 |
ທ່ານ ໜູແສງ ຜຸຍບັນດິດ ໄດ້ເນັ້ນເຖິງຄວາມສຳຄັນຂອງວຽກງານດັ່ງກ່າວວ່າ: ການຢອດຢາວັກຊີນປ້ອງກັນພະຍາດໂປລິໂອ (ພະຍາດເປ້ຍລ່ອຍ) ແມ່ນມາດຕະການທາງວິທະຍາສາດທີ່ສຳຄັນທີ່ສຸດໃນການສ້າງພູມຄຸ້ມກັນໃຫ້ແກ່ເດັກນ້ອຍ. ຈຸດປະສົງຫຼັກຂອງຂະບວນການນີ້ ແມ່ນເພື່ອຮັບປະກັນໃຫ້ເດັກນ້ອຍທຸກຄົນ ທັງໃນຕົວເມືອງ ແລະ ເຂດຊົນນະບົດ ໄດ້ຮັບວັກຊີນຢ່າງທົ່ວເຖິງ ໂດຍບໍ່ໃຫ້ເດັກຄົນໃດພາດໂອກາດ, ເພື່ອປົກປ້ອງເດັກຈາກພະຍາດຮ້າຍແຮງ ແລະ ຫຼຸດຜ່ອນອັດຕາການເຈັບເປັນ ຫຼື ເສຍຊີວິດທີ່ສາມາດປ້ອງກັນໄດ້.
 |
ທ່ານຮອງປະທານປົກຄອງເມືອງ ຍັງໄດ້ຮຽກຮ້ອງມາຍັງອຳນາດການປົກຄອງທຸກຂັ້ນ ແລະ ພາກສ່ວນທີ່ກ່ຽວຂ້ອງ ໃຫ້ຖືເອົາວຽກງານສາທາລະນະສຸກເປັນວຽກງານໃຈກາງ, ເປັນເຈົ້າການຊຸກຍູ້ ແລະ ຕິດຕາມການຈັດຕັ້ງປະຕິບັດໃຫ້ໄດ້ຜົນສຳເລັດຕາມເປົ້າໝາຍ. ພິເສດ, ຂໍໃຫ້ທຸກພາກສ່ວນໃນສັງຄົມ ຮ່ວມແຮງຮ່ວມໃຈກັນເຜີຍແຜ່ຂໍ້ມູນຂ່າວສານ ເພື່ອໃຫ້ຜູ້ປົກຄອງເຫັນໄດ້ເຖິງຜົນປະໂຫຍດອັນໃຫຍ່ຫຼວງຂອງວັກຊີນ ແລະ ນຳພາລູກຫຼານຂອງຕົນໄປຮັບການບໍລິການຕາມຈຸດທີ່ກຳນົດໄວ້ ເພື່ອສ້າງອະນາຄົດທີ່ສົດໃສ ແລະ ປອດໄພໃຫ້ແກ່ເດັກນ້ອຍໃນເມືອງໂຂງ.
(ຂ່າວ-ພາບ: ພຸດທະສິນ ວົງວິໄລທອງ)
ຄໍາເຫັນ