ສະຖາບັນຂົງຈື ມຊເອົາໃຈໃສ່ກໍ່ສ້າງບຸກຄະລາກອນດ້ານພາສາຈີນຮັບໃຊ້ປະເທດຊາດ

ສະຖາບັນຂົງຈື ມຊເອົາໃຈໃສ່ກໍ່ສ້າງບຸກຄະລາກອນດ້ານພາສາຈີນຮັບໃຊ້ປະເທດຊາດ

ສະຖາບັນຂົງຈື ມຊເອົາໃຈໃສ່ກໍ່ສ້າງບຸກຄະລາກອນດ້ານພາສາຈີນຮັບໃຊ້ປະເທດຊາດ
ທ່ານ ຄຳຮຸ່ງ ຈັນທະວົງ ເລຂາພັກຮາກຖານ ຜູ້ອຳນວຍການສະຖາບັນຂົງຈືຝ່າຍລາວ (ມຊ) ກ່າວລາຍງານໃນໂອກາດເຂົ້າຮ່ວມກອງປະຊຸມໃຫຍ່ຜູ້ແທນອົງຄະນະພັກ ມຊ ຄັ້ງທີ VI ວ່າ: ໂດຍພາຍໃຕ້ການນໍາພາ-ຊີ້ນໍາຂອງອົງຄະນະພັກມຊ ສະຖາບັນຂົງຈືສາມາດສ້າງຜົນງານອັນພົ້ນເດັ່ນຫຼາຍດ້ານເຊັ່ນ: ດ້ານການເມືອງ-ແນວຄິດ, ວິຊາການ, ການແລກປ່ຽນວັດທະນະທໍາ,

 

 

ການພົວພັນພາຍໃນ ແລະ ຕ່າງປະເທດ. ຄະນະພັກສະຖາບັນຂົງຈືໄດ້ຖືເອົາວຽກງານແນວຄິດ-ການເມືອງເປັນປັດໃຈຫຼັກໃນການສ້າງຄວາມສາມັກຄີພາຍໃນພະນັກງານຄູ-ອາຈານລາວ-ຈີນ ເຮັດໃຫ້ພະນັກງານຄູ-ອາຈານມີຄວາມກະຕືລືລົ້ນຫ້າວຫັນປະຕິບັດວຽກງານ ແລະ ສາມາດສໍາເລັດໜ້າທີ່ວຽກງານທີ່ຕົນຮັບຜິດຊອບຕາມແຜນການທີ່ວາງໄວ້, ເຮັດໃຫ້ໜ່ວຍພັກຮາກຖານສະຖາບັນຖືກຮັບຮອງເປັນໜ່ວຍພັກ ປອດໃສ ເຂັ້ມແຂງ ໜັກແໜ້ນຕິດຕໍ່ກັນ 4 ປີຊ້ອນ. ນອກຈາກນັ້ນ, ຄະນະພັກ, ສະມາຊິກພັກຖືເອົາຄວາມເປັນແບບຢ່າງ, ຫັນແນວຄິດການເມືອງເປັນທັນສະໄໝໃຫ້ສອດຄ່ອງກັບການສຶກສາອົບຮົມແນວຄິດນັກຮຽນ-ນັກສຶກສາຮຸ້ນໃໝ່ ໂດຍສະເພາະນັກສຶກສາຮຸ້ນ Gen Z ຊຶ່ງເປັນຮຸ້ນທີ່ຢູ່ຕິດພັນກັບເຕັກໂນໂລຊີສະໄໝໃໝ່ ແລະ ເປັນກຸ່ມຄົນທີ່ສະແຫວງຫາການປ່ຽນແປງໃໝ່ຕະຫຼອດເວລາ.

