຕົກຕາດນໍ້າດີໄຫຼມາຈາກສາຍນໍ້າຫ້ວຍປານນາ ທີ່ເປັນແຫຼ່ງນໍ້າດື່ມຂອງຊາວບ້ານ. ການນຸ່ງຖືຂອງຊົນເຜົ່າແລນແຕນ ແມ່ນຜ້າຝ້າຍຍ້ອມດ້ວຍສີຄາມ, ສີນິນ (ໃບຫ້ອມ, ໃບຄາມ) ແລະ ປະດັບເອ້ດ້ວຍເຄື່ອງເງິນ. ເມື່ອກ່ອນເຜົ່າແລນແຕນໄດ້ຍົກຍ້າຍຖິ່ນກຳເນີດມາຈາກພາກໃຕ້ຂອງປະເທດຈີນໄດ້ 2 ຫາ 3 ສະຕະວັດແລ້ວ ແລະ ພວກເຂົາກໍໄດ້ນໍາເອົາວັດທະນະທໍາ ແລະ ຄວາມເຊື່ອຖື ປະສົມປະສານລະຫວ່າງລັດທິເຕົ໋າ (ນັກປາດຈີນບູຮານເປັນຜູ້ສ້າງຂຶ້ນ), ບັນພະບູລຸດ ແລະ ການເຊື່ອຖືຜີ. ເຜົ່າແລນແຕນມັກອາໄສຢູ່ຕາມແຄມແມ່ນໍ້າ ເນື່ອງຈາກເຂົາເຈົ້າມີພື້ນຖານການດຳລົງຊີວິດກັບການຜະລິດແຜ່ນແພ ທີ່ຍ້ອມສີນ້ຳຄາມ, ນໍ້ານິນແລະ ຜະລິດເຈ້ຍໜໍ່ໄມ້. ນອກນັ້ນ ຍັງມີການນຳໃຊ້ພາສາຂຽນດ້ວຍຕົວອັກສອນຈີນບູຮານທີ່ໃຊ້ໃນພິທີກຳທາງສາສະໜາ. ບ້ານນໍ້າດີໄດ້ເລີ່ມເປີດເປັນບ້ານທ່ອງທ່ຽວດ້ານທໍາມະຊາດ ແລະ ວັດທະນະທໍາມາແຕ່ ປີ 1995 ໂດຍໄດ້ອາໄສທ່າແຮງນໍ້າຕົກຕາດ ແລະ ມູນເຊື້ອວັດທະນະທໍາທີ່ເປັນເອກະລັກສະເພາະຂອງຊົນເຜົ່າແລນແຕນ ຊຶ່ງຜ່ານມາໄດ້ຮັບທຶນຊ່ວຍເຫຼືອໃນການສ້າງສາລາພັກຜ່ອນ, ເສັ້ນທາງຍ່າງປ່າ, ຫ້ອງນໍ້າ, ຮ້ານຈໍາໜ່າຍຜະລິດຕະພັນຫັດຖະກໍາຊາວບ້ານ, ໂອນຊາ, ຂົວອູ່, ລານຖ່າຍຮູບ, ຂົວຂ້າມນໍ້າ, ໂດຍທຶນສະໜັບສະໜູນຈາກທະນາຄານພັດທະນາອາຊີ (ADB) ແລະ ລັດຖະບານນິວຊີແລນ.
ທ່ານ ສີສະຫັວນ ມາຍົງເຊິນ ໄດ້ກ່າວຕື່ມອີກວ່າ: ພ້ອມດຽວກັນນີ້ໃນໂອກາດປີ 2024 ເປັນປີທ່ອງທ່ຽວລາວ ບໍລິສັດນໍ້າດີ ພັດທະນາ ຈໍາກັດຜູ້ດຽວ ໄດ້ຮ່ວມກັບພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ແຂວງຫຼວງນໍ້າທາ ຈະໄດ້ຈັດກິດຈະກໍາເທດສະການດົນຕີນໍ້າທາມິວສິກ ຄານິໂວ(Namtha Music Carnival) ເປັນເທດສະການທີ່ລວມເອົາດົນຕີ ແລະ ກິລາ ເຂົ້ານໍາກັນ ເປັນກິດຈະກໍາທີ່ມີຄວາມແປກໃໝ່; ໃນຮູບແບບຂອງການຈັດງານນັ້ນແມ່ນໄດ້ເນັ້ນໃນການມີສ່ວນຮ່ວມຂອງປະຊາຊົນ ບັນດາບ້ານ ແລະ ປະຊາຊົນພາຍໃນແຂວງເປັນເປັນຕົ້ນຕໍໂດຍສະເພາະມີສ່ວນຮ່ວມໃນການຈັດຫາສະຖານທີ່ພັກແບບກາງເຕັ້ນ ແມ່ນໃຫ້ແຕ່ລະບ້ານຮັບຜິດຊອບໃນການເປີດໃຫ້ບໍລິການ; ເພື່ອໃຫ້ບ້ານມີລາຍໄດ້ຮ່ວມ ພ້ອມທັງໃຫ້ບ້ານເປັນໜ່ວຍຮັບຜິດຊອບໃນການຈັດຫາອາຫານໃຫ້ແຂກທີ່ມາພັກ; ການບໍລິການຮັບ-ສົ່ງ ພ້ອມນີ້ກໍຍັງຈະໃຫ້ບັນດາສະມາຄົມລົດຕູ້, ລົດຕຸກໆ ແລະ ຜູ້ທີ່ສົນໃຈເອົາລົດຈັກຂອງຕົນມາຮ່ວມໃຫ້ບໍລິການ ເພື່ອອໍານວຍຄວາມສະດວກໃຫ້ແກ່ແຂກທີ່ເຂົ້າຮ່ວມງານ ຊຶ່ງໃນການບໍລິການແມ່ນຈະນໍາໃຊ້ລະບົບແອັບພີເຄຊັນ ໃນການນັດໝາຍ ເອີ້ນເອົາລົດຮັບສົ່ງ.
ສໍາລັບງານເທດສະການດົນຕີນໍ້າທາມິວສິກຄານິໂວ ແມ່ນຈະຈັດຂຶ້ນໃນທ້າຍເດືອນກຸມພາ ໃນລະຫວ່າງວັນທີ 16 – 24 ປີ 2024; ໃນນັ້ນວັນທີ 16ແລະ 17 ກຸມພາ ຈະມີກິດຈະກໍາແຂ່ງຂັນກິລາພື້ນບ້ານມີ ກິລາກະຕໍ້ຫວາຍ, ເຕະບານ; ວັນທີ 22 ແລະ 23 ກຸມພາ ກິດຈະກໍາແຂ່ງຂັນລົດຖີບ ແລະກິດຈະກໍາອື່ນໆ ແລະ ເຊື່ອມຕໍ່ໃສ່ບຸນສະຫຼອງພະທາດປຸມປຸກ ຫຼັງຈາກສໍາເລັດພິທີສະຫຼອງບຸນແລ້ວ, ໃນວັນທີ 23 ແລະ 24 ກຸມພາ ຈະແມ່ນກິດຈະກໍາເທດສະການດົນຕີ.