ວັນທີ 25 ຕຸລາຜ່ານມາທີ່ສະໂມສອນເມືອງເງິນ ແຂວງໄຊຍະບູລີ ທ່ານ ນາງ ປະທຸມທອງ ດ້ວງເງິນ ວ່າການຫົວໜ້າອົງການກາແດງແຂວງໄຊຍະບູລີພ້ອມດ້ວຍທີມງານ ໄດ້ລົງເຄື່ອນໄຫວ ເຜີຍແຜ່ກົດໝາຍ ວ່າດ້ວຍວຽກງານອົງການກາແດງລາວ,ໃຫ້ການຕ້ອນຮັບໂດຍທ່ານ ບຸນເລື່ອນ ບົວໄລ ຮອງເຈົ້າເມືອງ ຜູ້ຊີ້ນໍາຂົງເຂດວັດທະນະທໍາ-ສັງຄົມ ປະທານອົງການກາແດງເມືອງເງິນ ມີຫົວໜ້າ-ຮອງຫົວໜ້າຫ້ອງການ, ກົມກອງ ແລະ ພະນັກງານວິຊາການອ້ອມຂ້າງ ແລະ ມີນາຍບ້ານເທດສະບານເມືອງເຂົ້າຮ່ວມ.
ທ່ານ ນາງ ປະທຸມທອງ ດ້ວງເງິນໄດ້ເປັນກຽດຂຶ້ນເຜີຍແຜ່ ກົດໝາຍວ່າດ້ວຍວຽກງານກາແດງລາວ ຊຶ່ງໄດ້ຍົກໃຫ້ເຫັນຫຼາຍພາກ, ຫາຍໝວດ ແລະ ຫຼາຍມາດຕາທີ່ກ່ຽວພັນກັບວຽກງານກາແດງລາວ ເພື່ອແນໃສ່ເຮັດຜູ້ເຂົ້າຮ່ວມມີຄວາມຮັບຮູ້ເຂົ້າໃຈ ພ້ອມກັນນໍາໄປຈັດຕັ້ງປະຕິບັດໃຫ້ໄດ້ຮັບຜົນດີ, ໂອກາດດຽວກັນນີ້ທ່ານຍັງໄດ້ຍົກໃຫ້ເຫັນປະຫວັດຄວາມເປັນມາ ຂອງອົງການກາແດງລາວ ແລະ ອະທິບາຍເຄື່ຶອງໝາຍ ດ້ານມະນຸດສະທໍາ ຂອງອົງການກາແດງ. ຈາກນັ້ນ ທ່ານ ອຸ່ນແກ້ວ ຈັນທະລົດ ຫົວໜ້າຂະແໜງໂຄສະນາຂົນຂວາຍແຫຼ່ງທຶນ ຊ່ວຍເຫຼືອບັນເທົາທຸກ ໄດ້ສະເໜີຜ່ານພາລະບົດບາດ ສິດ ແລະ ໜ້າທີ່ຂອງອົງການກາແດງ ຕະຫຼອດຮອດການປຸກລະດົມຂົນຂວາຍ ການປະກອບສ່ວນເປັນທຶນຮອນ ເພື່ອຊ່ວຍເຫຼືອມະນຸດສະທໍາ ໃນເວລາທີ່ສຸກເສີນ ເປັນຕົ້ນນໍ້າຖ້ວມ, ລົມພາຍຸພັດ, ໄຟໄໝ້ ແລະ ໄພແຫ້ງແລ້ງ ພ້ອມນັ້ນຍັງໄດ້ຜ່ານບົດສະຫຼຸບຜົນງານການເຄື່ອນໄຫວ 9 ເດືອນຂອງອົງການກາແດງແຂວງໄຊຍະບູລີ.
ໃນວາລະດໍາເນີນກອງປະຊຸມ ຜູ້ເຂົ້າຮ່ວມກໍໄດ້ພ້ອມກັນຂຶ້ນປະກອບຄໍາຄິດເຫັນ ເພື່ອແລກປ່ຽນບົດຮຽນ ໂດຍໄດ້ຍົກໃຫ້ເຫັນດ້ານອ່ອນ ແລະ ຂໍ້ຄົງຄ້າງ ຕໍ່ວຽກງານກາແດງແຂວງ ໃນໄລຍະຜ່ານມາ ເພື່ອແນໃສ່ເຮັດໃຫ້ວຽກງານດັ່ງກ່າວ ມີຄວາມເຂັ້ມແຂງຂຶ້ນໄປເລື້ອຍໆ
ຕອນທ້າຍກໍໄດ້ຮັບຟັງການມີຄໍາເຫັນຊີ້ນໍາ ຂອງທ່ານ ບຸນເລື່ອນ ບົວໄລ ຊຶ່ງກ່ອນອື່ນທ່ານໄດ້ຮຽກຮ້ອງມາຍັງພະນັກງານ ທະຫານ ຕໍາຫຼວດ ແລະ ນາຍບ້ານໃຫ້ພ້ອມກັນນໍາເອົາເນື້ອໃນກອງປະຊຸມດັ່ງກ່າວ ໄປເຜີຍແຜ່ເຊື່ອມຊືມ ໃຫ້ປະຊາຊົນຢ່າງກ້ວາງຂວາງ ແລະ ເລິກເຊິ່ງ ພ້ອມທັງເອົາໃຈໃສ່ປຸກລະດົມ ການປະກອບເຂົ້າກອງທຶນໃຫ້ໄດ້ຕາມແຜນການທີ່ວາງໄວ້.
