ພິທີສະເຫຼີມສະຫຼອງວັນສ້າງຕັ້ງໂຮງໝໍມິດຕະພາບ ຄົບຮອບ 35 ປີ (ວັນທີ 11/11/1988 ຫາ 11/11/2023) ໄດ້ຈັດຂຶ້ນໃນວັນທີ 17 ພະຈິກນີ້ ທີ່ໂຮງໝໍດັ່ງກ່າວ ໂດຍການເຂົ້າຮ່ວມຂອງ ທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີຊຶ່ງມີອະດີດລັດຖະມົນຕີ,ຄະນະອຳນວຍການ,ພະນັກງານໂຮງໝໍມິດຕະພາບ ແລະ ແຂກທີ່ຖືກເຊີນເຂົ້າຮ່ວມ.
ທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ ໄດ້ກ່າວເປີດພິທິສະເຫຼີມສະຫຼອງຢ່າງເປັນທາງການ. ຈາກນັ້ນ,ທ່ານ ສອນໄຊ ລາດຊະວົງ ຜູ້ອຳນວນການໂຮງໝໍມິດຕະພາບ ກໍໄດ້ຂຶ້ນລາຍງານກ່ຽວກັບການເຄື່ອນໄຫວວຽກງານໃນໄລຍະ 35 ປີ ວ່າ: ໂຮງໝໍມິດຕະພາບໄດ້ກຳເນີດເກີດຂຶ້ນບົນພື້ນຖານການຮ່ວມມື ແລະ ຊ່ວຍເຫຼືອທີ່ລ້ຳຄ່າ ຈາກອະດີດສະຫະພາບໂຊຫວຽດແລະ ສາມາດເປີດນຳໃຊ້ໃນປີ 1988 ຊຶ່ງເປົ້າໝາຍໃນເບື່ອງຕົ້ນແມ່ນຮອງຮັບໃນການເບິ່ງແຍງສຸຂະພາບ ແລະ ການປິ່ນປົວການນຳຂັ້ນສູງ ແລະ ບັນດາທູຕານຸທູດ ແລະ ຜູ້ຕາງໜ້າອົງການຈັດຕັ້ງສາກົນທີ່ມາປະຈຳ ແລະ ເຄື່ອນໄຫວວຽກງານຢູ່ ສປປ ລາວ. ໃນໄລຍະຕໍ່ມາບົນພື້ນຖານການຂະຫຍາຍຕົວທາງດ້ານເສດຖະກິດ-ສັງຄົມ ແລະ ຄວາມຮຽກຮ້ອງຕ້ອງການ ຂອງຖັນແຖວພະນັກງານ,ທະຫານ,ຕຳຫຼວດ ແລະ ປະຊາຊົນບັນດາເຜົ່າ ກ່ຽວກັບຄວາມຕ້ອງການໃນການບໍລິການຮັກສາສຸຂະພາບ ແລະ ປິ່ວປົວໃນເວລາເຈັບເປັນ ກະຊວງສາທາລະນະສຸກ ຈຶ່ງໄດ້ຕົກລົງຍົກລະດັບ ແລະ ຂະຫຍາຍການບໍລິການປິ່ນປົວໃຫ້ກ້ວາງອອກ ພາຍໃຕ້ການຊີ້ນຳ-ນຳພາຂອງກະຊວງສາທາລະນະສຸກ ໂຮງໝໍມິດຕະພາບໄດ້ກ່າວຂຶ້ນຈາກການເຮັດບົດບາດ ແລະ ໜ້າທີ່ຮັກສາສຸຂະພາບ ແລະ ປິ່ນປົວທົ່ວໄປມາສູ່ການປະຕິບັດບົດບາດຂອງໂຮງໝໍສູນກາງ ທີ່ມີຄວາມສາມາດໃຫ້ການບົ່ງມະຕິພະຍາດ ແລະ ປິ່ນປົວຂັ້ນສູງສຸດໄດ້ໃນຫຼາຍຂະແໜງການ ເປັນຕົ້ນ:ຂະແໜງການປິ່ນປົວ ແລະ ຜ່າຕັດກະດູກ,ຜ່າຕັດສະໝອງ,ຜ່າຕັດປອດ,ປິ່ນປົວພະຍາດໄຂ່ຫຼັງຊຸດໂຊມ ດ້ວຍການຟອກເລືອດ,ປິ່ນປົວພະຍາດລະບົບປະສາດ,ປິ່ນປົວພະຍາດມະເຮັງດ້ວຍການສາຍແສງລັງສີ,ປະສູດລູກ,ພະຍາດລະບາດຕິດແປດ ຊຶມເຊື້ອ ແລະ ພະຍາດພາຍໃນອື່ນໆ ຊຶ່ງຜົນສຳເລັດທີ່ໂດດເດັ່ນດັ່ງກ່າວ ໄດ້ກາຍເປັນພື້ນຖານແຫ່ງຄວາມໄວ້ວາງໃຈທີ່ໜັກແໜ້ນໃຫ້ແກ່ຜູ້ມາໃຊ້ບໍລິການ.ໃນໄລຍະ 35 ປີຜ່ານມາຈຳນວນບຸກຄະລາກອນຂອງໂຮງໝໍມິດຕະພາບໄດ້ເລີ່ມຈາກຈຳນວນພຽງແຕ່ 183 ຄົນ ມາຮອດປັດຈຸບັນແມ່ນໄດ້ເພີ່ມຂຶ້ນເປັນ 814 ຄົນ ແລະ ມີແພດຊ່ຽວຊານຂັ້ນ 1 ແລະ ຂັ້ນ 2 ໃນແຕ່ລະຂະແໜງວິຊາສະເພາະ ບັນດາພະນັກງານ,ແພດ-ໝໍ ແມ່ນລ້ວນແຕ່ໄດ້ຮັບການກໍ່ສ້າງ,ຝຶກຝົນຫຼໍ່ຫຼອມ ໃນຂະບວນການຈັດຕັ້ງປະຕິບັດໜ້າທີ່ການເມືອງ.ດ້ານສະຖິຕິ ວິຊາສະເພາະທີ່ບົ່ງບອກເຖິງຄວາມເຊື່ອງໝັ້ນໄວ້ວາງໃຈຂອງຜູ້ມາຮັບບໍລິການແມ່ນນັບມື້ນັບເພີ່ມຂຶ້ນເຊັ່ນ:ກວດຄົນເຈັບສຸກເສີມຈາກ 1.220 ກໍລະນີປີ 1998 ມາເຖິງ 45.081 ກໍລະນີ ປີ 2023,ຮັບຄົນເຈັບນອນປິ່ນປົວຈາກ 1.629 ກໍລະນີ ປີ 1998 ມາເຖິງ 20.142 ກໍລະນີ ປີ 2023,ເຮັດການຜ່າຕັດທັງໝົດ ຈາກ 102 ກໍລະນີປີ 1998 ມາເຖິງ 8.580 ກໍລະນີ ປີ 2023, ການກວດບົ່ງມະຕິດ້ານຮູບພາບລັງສີພື້ນຖານ ຈາກ 2.560 ກໍລະນີ ມາເຖິງ 66.034 ກໍລະນີ ປີ 2023 ແລະ ພິເສດຍັງມີການກວດຮູບພາບລັງສີພິເສດ ຊີທີສະແກນ,ຄື້ນແມ່ເຫຼັກ ເອັມອາໄອ ປະມານ 9.700 ກໍລະນີ ປີ 2023. ຈາກຜົນງານທີ່ກ່າວມານັ້ນເຮັດໃຫ້ໂຮງໝໍມິດຕະພາບໄດ້ຮັບການຍ້ອງຍໍຈາກລັດຖະບານເປັນຫຼຽນໄຊແຮງງານຊັ້ນ 1ໃຫ້ກຽດປະດັບຫຼຽນໂດຍ ທ່ານ ບຸນແຝງ ພູມມະໄລສິດ