ທ່ານ ຄຳຮຸ່ງ ຈັນທະວົງ ກ່າວໃຫ້ຮູ້ອີກວ່າ: ຕະຫຼອດ 5 ປີທີ່ຜ່ານມາ, ສະຖາບັນຂົງຈືໄດ້ເປີດບໍາລຸງພາສາຈີນໃຫ້ແກ່ສັງຄົມໄດ້ເຖິງ 19,013 ຄົນ ຍິງ 9,919 ຄົນ, ຮັບນັກສຶກສາລະດັບປະລິນຍາຕີສາຂາຄູພາສາຈີນຈໍານວນ 336 ຄົນ ຍິງ 190 ຄົນ. ນອກຈາກນັ້ນຍັງໄດ້ສົ່ງຄູ-ອາຈານຈີນໄປສິດສອນຢູ່ຕາມອົງກອນ ແລະໂຮງຮຽນພາກລັດໂດຍສະເພາະໃນບັນດາກະຊວງທະບວງກົມ, ຫ້ອງຮຽນຂົງຈື 5 ແຫ່ງ ແລະ ຈຸດສອນພາສາຈີນ 2 ແຫ່ງ, ຊຶ່ງໄດ້ສອນໃຫ້ນັກຮຽນຂັ້ນສາມັນ ແລະ ນັກສຶກສາລະດັບປະລິນຍາໄດ້ເຖິງ 15,000 ກວ່າເທື່ອຄົນ, ຝຶກອົບຮົມໃຫ້ຄູລາວທີ່ສອນພາສາຈີນຢູ່ 8 ແຂວງພາກເໜືອຈໍານວນ 5 ຊຸດ ມີຈໍານວນ 125 ເທື່ອຄົນ. ຈັດຝຶກອົບຮົມພາສາຈີນສະເພາະດ້ານໃຫ້ແກ່ຄະນະນໍາຂັ້ນກໍາມະການສູນກາງພັກຈາກຄະນະຈັດຕັ້ງສູນກາງພັກເປັນເວລາ 3 ປີຕິດຕໍ່ກັນ, ສ້າງວິດີໂອສອນອອນລາຍໃນໄລຍະການແຜ່ລະບາດເຊື້ອພະຍາດໂຄວິດ-19 ໄດ້ເຖິງ 222 ບົດ ແລະ ມີຄົນເຂົ້າຊົມເຖິງ 25,000 ກວ່າເທື່ອຄັ້ງ. ໄດ້ຕາງໜ້າໃຫ້ແກ່ສປປ ລາວ ໄປແຂ່ງຂັນ“ເສັ້ນທາງສາຍໃໝ”ທີ່ຂອນແກ່ນປະເທດໄທ ໂດຍມີ 14 ມະຫາວິທະຍາໄລຂອງໄທເຂົ້າຮ່ວມຊຶ່ງສາມາດຍາດໄດ້ລາງວັນທີ 1 ແລະ ດີເດັ່ນປະເພດກຸ່ມ, ໄດ້ລາງວັນທີ 1 ໃນການແຂ່ງຂັນຂົວພາສາຈີນຈໍານວນ 4 ຄັ້ງ ຊຶ່ງໄດ້ຕາງໜ້າໃຫ້ສປປ ລາວໄປແຂ່ງຂັນທີ່ ສປ ຈີນ ໄດ້ຮັບລາງວັນສະຖາບັນຂົງຈືດີເດັ່ນ ແລະ ຈຸດສອບເສັງ HSK ດີເດັ່ນປະຈໍາປີ 2024 ຊຶ່ງມອບໂດຍກະຊວງສຶກສາທິການ ສປ ຈີນ; ເດືອນກໍລະກົດປີ 2021 ກະຊວງສຶກສາທິການ ແລະ ກິລາໄດ້ອະນຸມັດໃຫ້ສະຖາບັນເປີດຫຼັກສູດປະລິນຍາຕີສາຂາຄູພາສາຈີນຊຶ່ງເປັນສະຖາບັນແຫ່ງທໍາອິດຂອງໂລກໃນການເປີດຫຼັກສູດລະດັບປະລິນຍາຕີ ແລະ ກໍເປັນສະຖາບັນແຫ່ງທໍາອິດຂອງສປປ ລາວ ທີ່ເປີດຫຼັກສູດຄູພາສາຈີນ. ຍ້ອນການປະສານງານຢ່າງໃກ້ຊິດກັບຝ່າຍຈີນ, ໃນເດືອນເມສາປີ 2023 ໄດ້ເຊັນສັນຍາການຮ່ວມມືນໍາສູນຮ່ວມມືພາສາຈີນ-ພາສາຕ່າງປະເທດສປ ຈີນໃນການສ້າງຫຼັກສູດ 2+2 ຊຶ່ງສາມາດຍາດແຍ່ງທຶນການສຶກສາໃຫ້ແກ່ນັກສຶກສາສະຖາບັນປີທີ 1 ຈໍານວນ 60 ທຶນ ແລະນັບແຕ່ປີທີ 2 ເປັນຕົ້ນໄປໄດ້ເຖິງ 120 ທຶນຕໍ່ປີ. ນອກຈາກນັ້ນ, ສະຖາບັນຍັງໄດ້ປະສານງານນໍາສຶກສາແຂວງກວາງຊີ ສປ ຈີນສາມາດຍາດແຍ່ງທຶນຮຽນພາສາຈີນມາໃຫ້ມຊໄດ້ 60 ທຶນຕໍ່ປີເປັນເວລາ 5 ປີ. ສະຖາບັນຍັງໄດ້ຮັບໃຊ້ໂຄງການອັນສໍາຄັນຂອງສອງຊາດລາວ-ຈີນເຊັ່ນ: ການສ້າງບຸກຄະລາກອນ ແລະ ຝຶກອົບຮົມດ້ານພາສາຈີນສະເພາະດ້ານໃຫ້ແກ່ພະນັກງານທາງດ່ວນ ແລະ ທາງລົດໄຟລາວ-ຈີນເປັນຈໍານວນ 590 ກວ່າຄົນ, ຊຶ່ງສາມາດຮັບໃຊ້ທັນການໃນພິທີເປີດທາງລົດໄຟລາວ-ຈີນຢ່າງເປັນທາງການໃນວັນທີ 3 ທັນວາ 2021 ແລະ ທາງດ່ວນໃນວັນທີ 20 ທັນວາ 2020. ພ້ອມນັ້ນ,ສະຖາບັນໄດ້ຖືເອົາການສົ່ງເສີມແລກປ່ຽນວັດທະນະທໍາເປັນປາຍຫຼຽມ ໃນການຊຸກຍູ້ວຽກງານສົ່ງເສີມການຮຽນ-ການສອນ. ແຕ່ລະປີໄດ້ຈັດກິດຈະກໍາການຮຽນຮູ້ວັດທະນະທໍາລາວໃຫ້ຝ່າຍຈີນ, ການແຂ່ງຂັນຂົວພາສາຈີນ, ການແຂ່ງຂັນຮ້ອງເພງຈີນ ການແຂ່ງຂັນການສະເໜີແຫຼ່ງທ່ອງທ່ຽວຂອງສປປ ລາວ ແລະ ອື່ນໆ. ຊຶ່ງແຕ່ລະປີສະຖາບັນມີກິດຈະກໍາທັງສອງຝ່າຍລາວ-ຈີນສະເລ່ຍ 28 ກິດຈະກໍາ, ຕະຫຼອດ 5 ປີທີ່ຜ່ານມາ ພວກເຮົາສໍາເລັດກິດຈະກໍາໄດ້ເຖິງ 140 ກິດຈະກໍາຊຶ່ງມີຄົນເຂົ້າຮ່ວມທັງໝົດ 42,100 ເທື່ອຄົນ. ຄຽງຄູ່ກັນນັ້ນ, ສະຖາບັນຂົງຈືຍັງເປັນຂົວຕໍ່ພົວພັນປະສານງານລະຫວ່າງສອງຝ່າຍລາວ-ຈີນ, ເວົ້າສະເພາະລະຫວ່າງມຊ ແລະມະຫາວິທະຍາໄລຊົນເຜົ່າກວາງຊີ,ສຶກສາແຂວງກວາງຊີ ສປ ຈີນ ແລະ ພາກສ່ວນບໍລິສັດ,ລັດວິສາຫະກິດຈີນທີ່ສປປ ລາວ. ຕະຫຼອດ 5 ປີຜ່ານມາສະຖາບັນຂົງຈືສາມາດຍາດແຍ່ງການຊ່ວຍເຫຼືອຈາກມະຫາວິທະຍາໄລຊົນເຜົ່າກວາງຊີ, ທະນາຄານ ICBC, ທະນາຄານລາວ-ຈີນ, ສະພາການຄ້າກວາງຊີ, ບໍລິສັດທາງດ່ວນ ແລະ ທາງລົດໄຟລາວ-ຈີນໃຫ້ແກ່ມຊ ແລະ ສະຖາບັນໄດ້ເປັນຢ່າງດີ.