(ຂ່າວ-ພາບ ສຸລິຍາ ແສງເດືອນ)
ທ່ານ ນາງ ປະທຸມທອງ ດ້ວງເງິນໄດ້ເປັນກຽດຂຶ້ນເຜີຍແຜ່ ກົດໝາຍວ່າດ້ວຍວຽກງານກາແດງລາວ ຊຶ່ງໄດ້ຍົກໃຫ້ເຫັນຫຼາຍພາກ, ຫາຍໝວດ ແລະ ຫຼາຍມາດຕາທີ່ກ່ຽວພັນກັບວຽກງານກາແດງລາວ ເພື່ອແນໃສ່ເຮັດຜູ້ເຂົ້າຮ່ວມມີຄວາມຮັບຮູ້ເຂົ້າໃຈ ພ້ອມກັນນໍາໄປຈັດຕັ້ງປະຕິບັດໃຫ້ໄດ້ຮັບຜົນດີ, ໂອກາດດຽວກັນນີ້ທ່ານຍັງໄດ້ຍົກໃຫ້ເຫັນປະຫວັດຄວາມເປັນມາ ຂອງອົງການກາແດງລາວ ແລະ ອະທິບາຍເຄື່ຶອງໝາຍ ດ້ານມະນຸດສະທໍາ ຂອງອົງການກາແດງ. ຈາກນັ້ນ ທ່ານ ອຸ່ນແກ້ວ ຈັນທະລົດ ຫົວໜ້າຂະແໜງໂຄສະນາຂົນຂວາຍແຫຼ່ງທຶນ ຊ່ວຍເຫຼືອບັນເທົາທຸກ ໄດ້ສະເໜີຜ່ານພາລະບົດບາດ ສິດ ແລະ ໜ້າທີ່ຂອງອົງການກາແດງ ຕະຫຼອດຮອດການປຸກລະດົມຂົນຂວາຍ ການປະກອບສ່ວນເປັນທຶນຮອນ ເພື່ອຊ່ວຍເຫຼືອມະນຸດສະທໍາ ໃນເວລາທີ່ສຸກເສີນ ເປັນຕົ້ນນໍ້າຖ້ວມ, ລົມພາຍຸພັດ, ໄຟໄໝ້ ແລະ ໄພແຫ້ງແລ້ງ ພ້ອມນັ້ນຍັງໄດ້ຜ່ານບົດສະຫຼຸບຜົນງານການເຄື່ອນໄຫວ 9 ເດືອນຂອງອົງການກາແດງແຂວງໄຊຍະບູລີ.
ໃນວາລະດໍາເນີນກອງປະຊຸມ ຜູ້ເຂົ້າຮ່ວມກໍໄດ້ພ້ອມກັນຂຶ້ນປະກອບຄໍາຄິດເຫັນ ເພື່ອແລກປ່ຽນບົດຮຽນ ໂດຍໄດ້ຍົກໃຫ້ເຫັນດ້ານອ່ອນ ແລະ ຂໍ້ຄົງຄ້າງ ຕໍ່ວຽກງານກາແດງແຂວງ ໃນໄລຍະຜ່ານມາ ເພື່ອແນໃສ່ເຮັດໃຫ້ວຽກງານດັ່ງກ່າວ ມີຄວາມເຂັ້ມແຂງຂຶ້ນໄປເລື້ອຍໆ
ຕອນທ້າຍກໍໄດ້ຮັບຟັງການມີຄໍາເຫັນຊີ້ນໍາ ຂອງທ່ານ ບຸນເລື່ອນ ບົວໄລ ຊຶ່ງກ່ອນອື່ນທ່ານໄດ້ຮຽກຮ້ອງມາຍັງພະນັກງານ ທະຫານ ຕໍາຫຼວດ ແລະ ນາຍບ້ານໃຫ້ພ້ອມກັນນໍາເອົາເນື້ອໃນກອງປະຊຸມດັ່ງກ່າວ ໄປເຜີຍແຜ່ເຊື່ອມຊືມ ໃຫ້ປະຊາຊົນຢ່າງກ້ວາງຂວາງ ແລະ ເລິກເຊິ່ງ ພ້ອມທັງເອົາໃຈໃສ່ປຸກລະດົມ ການປະກອບເຂົ້າກອງທຶນໃຫ້ໄດ້ຕາມແຜນການທີ່ວາງໄວ້.
(ຂ່າວ-ພາບ ສຸລິຍາ ແສງເດືອນ)
ຄໍາເຫັນ