ນາຍົກລັດຖະມົນຕີຍີ່ປຸ່ນ ໃຫ້ຄຳໝັ້ນສັນຍາກະຕຸ້ນເສດຖະກິດ ແລະ ສະກັດກັ້ນໄພເງິນເຟີ້

ນາຍົກລັດຖະມົນຕີຍີ່ປຸ່ນ ໃຫ້ຄຳໝັ້ນສັນຍາກະຕຸ້ນເສດຖະກິດ ແລະ ສະກັດກັ້ນໄພເງິນເຟີ້

10:24 24/10/2025

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 21 ຕຸລາ ຜ່ານມາ, ທ່ານນາງ ທາກະອິຈິ ຊານາເອະ ນາຍົກລັດຖະມົນຕີຄົນໃໝ່ ຍີ່ປຸ່ນ ຖະແຫຼງວ່າ, ຈະຊີ້ນໍາບັນດາເຈົ້າໜ້າທີ່ລັດຖະບານຮຽບຮຽງບ້ວງກະຕຸ້ນເສດຖະກິດໂດຍໄວ ເພື່ອແນໃສ່ຮັບມືກັບສະພາບການຄ່າຄອງຊີບເພີ່ມຂຶ້ນ.

ທ່ານນາງ ທາກະອິຈິ ຊານາເອະ ກ່າວຄຳເຫັນໃນກອງປະຊຸມຖະແຫຼງການຢູ່ນະຄອນຫຼວງໂຕກຽວ ວ່າ: ລັດຖະບານຂອງທ່ານຈະໃຫ້ບຸລິມະສິດຕໍ່ບັນດານະໂຍບາຍເສດຖະກິດ ແທນທີ່ເລືອກເອົາກໍລະນີຍຸບເລີກສະພາຕ່ຳ ເພື່ອຈັດຕັ້ງການເລືອກຕັ້ງກ່ອນກຳນົດເວລາ. ທ່ານຊີ້ແຈ້ງວ່າ: ຈະລຶບລ້າງພາສີສົ່ງອອກຊົ່ວຄາວສໍາລັບນໍ້າມັນ ແລະ ເພີ່ມລະດັບລາຍຮັບທີ່ບໍ່ຕ້ອງເສຍພາສີຈາກລະດັບປັດຈຸບັນແມ່ນ 1.03 ລ້ານຢຽນ (ປະມານ 6.800 ໂດລາ) ຜ່ານການຮັບຟັງຄຳເຫັນຈາກບັນດາພັກຝ່າຍຄ້ານ. ບັນດາມາດຕະການເສດຖະກິດນີ້ ຈະຊ່ວຍເພີ່ມລາຍຮັບໃຫ້ແກ່ປະຊາຊົນ ແລະ ຫຼຸດຜ່ອນພາລະແບກຫາບໃຫ້ແກ່ບັນດາຄອບຄົວ.

ສຳລັບດ້ານພົວພັນທາງການທູດ, ທ່ານນາງ ທາກະອິຈິ ຊານາເອະ ມີຄວາມປາຖະໜາຢາກພົບປະກັບການນຳຂອງບັນດາປະເທດອື່ນໆໃນກອງປະຊຸມທີ່ກ່ຽວຂ້ອງເຖິງອາຊຽນ ທີ່ຈະຈັດຂຶ້ນຢູ່ ມາເລເຊຍ ໃນທ້າຍອາທິດນີ້ ແລະ ກອງປະຊຸມສຸດຍອດ ເວທີປາໄສຮ່ວມມືເສດຖະກິດ ອາຊີ - ປາຊີຟິກ (APEC) ທີ່ຈະດຳເນີນໃນທ້າຍເດືອນນີ້ຢູ່ ສ ເກົາຫຼີ.