ການເປີດນໍາໃຊ້ແຫຼ່ງທ່ອງທ່ຽວນໍ້າຕົກຕາດນໍ້າດີ ແມ່ນຈະຖືເອົາມື້ເປີດງານເທດສະການດົນຕີເປັນມື້ເປີດຢ່າງເປັນທາງການ ຊຶ່ງຖືກກັບວັນທີ 23 ກຸມພາ 2024 ເພື່ອເປັນການຕ້ອນຮັບນັກທ່ອງທ່ຽວ. ປັດຈຸບັນແມ່ນພວມດໍາເນີນການພັດທະນາໄລຍະທີສອງ ສືບຕໍ່ສ້າງກິດຈະກໍາຊົມວິວຢູ່ເທິງຈອມພູທົ່ງດີໃຫ້ສາມາດຮອງຮັບນັກທ່ອງທ່ຽວໄດ້ຫຼາຍຂຶ້ນ, ໄລຍະທາງຈາກຈຸດນໍ້າຕົກຕາດນໍ້າດີຍ່າງຂຶ້ນໄປຮອດຈອມພູທົ່ງດີ ປະມານ1,8 ກິໂລແມັດ ໃຊ້ເວລາ 1 ຊົ່ວໂມງໃນການຍ່າງ ເມື່ອຂຶ້ນຮອດຈອມພູຈະເຫັນວິວທີວທັດເທດສະບານ ທັງໝົດຂອງຕົວເມືອງຫຼວງນໍ້າທາ.ໂອກາດນີ້ ທ່ານ ກໍໄດ້ຝາກເຖິງນັກທ່ອງທ່ຽວທັງພາຍໃນ ແລະ ຕ່າງປະເທດ ຢາກໃຫ້ໄປຮ່ວມງານເທດສະການດົນຕີຂອງແຂວງຫຼວງນໍ້າທາ ຊຶ່ງໃນງານປະກອບມີ 3 ເວທີ; ເວທີໃຫຍ່ແມ່ນເທດສະການດົນຕີສາກົນ; ເວທີວັດທະນະທໍາ ແລະ ເວທີຟັງເພງແບບສະບາຍ ຊຶ່ງໃນງານຄັ້ງນີ້ແມ່ນຈະໄດ້ເຊີນເອົາສິລະປິນທີ່ມີຊື່ສຽງຈາກ ສິບສອງປັນນາສປຈີນ, ປະເທດໄທ ແລະ ຫວຽດນາມເຂົ້າຮ່ວມອີກດ້ວຍ.
ທ່ານ ສີສະຫວັນ ມາຍົງເຊິນ ປະທານກຸ່ມບໍລິສັດຮຸ່ງອາລຸນ ໃນນາມຜູ້ອໍານວຍການຂອງບໍລິສັດນໍ້າດີ ພັດທະນາ ຈໍາກັດຜູ້ດຽວ ຊຶ່ງເປັນບໍລິສັດລູກຂອງກຸ່ມບໍລິສັດຮຸ່ງອາລຸນ ໄດ້ໃຫ້ສໍາພາດຕໍ່ນັກຂ່າວໜັງສືພິມປະຊາຊົນ ໃນວັນທີ 22 ທັນວາຜ່ານມາ ວ່າ: ໂດຍໄດ້ຮັບສິດຈາກພາກລັດໃຫ້ເປັນຜູ້ມາພັດທະນາແຫຼ່ງທ່ອງທ່ຽວນໍ້າຕົກຕາດນໍ້າດີ ຊຶ່ງຕັ້ງຢູ່ບ້ານນໍ້າດີ ເມືອງແລແຂວງຫຼວງນໍ້າທາ ບ້ານນໍ້າດີຫ່າງຈາກເທດສະບານແຂວງຫຼວງນໍ້າທາພຽງແຕ່ 4 ກິໂລແມັດ, ເສັ້ນທາງເຂົ້າບ້ານນໍ້າດີກໍມີຄວາມສະດວກ.
