ເມື່ອບໍ່ດົນມານີ້ ທີ່ຫ້ອງປະຊຸມສະຫະພັນແມ່ຍິງ ແຂວງຫຼວງພະບາງ ສູນເລືອດ ອົງການກາແດງແຂວງຫຼວງພະບາງ ຈັດກອງປະຊຸມສະຫຼູບວຽກງານຈັດຫາເລືອດ ປະຈໍາປີ 2023 ແລະ ປຶກສາຫາລືວາງແຜນສືບຕໍ່ຈັດຫາເລືອດ ໃນປີ 2024 ໂດຍການເຂົ້າຮ່ວມຂອງທ່ານ ພູທອນ ເມືອງປາກ ປະທານອົງການກາແດງແຫ່ງຊາດລາວ, ທ່ານ ວຽງສະຫວັນ ກະເສີມສຸກ ຫົວໜ້າອົງການກາແດງແຂວງ, ມີແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ພູທອນ ເມືອງປາກ ໄດ້ມີຄຳເຫັນວ່າ: ວຽກງານການບໍລິຈາກເລືອດ ແມ່ນວຽກງານຊ່ວຍເຫຼືອເພື່ອມະນຸດສະທຳ ແລະ ມີຄວາມຈຳເປັນເພື່ອປຸກລະດົມຈັດຫາເລືອດທີ່ປອດໄພ ໃຫ້ພຽງພໍ ເພື່ອຊ່ວຍເຫຼືອກອບກູ້ເອົາຊີວິດຂອງຄົນເຈັບ. ດັ່ງນັ້ນຈຶ່ງໄດ້ຮຽກຮ້ອງຕໍ່ທຸກອົງການຈັດຕັ້ງ ແລະ ທຸກຊັ້ນຄົນ ຈົ່ງສືບຕໍ່ສ້າງຄວາມຮັບຮູ້ເຂົ້າໃຈ ກ່ຽວກັບຄວາມສໍາຄັນ ແລະ ຄວາມຈໍາເປັນຂອງການບໍລິຈາກເລືອດ ເພື່ອຊ່ວຍເຫຼືອເພື່ອນມະນຸດດ້ວຍກັນ; ຕື່ນຕົວ, ເປັນເຈົ້າການ ສ້າງໃຫ້ເກີດແນວຄິດມະນຸດສະທຳ, ສ້າງໃຫ້ເກີດຄວາມເອື້ອເຟື້ອອາລີ, ອີດູສົງສານ ແລະ ບໍລິຈາກເລືອດ ເພື່ອຊ່ວຍຜູ້ຖືກເຄາະຮ້າຍ.
ທ່ານ ໄຊສະໝອນ ພະນາວັນ ຫົວໜ້າສູນເລືອດ ອົງການກາແດງແຂວງ ໄດ້ໃຫ້ຮູ້ວ່າ: ໃນປີ 2023 ຜ່ານມານີ້ ຄະນະນຳ ແລະ ພະນັກງານສູນເລືອດ ໄດ້ເອົາໃຈໃສ່ ລົງຂົນຂວາຍປຸກລະດົມ ຮັບບໍ່ລິຈາກເລືອດໃຫ້ບັນລຸຄາດໝາຍ 5.200 ຖົງ, ຊຶ່ງສາມາດຮັບບໍລິຈາກເລືອດຢູ່ນອກສູນໄດ້ 961 ຖົງ, ຮັບຢູ່ໃນສູນ 2.578 ຖົງ ແລະ ໄດ້ຈາກຂະບວນການຕ່າງໆ 1.952 ຖົງ ລວມທັງໝົດ 5.491 ຖົງ ເທົ່າກັບ 105,58% ລື່ນຄາດໝາຍທີ່ວາງໄວ້. ຊຶ່ງໄດ້ແຈກຈ່າຍໃຫ້ຄົນເຈັບ ຢູ່ໂຮງໝໍແຂວງຫຼວງພະບາງ, ໂຮງໝໍບໍລິເວນ, ໂຮງໝໍເພື່ອນລາວ, ໂຮງໝໍເມືອງນໍ້າບາກ, ໂຮງໝໍຈີນຫຼວງພະບາງ, ໂຮງໝໍຈີນສາກົນ, ແຂວງໄຊຍະບູລີ ແລະ ໂຮງໝໍອື່ນໆ.