ຄໍາເຫັນ

ຂ່າວຕ່າງປະເທດ

ຫວຽດນາມ ແລະ ບຸນກາຣີ ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດ

24/10/2025 13:37

ວິທະຍຸກະຈາຍສຽງຫວຽດນາມລາຍງານວ່າ: ຫວຽດນາມ ແລະ ບຸນກາຣີ ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດ. ນີ້ແມ່ນຂໍ້ມູນໂດຍທ່ານ ໂຕເລິມ ເລຂາທິການໃຫຍ່ພັກກອມມູນິດ ຫວຽດນາມ ແລະ ທ່ານ ຣູເມນ ຣາເດວ ປະທານາທິບໍດີ ສ ບຸນກາຣີ ຍົກອອກມາໃນກອງປະຊຸມຖະແຫຼງຂ່າວພາຍຫຼັງການໂອ້ລົມສົນທະນາຂັ້ນສູງທີ່ຈັດຂຶ້ນໃນວັນທີ 23 ຕຸລາ ຜ່ານມາ ຢູ່ນະຄອນຫຼວງ Sofia ສ ບຸນກາຣີ, ເນື່ອງໃນໂອກາດການຢ້ຽມຢາມທາງລັດຖະກິດ ບຸນກາຣີ ຂອງທ່ານ ໂຕເລິມ ແລະ ພັນລະຍາ ພ້ອມກັບຄະນະຜູ້ແທນຂັ້ນສູງ ຫວຽດນາມ.

10 ປີຜ່ານມາ ແມ່ນ 10 ປີທີ່ອາກາດຮ້ອນສຸດໃນປະຫວັດສາດ

24/10/2025 11:33

ຂ່າວສານຊີອາໄອລາຍງານ ຫວ່າງບໍ່ດົນມານີ້ວ່າ: ທ່ານ ອັນໂຕນີໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດ ໄດ້ເຂົ້າຮ່ວມກອງປະຊຸມວິສາມັນຂອງກອງປະຊຸມອຸຕຸນິຍົມໂລກ. ໃນກອງປະຊຸມ, ທ່ານໄດ້ເນັ້ນໜັກວ່າ: ວິກິດການປ່ຽນແປງດິນຟ້າອາກາດກຳລັງເຮັດໃຫ້ໂລກໄປສູ່ຂອບເຫວອັນຕະລາຍ.

ເອຢິບ ຄົ້ນພົບບໍ່ນໍ້າມັນ ແລະ ອາຍແກ໊ສທຳມະຊາດຫຼາຍແຫ່ງ

24/10/2025 11:18

ຂ່າວຕ່າງປະເທດລາຍງານ ຫວ່າງບໍ່ດົນມານີ້ວ່າ: ທ່ານ ຄາຣິມ ບາແດວີ ລັດຖະມົນຕີກະຊວງນ້ຳມັນ ແລະ ຊັບພະຍາກອນແຮ່ທາດຂອງເອຢິບ ໄດ້ລາຍງານການຄົ້ນພົບບໍ່ນ້ຳມັນ ແລະ ອາຍແກ໊ສຫຼາຍແຫ່ງໃນທະເລຊາຍຕາເວັນຕົກ ແລະ ເຂດສາມຫຼ່ຽມປາກແມ່ນ້ຳໄນ ໃນເດືອນຕຸລານີ້ ຊຶ່ງຄາດວ່າຈະເພີ່ມການຜະລິດນ້ຳມັນຫຼາຍກວ່າ 5,000 ບາເຣວຕໍ່ມື້ ແລະ ອາຍແກ໊ສ 42 ລ້ານແມັດກ້ອນຕໍ່ມື້.

ເປິດກອງປະຊຸມເຈົ້າໜ້າທີ່ຂັ້ນສູງ ອາຊຽນ

24/10/2025 11:17

ວິທະຍຸກະຈາຍສຽງຫວຽດນາມລາຍງານວ່າ: ກອງປະຊຸມເຈົ້າໜ້າທີ່ຂັ້ນສູງ ອາຊຽນ (SOM) ແລະ ບັນດາວາລະກອງປະຊຸມກະກຽມ ໄດ້ເປີດຂຶ້ນໃນວັນທີ 23 ຕຸລາ ຜ່ານມາ ຢູ່ນະຄອນຫຼວງກົວລາລຳເປີ ປະເທດມາເລເຊຍ. ນີ້ແມ່ນກອງປະຊຸມສ້າງປະຖົມປັດໄຈໃຫ້ແກ່ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມທີ່ກ່ຽວຂ້ອງ ຊຶ່ງຄາດວ່າຈະຈັດຂຶ້ນຢູ່ຫໍປະຊຸມ ກົວລາລຳເປີ ປະເທດມາເລເຊຍ ໃນວັນທີ 26 – 28 ຕຸລາ ນີ້. ດ້ວຍຫົວຂໍ້ “ກວມລວມ ແລະ ຍືນຍົງ”.

