ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້, ທ່ານ ດີມິຕີຣ ພາທຣູເຊຟ ລັດຖະມົນຕີກະຊວງກະສິກຳ ຣັດເຊຍ ໃຫ້ຮູ້ວ່າ: ຣັດເຊຍ ເລີ່ມຂົນສົ່ງທັນຍາພືດຈຳນວນ 200.000 ໂຕນ ໄປ 6 ປະເທດ ອາຟຣິກາ ພາຍໃຕ້ຮູບແບບການຊ່ວຍເຫຼືອມະນຸດສະທຳ.
ຂ່າວລະບຸວ່າ: ໃນແຈ້ງການລົງເວັບໄຊ , ທ່ານ ດີມິຕີຣ ພາທຣູເຊຟ ໃຫ້ຮູ້ວ່າ: ກ່ຳປັ່ນຂົນສົ່ງທັນຍາພືດ 2 ລຳທຳອິດ, ແຕ່ລະລຳບັນຈຸທັນຍາພືດ 25.000 ໂຕນ ໄດ້ອອກຈາກທ່າກ່ຳປັ່ນຂອງ ຣັດເຊຍ ເດີນທາງໄປ ບວກກີນາ ຟາໂຊ ແລະ ໂຊມາລີ. ຄາດວ່າ, ກຳປັ່ນ 2 ລຳດັ່ງກ່າວ ຈະເຂົ້າທຽບທ່າບັນດາປະເທດອາຟຣິກາ ໃນທ້າຍເດືອນນີ້ ຫຼື ຕົ້ນເດືອນໜ້າ. ສ່ວນບັນດາກຳປັ່ນລຳຕໍ່ໄປ ກໍຈະອອກເດີນທາງໄປ ອີຣີເຕີເຣຍ, ຊີມບຳເວ, ມາລີ ແລະ ສ ອາຟຣິກາກາງ ກ່ອນທ້າຍປີນີ້.
ເດືອນກໍລະກົດຜ່ານມາ, ໃນວາລະປະຊຸມຄົບຄະນະເວທີປາໄສເສດຖະກິດ ແລະ ການຊ່ວຍເຫຼືອມະນຸດສະທຳ ຣັດເຊຍ - ອາຟຣິກາ, ທ່ານ ວະລາດີເມຍ ປູຕິນ ປະທານາທິບໍດີ ຣັດເຊຍ ໄດ້ຖະແຫຼງການວ່າ: ຣັດເຊຍ ພ້ອມແລ້ວທີ່ຈະຊ່ວຍເຫຼືອທັນຍາພືດໃຫ້ແກ່ບັນດາປະເທດທີ່ມີຄວາມຕ້ອງການທີ່ສຸດໃນ ອາຟຣິກາ.
ຄໍາເຫັນ