ລາຍງານລະບຸວ່າ: ຖ້າຫາກມີການຈັດຕັ້ງປະຕິບັດ, ສ ເກົາຫຼີ ຈະນຳໃຊ້ລະບົບກຳນົດລາຄານໍ້າມັນເຊື້ອໄຟສູງສຸດເປັນຄັ້ງທຳອິດໃນຮອບເກືອບຫ້າທົດສະວັດ ນັບຕັ້ງແຕ່ວິກິດການນໍ້າມັນຄັ້ງທີສອງໃນກາງຊຸມປີ 1970. ໂດຍລາຄານໍ້າມັນເຊື້ອໄຟໃນ ສ ເກົາຫຼີ ໄດ້ຖືກກຳນົດໂດຍກົນໄກຕະຫຼາດນັບຕັ້ງແຕ່ປະເທດໄດ້ເປີດເສລີລາຄານໍ້າມັນເຊື້ອໄຟໃນປີ 1997.
ທັງນີ້, ທ່ານ ລີແຈມຽງ ປະທານາທິບໍດີ ສ ເກົາຫຼີ ໄດ້ເປັນປະທານກອງປະຊຸມສຸກເສີນໃນວັນທີ 9 ມີນາຜ່ານມາ, ເພື່ອປຶກສາຫາລືກ່ຽວກັບຜົນກະທົບຈາກຄວາມຂັດແຍ້ງໃນຕາເວັນອອກກາງ. ໂດຍທ່ານ ລີ ໄດ້ສັ່ງໃຫ້ໃຊ້ລະບົບກຳນົດລາຄານໍ້າມັນເຊື້ອໄຟຢ່າງໄວວາ ເພື່ອຄວບຄຸມການເພີ່ມຂຶ້ນຂອງລາຄານໍ້າມັນເຊື້ອໄຟຢູ່ສະຖານີນໍ້າມັນ.
ທ່ານ ລີ ຍັງໄດ້ສັ່ງໃຫ້ພະນັກງານກຽມຄວາມພ້ອມສຳລັບສະຖານະການທີ່ຮ້າຍແຮງທີ່ສຸດ, ໂດຍການຕິດຕາມອັດຕາແລກປ່ຽນ, ຕະຫຼາດຫຸ້ນ ແລະ ລາຄາສິນຄ້າທົ່ວໂລກຢ່າງໃກ້ຊິດ. ລັດຖະບານຍັງໄດ້ສັ່ງໃຫ້ດຳເນີນໂຄງການຮັກສາສະຖຽນລະພາບຕະຫຼາດມູນຄ່າ 100 ພັນຕື້ວອນ ອີກດ້ວຍ.
ລາຄານ້ຳມັນທົ່ວໂລກໄດ້ເພີ່ມຂຶ້ນເກືອບ 120 ໂດລາຕໍ່ບາເຣວ ລະຫວ່າງການຊື້-ຂາຍໃນຕອນທ່ຽງຂອງວັນທີ 9 ມີນາ ຜ່ານມາ, ໃນຂະນະທີ່ດັດຊະນີຕະຫຼາດຫຼັກຊັບ ສ ເກົາຫຼີ (KOSPI) ຫຼຸດລົງເກືອບ 6%.
ຄໍາເຫັນ