ຫຼວງນໍ້າທາເປີດບໍລິການ ຫ້ອງກວດພະຍາດ

ໃນພິທີ ໄດ້ຜ່ານຂໍ້ຕົກລົງຂອງຫົວໜ້າພະແນກສາທາລະນະສຸກແຂວງ, ສະບັບເລກທີ 1576/ສທຂ, ລົງວັນທີ 29 ພຶດສະພາ 2025 ວ່າດ້ວຍການອະນຸມັດໃຫ້ຫ້ອງການສາທາລະນະສຸກເມືອງຫຼວງນໍ້າທາ ເປີດບໍລິການປິ່ນປົວສຸຂະພາບ. ທົ່ວເມືອງ ປະກອບມີ 78 ບ້ານ, ມີ 11,224 ຫຼັງຄາ, ມີ 13,104 ຄອບຄົວ, ມີ 61,261 ຄົນ, ຍິງ 31,663 ຄົນ, ມີ 116 ຈຸດສັກຢາ, ຫ້ອງການສາທາລະນະສຸກເມືອງຫຼວງນໍ້າທາ ປະກອບມີ 4 ໜ່ວຍງານຄື: ໜ່ວຍງານບໍລິຫານ-ຈັດຕັ້ງ ແລະ ປະກັນສຸຂະພາບ, ໜ່ວຍງານອະນາໄມ-ສົ່ງເສີມສຸຂະພາບ, ການກັນ ແລະ ຄວບຄຸມພະຍາດຕິດຕໍ່, ໜ່ວຍງານອາຫານ ແລະ ຢາ, ໜ່ວຍງານປິ່ນປົວ ແລະ ຟື້ນຟູໜ້າທີ່ການ ລວມມີພະນັກງານທັງໝົດ 48 ຄົນ, ຍິງ 32 ຄົນ, ສະຖານທີ່ບໍລິການປິ່ນປົວ ປະກອບມີ ຫ້ອງກວດເຂດນອກ ແລະ ຫ້ອງນອນຄົນເຈັບ, ຫ້ອງປະສຸດ, ຫ້ອງວິເຄາະ, ຫ້ອງຜ່າຕັດນ້ອຍ, ຫ້ອງຂາຍຢາ ແລະ ໄດ້ບໍລິການແກ້ໄຂສຸກເສີນປິ່ນປົວຕະຫຼອດ 24 ຊົ່ວໂມງ.

(ຂ່າວ: ຄໍາຕັນ ອຸ່ນຄໍາ)