ເມື່ອບໍ່ດົນມານີ້, ຢູ່ທີ່ຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ເມືອງລອງ ແຂວງຫຼວງນໍ້າທາ ໄດ້ຈັດກອງປະຊຸມປຶກສາຫາລືການສໍາຫຼວດ, ຈັດສັນ, ປັກຫຼັກໝາຍ ແລະ ອອກໃບຢັ້ງຢືນຂອບເຂດແຫຼ່ງທ່ອງທ່ຽວທໍາມະຊາດ ພູຜາຄໍາ; ໂດຍການເຂົ້າຮ່ວມຂອງທ່ານ ນາງ ຈັນຄໍາ ທໍຄໍາເໝົາ ຮອງເຈົ້າເມືອງ ຜູ້ຊີ້ນໍາຂົງເຂດວັດທະນະທໍາ-ສັງຄົມ, ທ່ານ ສົມຫວັງ ວົງໄຊ ຮອງຫົວໜ້າພະແນກສໍາຫຼວດ ແລະ ຈັັດສັນແຫຼ່ງທ່ອງທ່ຽວ ກົມພັດທະນາການທ່ອງທ່ຽວ ກະຊວງ ຖວທ, ມີພາກສ່ວນກ່ຽວຂ້ອງຈາກແຂວງ, ເມືອງ ແລະ ບ້ານເຂົ້າຮ່ວມ.
ໃນກອງປະຊຸມ, ທ່ານ ສຸວັນນິກອນ ຜາຕັນ ຕ່າງໜ້າຈາກກົມພັດທະນາການທ່ອງທ່ຽວ ໄດ້ຂຶ້ນນໍາສະເໜີຜົນການລົງສໍາຫຼວດ-ຈັດສັນ, ກໍານົດ ຂອບເຂດແຫຼ່ງທ່ອງທ່ຽວທໍາມະຊາດ ພູຜາຄໍາ, ການອອກແບບແນວຄວາມຄິດເບື້ອງຕົ້ນກ່ຽວກັບການພັດທະນາກິດຈະກໍາການທ່ອງທ່ຽວ ແລະ ສິ່ງອໍານວຍຄວາມສະດວກຢູ່ເຂດບໍລິການ ເພື່ອເປັນທິດທາງການພັດທະນາໃນຕໍ່ໜ້າ. ສໍາລັບກິດຈະກໍາທີ່ມີຄວາມເໝາະສົມໃນການພັດທະນາແຫຼ່ງທ່ອງທ່ຽວທໍາມະຊາດພູຜາຄໍາ ແມ່ນກິດຈະກໍາການທ່ອງທ່ຽວທາງດ້ານກະສິກໍາ, ການຍ່າງປ່າ, ຂົວອູ່ຕາມຕົ້ນໄມ້, ການຂຶ້ນຈຸດຊົມວິວ, ການຕັ້ງເຕັ້ນ, ການປິກນິກກິນເຂົ້າປ່າ, ການປີນຜາ, ສຶກສາຕົ້ນໄມ້ເປັນຢາ ແລະ ຊີວະນາໆພັນ. ຫຼັງຈາກນັ້ນຜູ້ເຂົ້າຮ່ວມໄດ້ປະກອບຄໍາຄິດຄໍາເຫັນຢ່າງກົງໄປກົງມາເພື່ອເຮັດໃຫ້ບົດສໍາຫຼວດສົມບູນ ແລະ ເປັນເອກະພາບ.
