ສຳນັກຂ່າວກຽວໂດລາຍງານວ່າ: ສປຊ ມີແຜນຈະຫຼຸດພະນັກງານລົງ 2,000 ຄົນ ໂດຍສ່ວນໃຫຍ່ຢູ່ໃນນະຄອນນິວຢອກ ແລະ ນະຄອນເຈນີວາ, ລວມທັງຫຼຸດງົບປະມານປີ 2026 ລົງ 15-20% ຈາກລະດັບປີ 2025.
ການເຄື່ອນໄຫວດັ່ງກ່າວມີຂຶ້ນພາຍຫຼັງ ສະຫະລັດ ອາເມຣິກາ ຊຶ່ງເປັນຜູ້ສະໜັບສະໜູນທຶນລາຍໃຫຍ່ທີ່ສຸດຂອງ UN ໄດ້ຕັດສິນໃຈຫຼຸດ ຫຼື ຢຸດການສະໜອງທຶນສະໜັບສະໜູນພາຍໃຕ້ນະໂຍບາຍ “ສະຫະລັດ ອາເມລິກາ ຕ້ອງມາກ່ອນ” ຂອງ ທ່ານ ໂດໂນ ທຣໍາ ປະທານາທິບໍດີ ສະຫະລັດ ອາເມຣິກາ.
ສໍາລັບປີນີ້, ສະຫະລັດ ອາເມຣິກາ ສະໜັບສະໜູນ UN 22% ຂອງງົບປະມານປະຈຳປີທັງໝົດ 3.72 ຕື້ໂດລາ, ໃນຂະນະທີ່ຈີນເປັນຜູ້ສະໜັບສະໜູນອັນດັບ 2 ຢູ່ທີ່ 20% ແລະ ຍີ່ປຸ່ນເປັນອັນດັບ 3 ຢູ່ທີ່ 6.9%
ທັງນີ້, ການປັບໂຄງສ້າງຂອງ UN ຄາດວ່າຈະເລີ່ມຕົ້ນໃນປີ 2027, ໂດຍປັດຈຸບັນຄະນະປະຕິບັດງານໄດ້ກວດກາຄືນບັນດາອົງການຈັດຕັ້ງທີ່ຈະຕ້ອງມີການປັບໂຄງສ້າງພາຍໃຕ້ 7 ກຸ່ມວຽກຕົ້ນຕໍ, ລວມເຖິງດ້ານການພັດທະນາ, ສັນຕິພາບ, ຄວາມໝັ້ນຄົງ ແລະ ສິດທິມະນຸດ.
ຄໍາເຫັນ