 |
ທ່ານ ນາງ ວຽງຄຳ ເຫຼັກວໍລະຈັນ ໄດ້ມີຄຳເຫັນວ່າ: ເລືອດເປັນສີ່ງສຳຄັນທີ່ຫຼ່ໍລ້ຽງຊິວິດອີນຊີຂອງຄົນເຮົາ ໃຫ້ມີລົມຫາຍໃຈ ແລະ ດໍາລົງຊີວິດຢູ່ໃນໂລກນີ້, ຫຼາຍໆລ້ານຊີວິດ ມີຄວາມຢູ່ຫຼອດປອດໄພໄດ້ແມ່ນຍັງອາໄສ ເລືອດຂອງຄົນອື່ນ, ທີ່ໄດ້ບໍລິຈາກຝາກເປັນຂອງຂວັນອັນລ້ຳຄ່າໃຫ້ແກ່ຄົນເຈັບຜູ້ຂາດເລືອດເປັນປະຈຳ ເຊັ່ນ: ການຜ່າຕັດ, ການເກີດອຸບັດເຫດບົນທ້ອງຖະໜົນ, ເກີດລູກຜິດປົກກະຕິ, ການຟອກໝາກໄຂ່ຫຼັງ ເພື່ອເຕີມພະລັງຢືດຄວາມຫວັງໃຫ້ຊີວິດ. ແນ່ນອນ ຖ້າບໍ່ມີເລືອດບໍລິຈາກ, ຊີວິດຈະບໍ່ໄດ້ຮັບການຊ່ວຍເຫຼືອ ຊຶ່ງພວກເຂົາເຫຼົ່ານັ້ນກໍາລັງນອນປີ່ນປົວລໍຖ້າຄວາມຊ່ວຍເຫຼືອ ຢູ່ໂຮງໝໍແຂວງ, ໂຮງໝໍເມືອງ ແລະ ສຸກສາລາ. ເພາະວ່າເລືອດບໍ່ມີໂຮງງານຜະລິດ, ເຖິງແມ່ນວ່າ ປະເທດຈະສີວິໄລ ສວຍງາມອຸດົມຮັ່ງມີພຽງໃດກໍຕາມ ແຕ່ກໍບໍ່ສາມາດສ້າງໂຮງງານຜະລິດເລືອດໄດ້ ແລະ ຍັງບໍ່ມີສານຊະນິດໃດໆ ທີ່ຈະສາມາດເຂົ້າມາທົດແທນເລືອດໄດ້ ຖ້າຂາດເລືອດຕ້ອງປີ່ນປົວດ້ວຍເລືອດເທົ່ານັ້ນ. ການປຸກລະດົມຂົນຂວາຍການບໍລິຈາກເລືອດ ແລະ ສະໜອງເລືອດປອດໄພ ແບບສະໝັກໃຈ ແລະ ບໍ່ຫວັງສິ່ງຕອບແທນ ແມ່ນໜ້າວຽກໜື່ງທີ່ທາງພັກ - ລັດຖະບານ ກໍຄືອົງການກາແດງແຫ່ງຊາດລາວ ແລະ ອົງການກາແດງແຂວງ ຖືເປັນບູລິມະສີດ ເພື່ອສະໜອງຄວາມຮຽກຮ້ອງຕ້ອງການຂອງສັງຄົມ ເວົ້າລວມ, ເວົ້າສະເພາະ ແມ່ນພົນລະເມືອງລາວ ທີ່ມີຄວາມຈໍາເປັນໃນການນໍາໃຊ້ເລືອດ, ແຕ່ເຖິງຢ່າງໃດກໍດີ ໃນທ່າມກາງສະພາບຂອງໂລກປັດຈຸບັນ ກໍຄື ສປປລາວ ແລະ ແຂວງຜົ້ງສາລີ ມີຄວາມຕ້ອງການໃນການຊົມໃຊ້ເລືອດ ມີທ່າອ່ຽງເພື່ມສູງຂຶ້ນ ຊຶ່ງເປັນສິ່ງທ້າທາຍໃໝ່ ທີ່ອົງການການແດງແຂວງ ຈໍາເປັນຕ້ອງໄດ້ເພີ່ມທະວີຄວາມອາດສາມາດຂອງຄະນະພັກ - ພະນັກງານ - ລັດຖະກອນ ເພື່ອແນໃສ່ຮັບມື ແລະ ເຮັດໃຫ້ການຮັບບໍລິຈາກເລືອດ - ສະໜອງເລືອດປອດໄພ, ຕອບສະໜອງກັບຄວາມຕ້ອງການຂອງສັງຄົມໄດ້ຢ່າງພຽງພໍ ແລະ ທັນການ.
(ພາບ-ຂ່າວ: ແສງຄໍາ ສາລີວັນ)
ຄໍາເຫັນ