ທ່ານ ສີສະຫວັນ ມາຍົງເຊິນ ກ່າວວ່າ: ນໍ້າຕົກຕາດນໍ້າດີມີຈຸດພິເສດ ແມ່ນມີຄວາມສຳຄັນແລະ ຜູກພັນຄູ່ກັບເມືອງຫຼວງນໍ້າທາມາຍາວນານ ຊຶ່ງເມື່ອກ່ອນນໍ້າຕັກຕາດນໍ້າດີເປັນແຫຼ່ງນໍາໃຊ້ນໍ້າປະປາທີ່ທາງແຂວງຊົມໃຊ້; ແລະເປັນສະຖານທີ່ທ່ອງທ່ຽວພັກຜ່ອນທັງຄົນພາຍໃນແລະຕ່າງປະເທດຕະຫຼອດມາ,ຕົນມີຄວາມຮູ້ສຶກດີໃຈທີ່ໄດ້ຮັບໂອກາດມາພັດທະນາຍົກລະດັບໃຫ້ມີສິ່ງອຳນວຍຄວາມສະດວກ, ທີ່ພັກຮ້ານອາຫານແລະສ້າງກິດຈະກຳໃຫ້ມີຄວາມຫຼາກຫຼາຍ. ການປັບປຸງແຫຼ່ງທ່ອງທ່ຽວແມ່ນໄດ້ຈັດແບ່ງອອກເປັນສອງໄລຍະຄື: ໄລະຍະທີໜຶ່ງປຸກສ້າງຮ້ານອາຫານ, ຮ້ານກາເຟ ແລະ ໄລຍະທີສອງແມ່ນມີໜ້າວຽກປັບປຸງຂົວອູ່, ເສັ້ນທາງຍ່າງປ່າຊົມຮ່ອງຮອຍປະຫວັດສາດຢູ່ເທິງຈອມພູທົ່ງດີ. ປັບປຸງສິ່ງອຳນວຍຄວາມສະດວກ ການບໍລິການທີ່ຫຼາກຫຼາຍ ສາມາດໃຫ້ບໍລິການແຂກທັງພາຍໃນ ແລະ ຕ່າງປະເທດ.ປະຫວັດສະຖານທີ່ທ່ອງທ່ຽວບ້ານນໍ້າດີແຂວງຫຼວງນໍ້າທາເປັນແຂວງໜຶ່ງທີ່ມີຫຼາຍຊົນເຜົ່າໜຶ່ງໃນນັ້ນກໍແມ່ນຊົນເຜົ່າແລນແຕນ ອາໄສຢູ່ຫຼາຍ ໃນ ສປປ ລາວ ທີ່ຍັງຮັກສາເອກະລັກ-ວັດທະນະທຳຂອງເຜົ່າໄດ້ດີ. ບ້ານນໍ້າດີ ເປັນໜຶ່ງໃນ 5 ໝູ່ບ້ານມີເຜົ່າແລນແຕນຂອງແຂວງ, ຊື່ຂອງບ້ານນໍ້າດີແມ່ນຕັ້ງຂຶ້ນ ຕາມສາຍນໍ້າດີ ທີ່ໄຫຼຜ່ານບ້ານ, ເປັນສາຍນໍ້າທີ່ກໍາເນີດມາຈາກ ພູໝາກມ່ວງສາມຕົ້ນ ຊຶ່ງເປັນພູທີ່ມີສາຍນໍ້າໄຫຼແຍກເປັນແມ່ນໍ້າ 3 ສາຍຄື: ນໍ້າດີ, ນໍ້າປາງຟາດ ແລະ ຫ້ວຍປານນາ. ນໍ້າຕົກຕາດນໍ້າດີໄຫຼມາຈາກສາຍນໍ້າຫ້ວຍປານນາ ທີ່ເປັນແຫຼ່ງນໍ້າດື່ມຂອງຊາວບ້ານ. ການນຸ່ງຖືຂອງຊົນເຜົ່າແລນແຕນ ແມ່ນຜ້າຝ້າຍຍ້ອມດ້ວຍສີຄາມ, ສີນິນ (ໃບຫ້ອມ, ໃບຄາມ) ແລະ ປະດັບເອ້ດ້ວຍເຄື່ອງເງິນ. ເມື່ອກ່ອນເຜົ່າແລນແຕນໄດ້ຍົກຍ້າຍຖິ່ນກຳເນີດມາຈາກພາກໃຕ້ຂອງປະເທດຈີນໄດ້ 2 ຫາ 3 ສະຕະວັດແລ້ວ ແລະ ພວກເຂົາກໍໄດ້ນໍາເອົາວັດທະນະທໍາ ແລະ ຄວາມເຊື່ອຖື ປະສົມປະສານລະຫວ່າງລັດທິເຕົ໋າ (ນັກປາດຈີນບູຮານເປັນຜູ້ສ້າງຂຶ້ນ), ບັນພະບູລຸດ ແລະ ການເຊື່ອຖືຜີ. ເຜົ່າແລນແຕນມັກອາໄສຢູ່ຕາມແຄມແມ່ນໍ້າ ເນື່ອງຈາກເຂົາເຈົ້າມີພື້ນຖານການດຳລົງຊີວິດກັບການຜະລິດແຜ່ນແພ ທີ່ຍ້ອມສີນ້ຳຄາມ, ນໍ້ານິນແລະ ຜະລິດເຈ້ຍໜໍ່ໄມ້. ນອກນັ້ນ ຍັງມີການນຳໃຊ້ພາສາຂຽນດ້ວຍຕົວອັກສອນຈີນບູຮານທີ່ໃຊ້ໃນພິທີກຳທາງສາສະໜາ. ບ້ານນໍ້າດີໄດ້ເລີ່ມເປີດເປັນບ້ານທ່ອງທ່ຽວດ້ານທໍາມະຊາດ ແລະ ວັດທະນະທໍາມາແຕ່ ປີ 1995 ໂດຍໄດ້ອາໄສທ່າແຮງນໍ້າຕົກຕາດ ແລະ ມູນເຊື້ອວັດທະນະທໍາທີ່ເປັນເອກະລັກສະເພາະຂອງຊົນເຜົ່າແລນແຕນ ຊຶ່ງຜ່ານມາໄດ້ຮັບທຶນຊ່ວຍເຫຼືອໃນການສ້າງສາລາພັກຜ່ອນ, ເສັ້ນທາງຍ່າງປ່າ, ຫ້ອງນໍ້າ, ຮ້ານຈໍາໜ່າຍຜະລິດຕະພັນຫັດຖະກໍາຊາວບ້ານ, ໂອນຊາ, ຂົວອູ່, ລານຖ່າຍຮູບ, ຂົວຂ້າມນໍ້າ, ໂດຍທຶນສະໜັບສະໜູນຈາກທະນາຄານພັດທະນາອາຊີ (ADB) ແລະ ລັດຖະບານນິວຊີແລນ.
ທ່ານ ສີສະຫັວນ ມາຍົງເຊິນ ໄດ້ກ່າວຕື່ມອີກວ່າ: ພ້ອມດຽວກັນນີ້ໃນໂອກາດປີ 2024 ເປັນປີທ່ອງທ່ຽວລາວ ບໍລິສັດນໍ້າດີ ພັດທະນາ ຈໍາກັດຜູ້ດຽວ ໄດ້ຮ່ວມກັບພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ແຂວງຫຼວງນໍ້າທາ ຈະໄດ້ຈັດກິດຈະກໍາເທດສະການດົນຕີນໍ້າທາມິວສິກ ຄານິໂວ(Namtha Music Carnival) ເປັນເທດສະການທີ່ລວມເອົາດົນຕີ ແລະ ກິລາ ເຂົ້ານໍາກັນ ເປັນກິດຈະກໍາທີ່ມີຄວາມແປກໃໝ່; ໃນຮູບແບບຂອງການຈັດງານນັ້ນແມ່ນໄດ້ເນັ້ນໃນການມີສ່ວນຮ່ວມຂອງປະຊາຊົນ ບັນດາບ້ານ ແລະ ປະຊາຊົນພາຍໃນແຂວງເປັນເປັນຕົ້ນຕໍໂດຍສະເພາະມີສ່ວນຮ່ວມໃນການຈັດຫາສະຖານທີ່ພັກແບບກາງເຕັ້ນ ແມ່ນໃຫ້ແຕ່ລະບ້ານຮັບຜິດຊອບໃນການເປີດໃຫ້ບໍລິການ; ເພື່ອໃຫ້ບ້ານມີລາຍໄດ້ຮ່ວມ ພ້ອມທັງໃຫ້ບ້ານເປັນໜ່ວຍຮັບຜິດຊອບໃນການຈັດຫາອາຫານໃຫ້ແຂກທີ່ມາພັກ; ການບໍລິການຮັບ-ສົ່ງ ພ້ອມນີ້ກໍຍັງຈະໃຫ້ບັນດາສະມາຄົມລົດຕູ້, ລົດຕຸກໆ ແລະ ຜູ້ທີ່ສົນໃຈເອົາລົດຈັກຂອງຕົນມາຮ່ວມໃຫ້ບໍລິການ ເພື່ອອໍານວຍຄວາມສະດວກໃຫ້ແກ່ແຂກທີ່ເຂົ້າຮ່ວມງານ ຊຶ່ງໃນການບໍລິການແມ່ນຈະນໍາໃຊ້ລະບົບແອັບພີເຄຊັນ ໃນການນັດໝາຍ ເອີ້ນເອົາລົດຮັບສົ່ງ.
