 |
ທ່ານນາງ ດາລານີ ພົມມະວົງສາ ກ່າວວ່າ: ກົດໝາຍວ່າດ້ວຍການທ່ອງທ່ຽວ ແມ່ນນິຕິກຳສູງສຸດຂອງຂະແໜງ ການທ່ອງທ່ຽວ ໄດ້ຮັບການສ້າງ ແລະ ຮັບຮອງໃນປີ 2005 ເປັນສະບັບທຳອິດຕໍ່ມາປີ 2013 ໄດ້ມີການປັບປຸງ ແລະ ນໍາໃຊ້ຈົນເຖິງປີ 2024 ຕົກມາຮອດວັນທີ 1 ກໍລະກົດ 2024 ກົດໝາຍດັ່ງກ່າວໄດ້ຮັບການປັບປຸງ ແລະ ຖືກຮັບຮອງຈາກສະພາແຫ່ງຊາດເປັນເວລາ 10 ປີທີ່ຄະນະຮັບຜິດຊອບໄດ້ເຮັດວຽກຮ່ວມກັບຂະແໜງການກ່ຽວຂ້ອງຈັດຕັ້ງຜັນຂະ ຫຍາຍອອກເປັນນິຕິກຳລຸ່ມກົດໝາຍ ພ້ອມທັງຕິດຕາມ ກວດກາ ເກັບກຳ ລວບລວມບັນຫາຂໍ້ສະດວກ, ຂໍ້ຫຍຸ້ງຍາກ ຂອງຂະແໜງການທ່ອງທ່ຽວ ຮັບຟັງທຸກຄຳຄິດເຫັນ ທຸກບັນຫາທີ່ສັງຄົມຍົກຂຶ້ນນໍາມາວິເຄາະວິໄຈຮ່ວມກັນ ເພື່ອສ້າງກົນໄກ ເງື່ອນໄຂ ຂັ້ນຕອນ ແລະ ແບ່ງຄວາມຮັບຜິດຊອບຂອງບັນດາຂະແໜງການລະຫວ່າງສູນກາງ ແລະ ທ້ອງຖິ່ນຢ່າງລະອຽດ ເພື່ອຮັບປະກັນໃຫ້ການຈັດຕັ້ງ ແລະ ການເຄື່ອນໄຫວວຽກງານການທ່ອງທ່ຽວມີຄວາມຄ່ອງຕົວ ຮັບປະ ກັນສິດ ແລະ ຜົນປະໂຫຍດຂອງທົ່ວປວງຊົນຢ່າງແທ້ຈິງ, ກົດໝາຍສະບັບນີ້ຖືເປັນເຄື່ອງມືທີ່ສໍາຄັນໃນການຄຸ້ມຄອງ ຕິດຕາມ ກວດກາ ແລະ ສົ່ງເສີມວຽກງານການທ່ອງທ່ຽວໃນຂອບເຂດທົ່ວປະເທດ, ເນື້ອໃນສໍາຄັນຂອງກົດໝາຍໄດ້ກຳນົດຫຼັກການ ລະບຽບການ ມາດຕະການກ່ຽວກັບການຈັດຕັ້ງ ແລະ ການເຄື່ອນໄຫວວຽກງານການທ່ອງທ່ຽວໄດ້ມີການແບ່ງຂັ້ນຄຸ້ມຄອງລະຫວ່າງສູນກາງ ແລະ ທ້ອງຖິ່ນໃຫ້ສອດຄ່ອງກັບກົດໝາຍ ແລະ ລະບຽບການຂອງຂະແໜງ ການກ່ຽວຂ້ອງ.
ຄໍາເຫັນ