 |
ໃນນີ້, ພູດສູນກາງໄດ້ 164.95 ຕື້ກີບ, ລື່ນແຜນການ 33.35% (ແຜນ 123.70 ຕື້ກີບ). ໃນນີ້, ມີລາຍຮັບ 18.79 ຕື້ ກີບທີ່ໄດ້ຈາກການແກ້ໄຂລົດນໍາເຂົ້າບໍ່ຖືກຕ້ອງ ແລະ ນໍາໃຊ້ບໍ່ຖືກເປົ້າໝາຍ. ພູດທ້ອງຖິ່ນ ໄດ້ 1,187.65 ຕື້ກີບ, ລື່ນແຜນການ 20.12% (ແຜນ 988.75 ຕື້ກີບ). ໃນນີ້, ລາຍຮັບຈາກ ສ່ວຍສາອາກອນ 667.12 ຕື້ກີບ, ຄ່າທໍານຽມ 9.41 ຕື້ກີບ, ຄ່າບໍລິການວິຊາການ 41.32 ຕື້ກີບ, ທີ່ດິນ 19.02 ຕື້ກີບ, ຊັບສິນ 450.67 ຕື້ກີບ ແລະ ການປະກັນໄພ 115.55 ລ້ານກີບ. ການຄຸ້ມຄອງລາຍຈ່າຍງົບປະມານ ແມ່ນໄດ້ສຸມໃສ່ເບີກຈ່າຍເງິນເດືອນ, ເງິນນະໂຍບາຍອຸດໜູນຕ່າງໆ, ເງິນ ບໍລິຫານ ແລະ ອື່ນໆ ໄດ້ 1,079.13 ຕື້ກີບ, ເທົ່າກັບ 98.46% ຂອງແຜນການ (ແຜນ 1,096.01 ຕື້ກີບ).
ສໍາລັບການຫັນເປັນກຸ້ມຕົນເອງດ້ານງົບປະມານໃນປີ 2025 ລັດຖະບານໄດ້ມອບວິສາຫະກິດ 46 ຫົວໜ່ວຍ ທີ່ສູນກາງຄຸ້ມຄອງໃຫ້ແຂວງສືບຕໍ່ຄຸ້ມຄອງ, ຊຶ່ງເປັນແຂວງທີ 10 ໃນການທົດລອງຫັນເປັນແຂວງກຸ້ມຕົນເອງດ້ານ ງົບປະມານ, ຄຽງຄູ່ກັນນີ້ແຂວງກໍທົດລອງຈັດຕັ້ງປະຕິບັດຢູ່ 2 ເມືອງຄື: ເມືອງວັງວຽງ ເກັບລາຍຮັບໄດ້ 68.36 ຕື້ ກີບ, ລື່ນແຜນການ 9.89% (ແຜນ 58.57 ຕື້ກີບ) ແລະ ເມືອງຊະນະຄາມເກັບລາຍຮັບໄດ້ 36.47 ຕື້ກີບ, ລື່ນແຜນການ 31.80% (ແຜນ 27.26 ຕື້ກີບ).
ສາຂາທະນາຄານທຸລະກິດທົ່ວແຂວງ ສາມາດລະດົມເງິນຝາກໄດ້ 7,659.10 ຕື້ກີບ, ລື່ນແຜນການ 67.69% (ແຜນ 4,567.27 ຕື້ກີບ). ໄປຄຽງຄູ່ກັນນັ້ນກໍສະໜອງທຶນເຂົ້າໃນການຜະລິດກະສິກຳ, ອຸດສາຫະກຳ, ການບໍລິການ ແລະ ອື່ນໆ ໄດ້ 1,516.67 ຕື້ກີບ, ລື່ນແຜນການ 42.45% (ແຜນ 1,064.70 ຕື້ກີບ).
ໃນປີ 2025 ລະດົມທຶນເຂົ້າໃນການພັດທະນາ ໄດ້ 5,515.71 ຕື້ກີບ, ລື່ນແຜນການ 96.17% (ແຜນ 2,811.68 ຕື້ກີບ). ໃນນີ້, ການລົງທຶນຂອງລັດໄດ້ 358.33 ຕື້ກີບ, ລື່ນແຜນການ 45.37% (ແຜນ 246.50 ຕື້ກີບ), ການຊ່ວຍເຫຼືອລ້າ-ກູ້ຢືມໄດ້ 128.17 ຕື້ກີບ, ລື່ນແຜນການ 4.30% (ແຜນ 122.88 ຕື້ກີບ) ແລະ ການ ລົງທຶນຂອງເອກະຊົນພາຍໃນ ແລະ ຕ່າງ ປະເທດໄດ້ 5,029.21 ຕື້ກີບ, ລື່ນແຜນການ 1 ເທົ່າ (ແຜນ 2,442.30 ຕື້ ກີບ).
(ແຫຼ່ງຂ່າວ: ແຂວງວຽງຈັນ)
ຄໍາເຫັນ