ຜົນງານທັງໝົດທີ່ກ່າວມານັ້ນຍ້ອນແນວທາງນະໂຍບາຍອັນຖືກຕ້ອງຂອງພັກ-ລັດ ບວກກັບການເອົາໃຈນໍາພາຊີ້ນໍາຂອງອົງຄະນະພັກ ມຊ ແລະຄວາມບຸກບືນຫ້າວຫັນຂອງຄະນະພັກ ແລະ ພະນັກງານຄູ-ອາຈານທົ່ວສະຖາບັນຂົງຈືຈຶ່ງສາມາດສ້າງຜົນງານ ເຮັດໃຫ້ສະຖາບັນນັບມື້ມີການພັດທະນາຫັນປ່ຽນໄປສູ່ທັນສະໃໝ ເຕີບໃຫຍ່ເຂັ້ມແຂງຢ່າງບໍ່ຢຸດຢັ້ງ.

ຄໍາເຫັນ

ຂ່າວສືກສາ-ກິລາ

ເລຂາພັກແຂວງຄໍາມ່ວນກວດ​ກາສະ​ພາບໂຮງຮຽນ ມ.ປ ທ່າແຂກ ພ້ອມມອບເງິນສະໜັບສະ​ໜູນສ້ອມແປງ

ເລຂາພັກແຂວງຄໍາມ່ວນກວດ​ກາສະ​ພາບໂຮງຮຽນ ມ.ປ ທ່າແຂກ ພ້ອມມອບເງິນສະໜັບສະ​ໜູນສ້ອມແປງ

ທ່ານ ໄຊຊະນະ ໂຄດພູທອນ ເລຂາພັກແຂວງ, ປະທານສະພາປະຊາຊົນແຂວງຄໍາມ່ວນ ໄດ້ລົງຕິດຕາມ ສະພາບອາຄານຮຽນຂອງໂຮງຮຽນ ມ.ປ ທ່າແຂກ ໃນ​ວັນ​ທີ 16 ພະ​ຈິກ​ຜ່ານ​ມາ, ໂດຍມີ ທ່ານ ຄໍາໜັ້ນ ສໍປະເສີດ ເລຂາພັກເມືອງທ່າແຂກ, ທ່ານ ນາງ ສຸກຂະເສີມ ສິດທິເດດ ຫົວໜ້າພະແນກສຶກສາທິການ ແລະ ກິລາແຂວງ ພ້ອມພາກສ່ວນກ່ຽວຂ້ອງເຂົ້າຮ່ວມ.
ມສນາໄຊເປີດແຂ່ງຂັນກິລາ-ສີລະປະປະຈຳສົກຮຽນ2026-2027ຢ່າງຄຶກຄື້ນ

ມສນາໄຊເປີດແຂ່ງຂັນກິລາ-ສີລະປະປະຈຳສົກຮຽນ2026-2027ຢ່າງຄຶກຄື້ນ

ຂະບວນການແຂ່ງຂັນກິລາ-ສີລະປະ ປະຈຳສົກຮຽນ 2026-2027 ຂອງໂຮງຮຽນມັດທະຍົມສົມບູນນາໄຊ ເມືອງ ແລະ ແຂວງສາລະວັນ ໄດ້ຈັດຂຶ້ນດ້ວຍບັນຍາກາດຟົດຟຶ້ນ, ໃນພິທີໄດ້ການເດີນສວນສະໜາມ 8 ກ້ອນກຳລັງ ຄື: ກ້ອນກຳລັງເຍົາວະຊົນ, ສີລະປະ, ນັກຮຽນ, ກິລາເປຕັງ, ກິລາບານເຕະ, ກິລາບານສົ່ງ, ກິລາກະຕໍ້ ປະເພດຊາຍ-ຍິງ, ກ້ອນກຳລັງຊາວໜຸ່ມ-ແມ່ຍິງ ແລະ ກ້ອນກຳລັງກຳມະການ, ພ້ອມທັງສະແດງສີລະປະ ປະເພດບົດຟ້ອນ ແລະ ບົດເພງ ຈາກນ້ອງນັກຮຽນ.
ເປີດການແຂ່ງຂັນກິລາເບສບອນ ຊີງຂັນທູດ ສ ເກົາຫຼີ ປະຈຳລາວ ຄັ້ງທີ 5