ໃນໂອກາດດັ່ງກ່າວ, ທ່ານ ກິແກ້ວ ໄຂຄຳພິທູນ ກໍໄດ້ໃຫ້ກຽດໂອ້ລົມເພື່ອເປັນເຂັ້ມທິດເຍື່ອງທາງໃນຕໍ່ໜ້າ ແລະ ໄດ້ສະແດງຄວາມຍ້ອງຍໍຊົມເຊີຍຕໍ່ໂຮງໝໍມິດຕະພາບ ທີ່ໄດ້ຮັບການຍ້ອງຍໍຈາກລັດຖະບານເປັນຫຼຽນໄຊແຮງງານຊັ້ນ 1 ໂຮງໝໍມິດຕະພາບມີປະຫວັດຄວາມເປັນມາອັນຍາວນານ ມີອາຍຸຄົບຮອບ 35 ປີ ໂດຍເລີ່ມຈາກໂຮງໝໍມິດຕະພາບລາວໂຊຫວຽດໃນເມື່ອກອນທີ່ໄດ້ຮັບການຊ່ວຍເຫຼືອ ຈາກງົບປະມານການກໍ່ສ້າງບຸກຄະລາກອນອຸປະກອນການແພດຈາກອະດີດສະຫະພາບໂຊຫວຽດ ຍ້ອນແນວນັ້ນຈຶ່ງເຮັດໃຫ້ໂຮງໝໍແຫ່ງນີ້ກາຍເປັນສັນຍາລັກທີ່ໂດດເດັ່ນອັນໜຶ່ງທາງປະຫວັດສາດຂອງການຮ່ວມມືຂອງສອງພັກ-ສອງລັດ ແລະ ປະຊາຊົນສອງຊາດ ລາວ-ໂຊຫວຽດ ຜ່ານການຕິດຕາມການເຄື່ອນໄຫວການໃຫ້ການບໍລິການດ້ານສຸຂະພາບທີ່ຜ່ານມາຕາມບົດລາຍງານຂອງການນຳຂອງກະຊວງສາທາລະນະສຸກ ບົດລາຍງາຍຂອງຜູ້ອຳນວຍການໂຮງໝໍມິດຕະພາບ ສາມາດເຫັນໄດ້ຢ່າງຈະແຈ້ງວ່າ ຕະຫຼອດ 35 ປີແຫ່ງການເປີດນຳໃຊ້ ຈົນມາເຖິງປັດຈຸບັນ ໂຮງໝໍມິດຕະພາບສາມາດຍາດໄດ້ຜົນງານໃຫຍ່ຫຼວງຫຼາຍດ້ານ ເຮັດໃຫ້ໂຮງໝໍໄດ້ຮັບການພັດທະນາຂະຫຍາຍຕົວຢ່າງບໍໍ່ຍຸດຢັ້ງ ປະກອບສ່ວນອັນສົມກຽດຂອງຕົນ ເຂົ້າໃນພາລະກິດແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ.
ຂ່າວ-ພາບ: ບຸນຕອມ.
ທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ ໄດ້ກ່າວເປີດພິທິສະເຫຼີມສະຫຼອງຢ່າງເປັນທາງການ. ຈາກນັ້ນ,ທ່ານ ສອນໄຊ ລາດຊະວົງ ຜູ້ອຳນວນການໂຮງໝໍມິດຕະພາບ ກໍໄດ້ຂຶ້ນລາຍງານກ່ຽວກັບການເຄື່ອນໄຫວວຽກງານໃນໄລຍະ 35 ປີ ວ່າ: ໂຮງໝໍມິດຕະພາບໄດ້ກຳເນີດເກີດຂຶ້ນບົນພື້ນຖານການຮ່ວມມື ແລະ ຊ່ວຍເຫຼືອທີ່ລ້ຳຄ່າ ຈາກອະດີດສະຫະພາບໂຊຫວຽດແລະ ສາມາດເປີດນຳໃຊ້ໃນປີ 1988 ຊຶ່ງເປົ້າໝາຍໃນເບື່ອງຕົ້ນແມ່ນຮອງຮັບໃນການເບິ່ງແຍງສຸຂະພາບ ແລະ ການປິ່ນປົວການນຳຂັ້ນສູງ ແລະ ບັນດາທູຕານຸທູດ ແລະ ຜູ້ຕາງໜ້າອົງການຈັດຕັ້ງສາກົນທີ່ມາປະຈຳ ແລະ ເຄື່ອນໄຫວວຽກງານຢູ່ ສປປ ລາວ. ໃນໄລຍະຕໍ່ມາບົນພື້ນຖານການຂະຫຍາຍຕົວທາງດ້ານເສດຖະກິດ-ສັງຄົມ ແລະ ຄວາມຮຽກຮ້ອງຕ້ອງການ ຂອງຖັນແຖວພະນັກງານ,ທະຫານ,ຕຳຫຼວດ ແລະ ປະຊາຊົນບັນດາເຜົ່າ ກ່ຽວກັບຄວາມຕ້ອງການໃນການບໍລິການຮັກສາສຸຂະພາບ ແລະ ປິ່ວປົວໃນເວລາເຈັບເປັນ ກະຊວງສາທາລະນະສຸກ ຈຶ່ງໄດ້ຕົກລົງຍົກລະດັບ ແລະ ຂະຫຍາຍການບໍລິການປິ່ນປົວໃຫ້ກ້ວາງອອກ ພາຍໃຕ້ການຊີ້ນຳ-ນຳພາຂອງກະຊວງສາທາລະນະສຸກ ໂຮງໝໍມິດຕະພາບໄດ້ກ່າວຂຶ້ນຈາກການເຮັດບົດບາດ ແລະ ໜ້າທີ່ຮັກສາສຸຂະພາບ ແລະ ປິ່ນປົວທົ່ວໄປມາສູ່ການປະຕິບັດບົດບາດຂອງໂຮງໝໍສູນກາງ ທີ່ມີຄວາມສາມາດໃຫ້ການບົ່ງມະຕິພະຍາດ ແລະ ປິ່ນປົວຂັ້ນສູງສຸດໄດ້ໃນຫຼາຍຂະແໜງການ ເປັນຕົ້ນ:ຂະແໜງການປິ່ນປົວ ແລະ ຜ່າຕັດກະດູກ,ຜ່າຕັດສະໝອງ,ຜ່າຕັດປອດ,ປິ່ນປົວພະຍາດໄຂ່ຫຼັງຊຸດໂຊມ ດ້ວຍການຟອກເລືອດ,ປິ່ນປົວພະຍາດລະບົບປະສາດ,ປິ່ນປົວພະຍາດມະເຮັງດ້ວຍການສາຍແສງລັງສີ,ປະສູດລູກ,ພະຍາດລະບາດຕິດແປດ ຊຶມເຊື້ອ ແລະ ພະຍາດພາຍໃນອື່ນໆ ຊຶ່ງຜົນສຳເລັດທີ່ໂດດເດັ່ນດັ່ງກ່າວ ໄດ້ກາຍເປັນພື້ນຖານແຫ່ງຄວາມໄວ້ວາງໃຈທີ່ໜັກແໜ້ນໃຫ້ແກ່ຜູ້ມາໃຊ້ບໍລິການ.ໃນໄລຍະ 35 ປີຜ່ານມາຈຳນວນບຸກຄະລາກອນຂອງໂຮງໝໍມິດຕະພາບໄດ້ເລີ່ມຈາກຈຳນວນພຽງແຕ່ 183 ຄົນ ມາຮອດປັດຈຸບັນແມ່ນໄດ້ເພີ່ມຂຶ້ນເປັນ 814 ຄົນ ແລະ ມີແພດຊ່ຽວຊານຂັ້ນ 1 ແລະ ຂັ້ນ 2 ໃນແຕ່ລະຂະແໜງວິຊາສະເພາະ ບັນດາພະນັກງານ,ແພດ-ໝໍ ແມ່ນລ້ວນແຕ່ໄດ້ຮັບການກໍ່ສ້າງ,ຝຶກຝົນຫຼໍ່ຫຼອມ ໃນຂະບວນການຈັດຕັ້ງປະຕິບັດໜ້າທີ່ການເມືອງ.ດ້ານສະຖິຕິ ວິຊາສະເພາະທີ່ບົ່ງບອກເຖິງຄວາມເຊື່ອງໝັ້ນໄວ້ວາງໃຈຂອງຜູ້ມາຮັບບໍລິການແມ່ນນັບມື້ນັບເພີ່ມຂຶ້ນເຊັ່ນ:ກວດຄົນເຈັບສຸກເສີມຈາກ 1.220 ກໍລະນີປີ 1998 ມາເຖິງ 45.081 ກໍລະນີ ປີ 2023,ຮັບຄົນເຈັບນອນປິ່ນປົວຈາກ 1.629 ກໍລະນີ ປີ 1998 ມາເຖິງ 20.142 ກໍລະນີ ປີ 