ກອງປະຊຸມຄົບຄະນະຄັ້ງທີ 4 ຂອງຄະນະກຳມະການສູນກາງພັກກອມມູນິດຈີນ ຮັບຮອງເອົາແຜນພັດທະນາເສດຖະກິດ-ສັງຄົມແຫ່ງຊາດ 5 ປີ

24/10/2025 11:15

ຂ່າວສານຊີອາໄອລາຍງານໃນວັນທີ 23 ຕຸລາ ຜ່ານມາວ່າ: ກອງປະຊຸມຄົບຄະນະຄັ້ງທີ 4 ຂອງຄະນະກຳມະການສູນກາງພັກກອມມູນິດຈີນສະໄໝທີ 20 ໄດ້ຈັດຂຶ້ນຢູ່ນະຄອນຫຼວງປັກກິ່ງ ຂອງຈີນ ລະຫວ່າງວັນທີ 20-23 ຕຸລາ ຜ່ານມາ, ໂດຍກົມການເມືອງສູນກາງພັກກອມມູນິດຈີນເປັນປະທານກອງປະຊຸມດັ່ງກ່າວ. ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໄດ້ກ່າວຄຳປາໄສອັນສຳຄັນ.

ອິນໂດເນເຊຍ ຈະຫຼຸດລາຄາປີ້ຍົນພາຍໃນປະເທດ

24/10/2025 10:31

ຂ່າວຕ່າງປະເທດລາຍງານ ໃນວັນທີ 22 ຕຸລາ ຜ່ານມາວ່າ: ກະຊວງຄົມມະນາຄົມອິນໂດເນເຊຍປະກາດວ່າ, ລັດຖະບານຈະຫຼຸດລາຄາປີ້ຍົນພາຍໃນປະເທດລົງເຖິງ 14% ກ່ອນເຖິງວັນບຸນຄຣິສມາດ ແລະ ປີໃໝ່ ເພື່ອຊ່ວຍແບ່ງເບົາພາລະຄ່າເດີນທາງຂອງປະຊາຊົນ. ໂດຍລວມມີປີ້ໂດຍສານຊັ້ນປະຢັດສໍາລັບຖ້ຽວບິນພາຍໃນປະເທດທີ່ອອກເດີນທາງລະຫວ່າງວັນທີ 22 ທັນວາ 2025 ແລະ ວັນທີ 10 ມັງກອນ 2026.

ລາຄາຄຳ ແລະ ເງິນໃນຕະຫຼາດໂລກຫຼຸດລົງຢ່າງວ່ອງໄວ

23/10/2025 11:27

ຂ່າວສານຊີອາໄອລາຍງານວ່າ: ໃນວັນທີ 21 ຕຸລາຜ່ານມາ, ຍ້ອນໄດ້ຮັບຜົນກະທົບຈາກຫຼາຍປັດໄຈ, ໄດ້ເຮັດໃຫ້ລາຄາຄໍາໃນຕະຫຼາດໂລກຫຼຸດລົງເກີນ 6% ໃນຊົ່ວໄລຍະໜຶ່ງ, ຄິດເປັນມູນຄ່າ ຕ່ຳລົງເຖິງ 4,100 ໂດລາຕໍ່ອອນ ຊຶ່ງເປັນຈຳນວນຫຼຸດລົງຫຼາຍທີ່ສຸດຕໍ່ມື້ ໃນຮອບ 12 ປີຜ່ານມາ; ສ່ວນລາຄາເງິນໃນຕະຫຼາດໂລກໄດ້ຫຼຸດລົງເກີນ 8% ໃນຊົ່ວໄລຍະໜຶ່ງ, ຄິດເປັນມູນຄ່າຫຼຸດຕ່ຳລົງເຖິງ 48 ໂດລາຕໍ່ອອນ ຊຶ່ງເປັນຈຳນວນຫຼຸດລົງຫຼາຍທີ່ສຸດຕໍ່ມື້ ຫຼັງຈາກປີ 2021 ເປັນຕົ້ນມາ.