ຂອບເຂດເນື້ອທີ່ແຫຼ່ງທ່ອງທ່ຽວພູຜາຄໍາມີທັງໝົດ 785 ເຮັກຕາ, ໂດຍໄດ້ແບ່ງອອກເປັນ 2 ເຂດຕາມກົດ ໝາຍວ່າດ້ວຍການທ່ອງທ່ຽວ ປະກອບມີ: ເຂດສະຫງວນ 778 ເຮັກຕາ ແລະ ເຂດພັດທະນາ (ເຂດບໍລິການ) 7 ເຮັກຕາ ແລະ ໄດ້ມອບໃຫ້ຂະແໜງການທີ່ກ່ຽວຂ້ອງຂັ້ນແຂວງ ແລະ ຂັ້ນເມືອງ ສົມທົບກັນໃນການແກ້ໄຂ ແລະ ອອກໃບຢັ້ງຢືນຂອບເຂດແຫຼ່ງທ່ອງທ່ຽວທໍາມະຊາດພູຜາຄໍາ.
(ຂ່າວ: ອຸທາ ພົນທາວີ)
ໃນກອງປະຊຸມ, ທ່ານ ສຸວັນນິກອນ ຜາຕັນ ຕ່າງໜ້າຈາກກົມພັດທະນາການທ່ອງທ່ຽວ ໄດ້ຂຶ້ນນໍາສະເໜີຜົນການລົງສໍາຫຼວດ-ຈັດສັນ, ກໍານົດ ຂອບເຂດແຫຼ່ງທ່ອງທ່ຽວທໍາມະຊາດ ພູຜາຄໍາ, ການອອກແບບແນວຄວາມຄິດເບື້ອງຕົ້ນກ່ຽວກັບການພັດທະນາກິດຈະກໍາການທ່ອງທ່ຽວ ແລະ ສິ່ງອໍານວຍຄວາມສະດວກຢູ່ເຂດບໍລິການ ເພື່ອເປັນທິດທາງການພັດທະນາໃນຕໍ່ໜ້າ. ສໍາລັບກິດຈະກໍາທີ່ມີຄວາມເໝາະສົມໃນການພັດທະນາແຫຼ່ງທ່ອງທ່ຽວທໍາມະຊາດພູຜາຄໍາ ແມ່ນກິດຈະກໍາການທ່ອງທ່ຽວທາງດ້ານກະສິກໍາ, ການຍ່າງປ່າ, ຂົວອູ່ຕາມຕົ້ນໄມ້, ການຂຶ້ນຈຸດຊົມວິວ, ການຕັ້ງເຕັ້ນ, ການປິກນິກກິນເຂົ້າປ່າ, ການປີນຜາ, ສຶກສາຕົ້ນໄມ້ເປັນຢາ ແລະ ຊີວະນາໆພັນ. ຫຼັງຈາກນັ້ນຜູ້ເຂົ້າຮ່ວມໄດ້ປະກອບຄໍາຄິດຄໍາເຫັນຢ່າງກົງໄປກົງມາເພື່ອເຮັດໃຫ້ບົດສໍາຫຼວດສົມບູນ ແລະ ເປັນເອກະພາບ.
ຂອບເຂດເນື້ອທີ່ແຫຼ່ງທ່ອງທ່ຽວພູຜາຄໍາມີທັງໝົດ 785 ເຮັກຕາ, ໂດຍໄດ້ແບ່ງອອກເປັນ 2 ເຂດຕາມກົດ ໝາຍວ່າດ້ວຍການທ່ອງທ່ຽວ ປະກອບມີ: ເຂດສະຫງວນ 778 ເຮັກຕາ ແລະ ເຂດພັດທະນາ (ເຂດບໍລິການ) 7 ເຮັກຕາ ແລະ ໄດ້ມອບໃຫ້ຂະແໜງການທີ່ກ່ຽວຂ້ອງຂັ້ນແຂວງ ແລະ ຂັ້ນເມືອງ ສົມທົບກັນໃນການແກ້ໄຂ ແລະ ອອກໃບຢັ້ງຢືນຂອບເຂດແຫຼ່ງທ່ອງທ່ຽວທໍາມະຊາດພູຜາຄໍາ.
(ຂ່າວ: ອຸທາ ພົນທາວີ)
ຄໍາເຫັນ