ສໍາລັບງານເທດສະການດົນຕີນໍ້າທາມິວສິກຄານິໂວ ແມ່ນຈະຈັດຂຶ້ນໃນທ້າຍເດືອນກຸມພາ ໃນລະຫວ່າງວັນທີ 16 – 24 ປີ 2024; ໃນນັ້ນວັນທີ 16ແລະ 17 ກຸມພາ ຈະມີກິດຈະກໍາແຂ່ງຂັນກິລາພື້ນບ້ານມີ ກິລາກະຕໍ້ຫວາຍ, ເຕະບານ; ວັນທີ 22 ແລະ 23 ກຸມພາ ກິດຈະກໍາແຂ່ງຂັນລົດຖີບ ແລະກິດຈະກໍາອື່ນໆ ແລະ ເຊື່ອມຕໍ່ໃສ່ບຸນສະຫຼອງພະທາດປຸມປຸກ ຫຼັງຈາກສໍາເລັດພິທີສະຫຼອງບຸນແລ້ວ, ໃນວັນທີ 23 ແລະ 24 ກຸມພາ ຈະແມ່ນກິດຈະກໍາເທດສະການດົນຕີ.ການເປີດນໍາໃຊ້ແຫຼ່ງທ່ອງທ່ຽວນໍ້າຕົກຕາດນໍ້າດີ ແມ່ນຈະຖືເອົາມື້ເປີດງານເທດສະການດົນຕີເປັນມື້ເປີດຢ່າງເປັນທາງການ ຊຶ່ງຖືກກັບວັນທີ 23 ກຸມພາ 2024 ເພື່ອເປັນການຕ້ອນຮັບນັກທ່ອງທ່ຽວ. ປັດຈຸບັນແມ່ນພວມດໍາເນີນການພັດທະນາໄລຍະທີສອງ ສືບຕໍ່ສ້າງກິດຈະກໍາຊົມວິວຢູ່ເທິງຈອມພູທົ່ງດີໃຫ້ສາມາດຮອງຮັບນັກທ່ອງທ່ຽວໄດ້ຫຼາຍຂຶ້ນ, ໄລຍະທາງຈາກຈຸດນໍ້າຕົກຕາດນໍ້າດີຍ່າງຂຶ້ນໄປຮອດຈອມພູທົ່ງດີ ປະມານ1,8 ກິໂລແມັດ ໃຊ້ເວລາ 1 ຊົ່ວໂມງໃນການຍ່າງ ເມື່ອຂຶ້ນຮອດຈອມພູຈະເຫັນວິວທີວທັດເທດສະບານ ທັງໝົດຂອງຕົວເມືອງຫຼວງນໍ້າທາ.ໂອກາດນີ້ ທ່ານ ກໍໄດ້ຝາກເຖິງນັກທ່ອງທ່ຽວທັງພາຍໃນ ແລະ ຕ່າງປະເທດ ຢາກໃຫ້ໄປຮ່ວມງານເທດສະການດົນຕີຂອງແຂວງຫຼວງນໍ້າທາ ຊຶ່ງໃນງານປະກອບມີ 3 ເວທີ; ເວທີໃຫຍ່ແມ່ນເທດສະການດົນຕີສາກົນ; ເວທີວັດທະນະທໍາ ແລະ ເວທີຟັງເພງແບບສະບາຍ ຊຶ່ງໃນງານຄັ້ງນີ້ແມ່ນຈະໄດ້ເຊີນເອົາສິລະປິນທີ່ມີຊື່ສຽງຈາກ ສິບສອງປັນນາສປຈີນ, ປະເທດໄທ ແລະ ຫວຽດນາມເຂົ້າຮ່ວມອີກດ້ວຍ.
ຄໍາເຫັນ