 |
ທ່ານ ເກດມະນີ ເພັດສິຣິແສງ ໄດ້ກ່າວວ່າ: ປັດຈຸບັນວຽກງານທາງດ້ານການແພດແມ່ນໄດ້ມີການຄົ້ນຄວ້າ ແລະ ພັດທະນາວິທະຍາສາດຂອງວິທີການໃນການບົ່ງມະຕິພະຍາດ ແລະ ການປິ່ນປົວດ້ວຍວິທີການຕ່າງໆຢ່າງບໍ່ຢຸດຢັ້ງ ຊຶ່ງວິທະຍາສາດທາງດ້ານການແພດແມ່ນມີຄວາມສຳຄັນ ແລະ ເປັນປະໂຫຍດຢ່າງຍິ່ງຕໍ່ກັບວຽກງານສາທາລະນະສຸກ, ເປັນວຽກງານໜຶ່ງໃນການສົ່ງເສີມໃຫ້ພະນັກງານໃນຂົງເຂດສາທາລະນະສຸກສາມາດນໍາຜົນການຄົ້ນຄວ້າວິທະຍາສາດມາປະຍຸກໃຊ້ໃນການປະຕິບັດຕົວຈິງ ແລະ ຖືກຕາມຫຼັກຈັນຍາທຳແພດ ລວມທັງມີການສົ່ງເສີມສຸຂະພາບ, ປ້ອງກັນພະຍາດ ແລະ ພັດທະນາການຮຽນ-ການສອນ.
ທ່ານ ເກດມະນີ ເພັດສິຣິແສງ ໄດ້ກ່າວຕື່ມວ່າ: ອີງຕາມແນວທາງທິດຊີ້ນຳ ຂອງ ພັກ-ລັດ ທີ່ຍົກສູງການປັບປຸງ ແລະ ຍົກລະດັບຄວາມຮູ້ຄວາມສາມາດຂອງບຸກຄະລະກອນໃຫ້ທັນກັບສະພາບການປ່ຽນແປງ ແລະ ການພັດທະນາທາງດ້ານເຕັກໂນໂລຊີກໍຄືວິທີການປິ່ນປົວຄົນເຈັບໃນລະດັບສາກົນ ແລະ ພາກພື້ນ ໂດຍແນໃສ່ການຍົກລະດັບຄວາມຮູ້ ແລະ ແລກປ່ຽນປະສົບການຂອງບັນດານັກວິທະຍາກອນຜູ້ທີ່ມີປະສົບການດ້ານການແພດໃນຂະແໜງການຕ່າງໆເພື່ອຍົກສູງຄຸນນະພາບການບໍລິການ ແລະ ການຮັກສາສຸຂະພາບຂອງປະຊາຊົນລາວບັນດາເຜົ່າໃຫ້ນັບມື້ດີຂຶ້ນຕາມລໍາດັບຕາມນະໂຍບາຍ 5 ດີ 1 ພໍໃຈ ຂອງກະຊວງສາທາລະນະສຸກໄດ້ວາງອອກ ແລະ ໃນກອງປະຊຸມໄດ້ມີວິທະຍາກອນຈາກພາຍໃນ ແລະຕ່າງປະເທດ ໄດ້ແລກປ່ຽນຄວາມຮູ້ຢ່າງຟົດຟື້ນ, ຍົກລະດັບຄວາມຮູ້ໃໝ່ໆທາງດ້ານການແພດໃຫ້ແກ່ນັກສຶກສາ, ພະນັກງານແພດໝໍ ແລະ ບຸກຄະລາກອນທາງດ້ານສາທາລະນະສຸກຕ່າງໆທີ່ມີຄວາມສົນໃຈ ໃນວຽກງານການແພດ. ນອກຈາກນີ້, ຍັງເປັນການພັດທະນາຊຸກຍູ້ ແລະ ສົ່ງເສີມໃຫ້ການຄົ້ນຄວ້າ, ການຮຽນ-ການສອນ, ການປິ່ນປົວ ແລະ ປ້ອງກັນພະຍາດ ທາງດ້ານອາຍຸຣະສາດການແພດສຸກເສີນ ແລະ ຮູບພາບການແພດໃຫ້ແທດເໝາະກັບຍຸກສະໄໝປັດຈຸບັນ ແລະ ສອດຄ່ອງກັບຫຼັກການປະຕິບັດຂອງພາກພື້ນ ແລະ ສາກົນ.
ຂ່າວ-ພາບ: ບຸນອູ້ມ
ຄໍາເຫັນ