ຂ່າວຕ່າງປະເທດລາຍງານ ເມື່ອທ້າຍອາທິດຜ່ານມາ, ກະຊວງກະສິກຳຂອງຟີລິບປິນ ໄດ້ເປີດເຜີຍບົດລາຍງານໂດຍລະບຸວ່າ: ປະລິມານການສົ່ງອອກໝາກຖົ່ວລຽນ, ໝາກອະໂວກາໂດ ແລະ ໝາກມ່ວງ ຂອງຟີລິບປິນ ເພີ່ມຂຶ້ນ 4.000%, 316% ແລະ 109% ຕາມລຳດັບໃນປີ 2023.
ບົດລາຍງານລະບຸວ່າ: ປະລິມານການສົ່ງອອກໝາກຖົ່ວລຽນສົດ ມີ 4.731 ໂຕນ ຄິດເປັນມູນຄ່າ 1,89 ພັນລ້ານເປໂຊ (ສະກຸນເງິນຟີລິບປິນ) ປະລິມານການສົ່ງອອກອາໂວກະໂດ ມີ 3.054,6 ໂຕນ ຄິດເປັນມູນຄ່າ 377 ລ້ານເປໂຊ ແລະ ປະລິມານການສົ່ງອອກໝາກມ່ວງ ມີ 12.548,49 ໂຕນ ຄິດເປັນມູນຄ່າ 2,9 ພັນລ້ານເປໂຊ. ທັງນີ້, ຈີນ ແລະ ຟີລິບປິນ ໄດ້ລົງນາມ ວ່າດ້ວຍການສົ່ງອອກໝາກຖົ່ວລຽນສົດໃນປີ 2023 ຊຶ່ງເປີດກວ້າງຕະຫຼາດຈີນທີ່ກຳລັງເຕີບໂຕຢ່າງວ່ອງໄວ ສຳລັບສິນຄ້າໝາກໄມ້ເມືອງຮ້ອນທີ່ປູກຫຼາຍໃນພາກພື້ນອາຊີຕາເວັນອອກສ່ຽງໃຕ້.
ນອກຈາກນັ້ນ, ຟີລິບປິນກັບມາສົ່ງອອກອະໂວກາໂດສາຍພັນແຮນ ໄປ ສ ເກົາຫຼີ ແລະ ສົ່ງອອກໝາກມ່ວງ ໄປອົສຕຣາລີ ອີກຄັ້ງໃນປີ 2023.
ຄໍາເຫັນ