ທ່ານ ນາງ ຄໍາແພງ ອໍາພອນສຸກ ຮອງຫົວໜ້າຫ້ອງການ ສາທາລະນະສຸກເມືອງ ໄດ້ຜ່ານມາດຕະການສະກັດກັ້ນ-ຕ້ານ ພະຍາດໄຂ້ຍຸງລາຍວ່າ: ພະຍາດຍູງລາຍ ແມ່ນພະຍາດທີ່ເປັນບັນຫາ ກະທົບຕໍ່ວຽກງານດ້ານສາທາລະນະສຸກ, ທັງຜົນກະທົບຕໍ່ ການພັດທະນາເສດຖະກິດ-ສັງຄົມ ກໍຄືທາງດ້ານສຸຂະພາບຂອງປະຊາຊົນ, ພະຍາດໄຂ້ຍຸງລາຍ ແມ່ນພະຍາດຕິດຕໍ່ທີເກີດຈາກເຊື້ອຈຸລະໂລກ ຫຼື ເຊື້ອໄວຣັດ ໂດຍແມ່ນຍຸງລາຍເປັນພາຫະ ນໍາສົ່ງເຊື້ອ, ອາການຜູ້ທີເປັນໄຂ້ເລືອດອອກ ຈະມີອາການໄຂ້ສູງກະທັນຫັນ, ເຈັບຫົວ, ປວດຕາມກ້າມຊີ້ນ ແລະ ຂໍ້ຕໍ່ກະດູກ, ປວດຕາມກະບົງຕາ ແລະ ຕາແດງ.
ສຳລັບການປີ່ນປົວພະຍາດໄຂ້ຍຸງລາຍ ປັດຈຸບັນບໍ່ທັນມີຢາປີ່ນປົວ, ບໍ່ມີວັກຊີນເພື່ອປ້ອງກັນ, ມີແຕ່ປີ່ນປົວຕາມອາການເທົ່ານັ້ນ, ເພື່ອຊ່ວຍປ້ອງກັນບໍ່ໃຫ້ມັນເກີດອາການສົນຂອງພະຍາດ ແລະ ບໍ່ໃຫ້ຄົນເຈັບ ກ້າວໄປສູ່ການເສຍຊີວິດ, ຖ້າຫາກພົບເຫັນຄົນເຈັບມີອາການເປັນໄຂ ຄວນນໍາໄປກວດ ແລະ ປີ່ນປົວຢູ່ໂຮງໝໍໃຫ້ທັນກັບເຫດການ. ຈາກນັ້ນ, ທ່ານ ຮອງເຈົ້າເມືອງ ໄດ້ເນັ້ນໜັກໃຫ້ຂະແໜງການທີ່ກ່ຽວຂ້ອງ ເອົາໃຈໃສ່ໂຄສະນາເຜີຍແຜ່ ການປະຕິບັດຫຼັກການ 5 ປໍ ຄື: ປີດຝາພາຊະນະທີເກັບນໍ້າທັງໃນເຮືອນ ແລະ ນອກເຮືອນ ເພື່ອບໍ່ໃຫ້ຍຸງມາໄຂ່ໃສ່, ປ່ຽນນໍ້າ ແລະ ພັດຖູພາຊະນະ ເປັນປະຈຳ ເຊັ່ນ: ເຕົ້າດອກໄມ້, ນໍ້າຮ່ອງຕີນຕູ້, ຖ້ານຮອງຈອກນໍ້າ, ປ່ອຍປາຫາງນົກຍຸງ ເພື່ອກີນໜອນນໍ້າ, ປັບປຸງ ສະພາບແວດລ້ອມ ບໍ່ໃຫ້ມີນໍ້າຄ້າງຂັງກະໂປະ, ກະປ່ອງ, ຮາງລີນ ແລະ ຢ່າງຕີນລົດເກົ່າ, ປະຕິບັດເປັນປະຈໍາທຸກໆອາທິດ ຖ້າເປັນໄຂ້ໃຫ້ໄປປີ່ນປົວຢູ່ໂຮງໝໍ ຫຼື ໂຮງໝໍນ້ອຍໃກ້ບ້ານ. ແນໃສ່ເຮັດໃຫ້ປະຊາຊົນ ຢູ່ແຕ່ລະຄອບຄົວ ໄດ້ຮັບຮູ້ຂໍ້ມູນ ແລະ ປະຕິບັດຫຼັກ 5 ປໍ ຢ່າງເຂັ້ມງວດ. ໂອກາດນີ້, ຜູ້ເຂົ້າຮ່ວມ ໄດ້ຍ່າງເດີ່ນຂະບວນການຕ້ານ ແລະ ການທໍາລາຍ ແຫຼ່ງເພາະພັນໜອນນໍ້າຍຸງລາຍ ໃນພາຍເທດສະບານເມືອງ ແລະ ຮ່ວມກັນຫຼີ້ນກິລາ ເພື່ອສຸຂະພາບຢ່າງເປັນຂະບວນຟົດຟື້ນ.
(ຂ່າວ: ສີວອນ ນັກຂ່າວເມືອງໂພນໄຊ)
ຄໍາເຫັນ