 |
ສຳລັບການບໍລິຈາກເລືອດໃນງານຄັ້ງນີ້ ຄາດວ່າຈະໄດ້ຮັບບໍລິຈາກເລືອດຫຼາຍກວ່າ 500 ຖົງ. ໃນໂອກາດດັ່ງກ່າວຍັງໄດ້ມອບໃບຍ້ອງຍໍໃຫ້ແກ່ຜູ້ບໍລິຈາກເລືອດຫຼາຍຄັ້ງ, ກົມກອງ-ການຈັດຕັ້ງທີ່ດີເດັ່ນໃນ ການປຸກລະດົມບໍລິຈາກເລືອດ, ບໍລິສັດ-ຫົວໜ່ວຍທຸລະກິດທີ່ໄດ້ປະກອບສ່ວນສະໜັບສະໜູນໃນການ ຈັດງານການບໍລິຈາກເລືອດດ້ວຍຄວາມສະໝັກໃຈເພື່ອຊ່ວຍຄົນເຈັບ ແລະ ສ້າງຄວາມສຳນຶກໃນເລື່ອງ ຄວາມຈໍາເປັນຂອງການບໍລິຈາກເລືອດທີ່ປະຈຳ ແລະ ສະໝໍ່າສະເໝີ.
 |
ວັນທີ 14 ມິຖຸນາ ຂອງທຸກໆປີ ແມ່ນວັນຜູ້ບໍລິຈາກເລືອດໂລກ (World Blood Donor Day) ຊຶ່ງຢູ່ປະເທດຕ່າງໆໃນທົ່ວໂລກໄດ້ພ້ອມກັນຈັດຕັ້ງສະເຫຼີມສະຫຼອງເພື່ອເປັນການສະແດງຄວາມຂອບໃຈຕໍ່ຜູ້ບໍລິຈາກເລືອດທີ່ເຂົາເຈົ້າໄດ້ມອບຂອງຂວັນທີ່ມີຄ່າທີ່ສຸດຕໍ່ຊິວິດ, ກໍຄືການບໍລິຈາກເລືອດດ້ວຍຄວາມ ສະໝັກໃຈເພື່ອຊ່ວຍຄົນເຈັບ ແລະ ສ້າງຄວາມສຳນຶກ, ຄວາມຈໍາເປັນຂອງການບໍລິຈາກເລືອດທີ່ຈຳເປັນ ແລະ ສະໝໍ່າສະເໝີ, ເລືອດ ແລະ ຜະລິດຕະພັນເລືອດທີ່ໄດ້ຮັບບໍລິຈາກໃນແຕ່ລະປີຢູ່ທົ່ວໂລກ ສາມາດ ຊ່ວຍຊິວິດຄົນເຈັບໄດ້ນັບລ້ານ.
 |
ຈໍານວນຄົນເຈັບທີ່ຕ້ອງການນໍາໃຊ້ເລືອດມາຈາກແມ່ຍິງທີ່ໄດ້ຮັບຜົນກະທົບຈາກການເກີດລູກ, ເດັກ ນ້ອຍທີ່ເປັນພະຍາດເລືອດຈາງຂັ້ນຮ້າຍແຮງ, ຈາກພະຍາດໄຂ້ຍຸງ (Malaria), ໄຂ້ເລືອດອອກ, ຜູ້ໄດ້ຮັບ ຜົນກະທົບຈາກອຸບັດເຫດພາວະສຸກເສີນ, ໄພທາງທຳມະຊາດ ລວມເຖິງການຜ່າຕັດຊະນິດຕ່າງໆ. ເຖິງແນວໃດກໍຕາມແມ່ນວ່າຄວາມຕ້ອງການເລືອດຢູ່ທົ່ວໂລກເປັນສິ່ງສໍາຄັນກໍຕາມ ແຕ່ການໄດ້ຮັບເລືອດ ແລະ ຜະລິດຕະພັນເລືອດ ຈາກເລືອດທີ່ມີຄຸນນະພາບ ແລະ ປອດໄພ ຍັງເຮັດໄດ້ພຽງໃນບາງປະເທດເທົ່ານັ້ນ ແຕ່ຍັງມີອີກຫຼາຍປະເທດຍັງຄົງປະສົບກັບບັນຫາ ແລະ ຍັງເປັນຄວາມທ້າທາຍໃນດ້ານການຈັດຫາເລືອດ ແລະ ຜະລິດຕະພັນເລືອດທີ່ມີຄຸນນະພາບປອດໄພ.
 |
ສະຖາບັນເລືອດແຫ່ງຊາດ ແລະ ສູນເລືອດແຂວງໃນທົ່ວປະເທດ ຈຶ່ງຂໍເຊີນຊວນ ພະນັກງານ-ລັດຖະກອນ, ທະຫານ, ຕຳຫຼວດ, ນັກຮຽນ-ນັກສຶກສາ, ພໍ່ຄ້າ-ຊາວຂາຍ ຕະຫຼອດເຖິງພໍ່ແມ່ປະຊາຊົນທົ່ວ ນະຄອນຫຼວງວຽງຈັນ ຫຼື ບັນດາແຂວງທົ່ວປະເທດ ເຂົ້າຮ່ວມກິດຈະກຳການບໍລິຈາກເລືອດ ຫາກທ່ານມີ ເງື່ອນໄຂ ອາຍຸ 17-60 ປີ, ນໍ້າໜັກ 45 ກິໂລຂຶ້ນໄປ, ຢູ່ໃນໄລຍະທີ່ມີສຸຂະພາບແຂງແຮງດີ ແມ່ນຂໍເຊີນ ຊວນໄປຮ່ວມບໍລິຈາກເລືອດນໍາພວກເຮົາທີ່ສະຖາບັນເລືອດແຫ່ງຊາດ ແລະ ສູນເລືອດແຂວງໃນທົ່ວປະ ເທດ. ທ່ານສາມາດມາບໍລິຈາກເລືອດໄດ້ທີ່ສະຖາບັນເລືອດແຫ່ງຊາດ ແລະ ສູນເລືອດແຂວງໃນທົ່ວ ປະເທດ ເລີ່ມແຕ່ 8:30-17:00 ໂມງ ທຸກໆມື້ ເປີດຮັບບໍລິຈາກປະຈຳ ບໍ່ເວັ້ນວັນພັກທາງລັດຖະການ.
(ຂ່າວ: ສຳນານ; ພາບ: ແສງຈັນ)
ຄໍາເຫັນ