2023,ເຮັດການຜ່າຕັດທັງໝົດ ຈາກ 102 ກໍລະນີປີ 1998 ມາເຖິງ 8.580 ກໍລະນີ ປີ 2023, ການກວດບົ່ງມະຕິດ້ານຮູບພາບລັງສີພື້ນຖານ ຈາກ 2.560 ກໍລະນີ ມາເຖິງ 66.034 ກໍລະນີ ປີ 2023 ແລະ ພິເສດຍັງມີການກວດຮູບພາບລັງສີພິເສດ ຊີທີສະແກນ,ຄື້ນແມ່ເຫຼັກ ເອັມອາໄອ ປະມານ 9.700 ກໍລະນີ ປີ 2023. ຈາກຜົນງານທີ່ກ່າວມານັ້ນເຮັດໃຫ້ໂຮງໝໍມິດຕະພາບໄດ້ຮັບການຍ້ອງຍໍຈາກລັດຖະບານເປັນຫຼຽນໄຊແຮງງານຊັ້ນ 1ໃຫ້ກຽດປະດັບຫຼຽນໂດຍ ທ່ານ ບຸນແຝງ ພູມມະໄລສິດ
ໃນໂອກາດດັ່ງກ່າວ, ທ່ານ ກິແກ້ວ ໄຂຄຳພິທູນ ກໍໄດ້ໃຫ້ກຽດໂອ້ລົມເພື່ອເປັນເຂັ້ມທິດເຍື່ອງທາງໃນຕໍ່ໜ້າ ແລະ ໄດ້ສະແດງຄວາມຍ້ອງຍໍຊົມເຊີຍຕໍ່ໂຮງໝໍມິດຕະພາບ ທີ່ໄດ້ຮັບການຍ້ອງຍໍຈາກລັດຖະບານເປັນຫຼຽນໄຊແຮງງານຊັ້ນ 1 ໂຮງໝໍມິດຕະພາບມີປະຫວັດຄວາມເປັນມາອັນຍາວນານ ມີອາຍຸຄົບຮອບ 35 ປີ ໂດຍເລີ່ມຈາກໂຮງໝໍມິດຕະພາບລາວໂຊຫວຽດໃນເມື່ອກອນທີ່ໄດ້ຮັບການຊ່ວຍເຫຼືອ ຈາກງົບປະມານການກໍ່ສ້າງບຸກຄະລາກອນອຸປະກອນການແພດຈາກອະດີດສະຫະພາບໂຊຫວຽດ ຍ້ອນແນວນັ້ນຈຶ່ງເຮັດໃຫ້ໂຮງໝໍແຫ່ງນີ້ກາຍເປັນສັນຍາລັກທີ່ໂດດເດັ່ນອັນໜຶ່ງທາງປະຫວັດສາດຂອງການຮ່ວມມືຂອງສອງພັກ-ສອງລັດ ແລະ ປະຊາຊົນສອງຊາດ ລາວ-ໂຊຫວຽດ ຜ່ານການຕິດຕາມການເຄື່ອນໄຫວການໃຫ້ການບໍລິການດ້ານສຸຂະພາບທີ່ຜ່ານມາຕາມບົດລາຍງານຂອງການນຳຂອງກະຊວງສາທາລະນະສຸກ ບົດລາຍງາຍຂອງຜູ້ອຳນວຍການໂຮງໝໍມິດຕະພາບ ສາມາດເຫັນໄດ້ຢ່າງຈະແຈ້ງວ່າ ຕະຫຼອດ 35 ປີແຫ່ງການເປີດນຳໃຊ້ ຈົນມາເຖິງປັດຈຸບັນ ໂຮງໝໍມິດຕະພາບສາມາດຍາດໄດ້ຜົນງານໃຫຍ່ຫຼວງຫຼາຍດ້ານ ເຮັດໃຫ້ໂຮງໝໍໄດ້ຮັບການພັດທະນາຂະຫຍາຍຕົວຢ່າງບໍໍ່ຍຸດຢັ້ງ ປະກອບສ່ວນອັນສົມກຽດຂອງຕົນ ເຂົ້າໃນພາລະກິດແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ.
ຂ່າວ-ພາບ: ບຸນຕອມ.
ຄໍາເຫັນ