ຫວຽດນາມ ແລະ ແຟງລັງ ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດ

23/10/2025 11:25

ວິທະຍຸກະຈາຍສຽງຫວຽດນາມລາຍງານວ່າ: ໃນຂອບເຂດການຢ້ຽມຢາມ ແຟງລັງ ຢ່າງເປັນທາງການ, ໃນວັນທີ 21 ຕຸລາ ຜ່ານມາ ພາຍຫຼັງພິທີຕ້ອນຮັບໄດ້ຈັດຂຶ້ນຢ່າງສົມກຽດຢູ່ທຳນຽບປະທານາທິບໍດີ, ທ່ານ ໂຕເລິມ ເລຂາທິການໃຫຍ່ຫວຽດນາມ ໄດ້ມີການພົບປະເຈລະຈາກັບທ່ານ ອາເລັກຊານເດີ ສະຕັບ ປະທານາທິບໍດີ ແຟັງລັງ

ສະວິດ ສົ່ງອອກສິນຄ້າໄປ ສະຫະລັດ ອາເມຣິກາ ເພີ່ມຂຶ້ນໃນເດືອນກັນຍາ

22/10/2025 16:03

ຂ່າວຕ່າງປະເທດລາຍງານວ່າ: ຫ້ອງການພາສີ ຂອງສະວິດ ປະກາດໃນວັນທີ 21 ຕຸລາ ຜ່ານມາວ່າ, ການສົ່ງອອກສິນຄ້າໄປສະຫະລັດ ອາເມຣິກາ ຊຶ່ງບໍ່ລວມຄໍາ, ເພີ່ມຂຶ້ນ 43% ໃນເດືອນກັນຍາ ເມື່ອທຽບກັບເດືອນສິງຫາ, ໃນຂະນະທີ່ການສົ່ງອອກໂດຍລວມເພີ່ມຂຶ້ນ 3.4% ຊຶ່ງຊີ້ໃຫ້ເຫັນວ່າຄວາມຕ້ອງການສິນຄ້າຂອງສະວິດຍັງແຂງແຮງ ເຖິງວ່າຈະມີຜົນກະທົບຂອງອັດຕາພາສີ 39% ຂອງລັດຖະບານ ທ່ານ ໂດໂນ ທຣໍາ ຕໍ່ການນໍາເຂົ້າສິນຄ້າຈາກສະວິດ.

ແຮງງານອົບພະຍົບ ມີບົດບາດສຳຄັນຕໍ່ເສດຖະກິດອີຕາລີ

22/10/2025 16:01

ຂ່າວຕ່າງປະເທດລາຍງານ ໃນວັນທີ 21 ຕຸລາ ຜ່ານມາວ່າ: ມູນນິທິ Leone Moressa ທີ່ນະຄອນເວນິສ ປະເທດອີຕາລີ ໄດ້ເປີດເຜີຍບົດລາຍງານເສດຖະກິດທີ່ຂັບເຄື່ອນໂດຍແຮງງານອົບພະຍົບ ລະບຸວ່າ: ແຮງງານອົບພະຍົບສືບຕໍ່ມີບົດບາດສຳຄັນໃນເສດຖະກິດ ແລະ ປະຊາກອນຂອງອີຕາລີ ໃນປີ 2024 ເນື່ອງຈາກຈໍານວນຜູ້ປະກອບການຊາວຕ່າງປະເທດເພີ່ມຂຶ້ນຢ່າງຕໍ່ເນື່ອງ.

ເພີ່ມເຕີມ