ກອງປະຊຸມຄັ້ງນີ້. ໄດ້ມອບໃບຍ້ອງຍໍ ໃຫ້ບຸກຄົນ ທີ່ມີຜົນງານໃນການສະໜັບສະໜູນ ວຽກງານຈັດຫາເລືອດໃນປີຜ່ານມາ ເພື່ອເປັນການຊົມເຊີຍຕໍ່ຜົນງານທຸກພາກສ່ວນ.
(ຂ່າວ: ຫຼວງພະບາງ)
ທ່ານ ພູທອນ ເມືອງປາກ ໄດ້ມີຄຳເຫັນວ່າ: ວຽກງານການບໍລິຈາກເລືອດ ແມ່ນວຽກງານຊ່ວຍເຫຼືອເພື່ອມະນຸດສະທຳ ແລະ ມີຄວາມຈຳເປັນເພື່ອປຸກລະດົມຈັດຫາເລືອດທີ່ປອດໄພ ໃຫ້ພຽງພໍ ເພື່ອຊ່ວຍເຫຼືອກອບກູ້ເອົາຊີວິດຂອງຄົນເຈັບ. ດັ່ງນັ້ນຈຶ່ງໄດ້ຮຽກຮ້ອງຕໍ່ທຸກອົງການຈັດຕັ້ງ ແລະ ທຸກຊັ້ນຄົນ ຈົ່ງສືບຕໍ່ສ້າງຄວາມຮັບຮູ້ເຂົ້າໃຈ ກ່ຽວກັບຄວາມສໍາຄັນ ແລະ ຄວາມຈໍາເປັນຂອງການບໍລິຈາກເລືອດ ເພື່ອຊ່ວຍເຫຼືອເພື່ອນມະນຸດດ້ວຍກັນ; ຕື່ນຕົວ, ເປັນເຈົ້າການ ສ້າງໃຫ້ເກີດແນວຄິດມະນຸດສະທຳ, ສ້າງໃຫ້ເກີດຄວາມເອື້ອເຟື້ອອາລີ, ອີດູສົງສານ ແລະ ບໍລິຈາກເລືອດ ເພື່ອຊ່ວຍຜູ້ຖືກເຄາະຮ້າຍ.
ທ່ານ ໄຊສະໝອນ ພະນາວັນ ຫົວໜ້າສູນເລືອດ ອົງການກາແດງແຂວງ ໄດ້ໃຫ້ຮູ້ວ່າ: ໃນປີ 2023 ຜ່ານມານີ້ ຄະນະນຳ ແລະ ພະນັກງານສູນເລືອດ ໄດ້ເອົາໃຈໃສ່ ລົງຂົນຂວາຍປຸກລະດົມ ຮັບບໍ່ລິຈາກເລືອດໃຫ້ບັນລຸຄາດໝາຍ 5.200 ຖົງ, ຊຶ່ງສາມາດຮັບບໍລິຈາກເລືອດຢູ່ນອກສູນໄດ້ 961 ຖົງ, ຮັບຢູ່ໃນສູນ 2.578 ຖົງ ແລະ ໄດ້ຈາກຂະບວນການຕ່າງໆ 1.952 ຖົງ ລວມທັງໝົດ 5.491 ຖົງ ເທົ່າກັບ 105,58% ລື່ນຄາດໝາຍທີ່ວາງໄວ້. ຊຶ່ງໄດ້ແຈກຈ່າຍໃຫ້ຄົນເຈັບ ຢູ່ໂຮງໝໍແຂວງຫຼວງພະບາງ, ໂຮງໝໍບໍລິເວນ, ໂຮງໝໍເພື່ອນລາວ, ໂຮງໝໍເມືອງນໍ້າບາກ, ໂຮງໝໍຈີນຫຼວງພະບາງ, ໂຮງໝໍຈີນສາກົນ, ແຂວງໄຊຍະບູລີ ແລະ ໂຮງໝໍອື່ນໆ.
ກອງປະຊຸມຄັ້ງນີ້. ໄດ້ມອບໃບຍ້ອງຍໍ ໃຫ້ບຸກຄົນ ທີ່ມີຜົນງານໃນການສະໜັບສະໜູນ ວຽກງານຈັດຫາເລືອດໃນປີຜ່ານມາ ເພື່ອເປັນການຊົມເຊີຍຕໍ່ຜົນງານທຸກພາກສ່ວນ.
(ຂ່າວ: ຫຼວງພະບາງ)
ຄໍາເຫັນ