ເປີດການແຂ່ງຂັນກິລາເບສບອນ ຊີງຂັນທູດ ສ ເກົາຫຼີ ປະຈຳລາວ ຄັ້ງທີ 5

ວັນທີ 12 ພະຈິກ ຜ່ານມາ ທີ່ສະໜາມກິລາເບສບອນແຫ່ງຊາດ (ຫຼັກ 16) ນະຄອນຫຼວງວຽງຈັນ (ນວ), ສະຫະພັນກິລາເບສບອນ-ຊັອບບອນແຫ່ງຊາດລາວ ໄດ້ຈັດພິທີເປີດການແຂ່ງຂັນກິລາເບສບອນ-ຊັອບບອນ ຊີງຂັນທ່ານເອກອັກຄະລັດຖະທູດ ສ ເກົາຫຼີ ປະຈຳ ສປປ ລາວ ຄັ້ງທີ 5 ຂຶ້ນຢ່າງເປັນທາງການ ພາຍໃຕ້ການເປັນປະທານຂອງທ່ານ ຄຳຜາຍ ສີສະຫວັນ ປະທານສະຫະພັນເບສບອນ-ຊັອບບອນແຫ່ງຊາດລາວ, ມີ ທ່ານ ແສງພອນ ພົນອາມາດ ຮອງປະທານຄະນະກຳມະການໂອແລັມປິກແຫ່ງຊາດລາວ, ທ່ານ ບຸນມາ ທຳມະວົງ ຮອງຫົວໜ້າກົມກິລາລະດັບສູງ ກະຊວງສຶກສາທິການ ແລະ ກິລາ ແລະ ທ່ານ ນາງ ລີຢູຈິນ (LEE YOO JIN) ຮອງເລຂາທິການສະຖານທູດ ສ ເກົາຫຼີ ປະຈຳ ສປປ ລາວ ພ້ອມດ້ວຍຄະນະບໍລິຫານງານສະຫະພັນ, ຜູ້ໃຫ້ການສະໜັບສະໜູນ, ຄະນະກຳມະການຕັດສິນ, ຄູຝຶກ, ນັກກິລາ ແລະ ແຂກຖືກເຊີນ ເຂົ້າຮ່ວມ.
ຜົນສຳເລັດສຳມະນາວິທະຍາສາດ ພັດທະນາໂຮງຮຽນການເມືອງ ທົ່ວປະເທດ ໃຫ້ເຂັ້ມແຂງ

ຜົນສຳເລັດສຳມະນາວິທະຍາສາດ ພັດທະນາໂຮງຮຽນການເມືອງ ທົ່ວປະເທດ ໃຫ້ເຂັ້ມແຂງ

ສະຖາບັນການເມືອງ ແລະ ການປົກຄອງແຫ່ງຊາດ (ສມປຊ) ໄດ້ຮ່ວມກັບໂຮງຮຽນການເມືອງແລະ ການປົກຄອງແຂວງຫຼວງນ້ຳທາ ຈັດກອງປະຊຸມສຳມະນາວິທະຍາສາດທົ່ວປະເທດພາຍໃຕ້ຫົວຂໍ້: “ພັດທະນາໂຮງຮຽນການເມືອງ ແລະ ການປົກຄອງແຂວງ, ນະຄອນຫຼວງ ໃຫ້ເຂັ້ມແຂງ” ຈັດຂຶ້ນໃນວັນທີ 11 ພະຈິກຜ່ານມາ. ກອງປະຊຸມຄັ້ງນີ້ໄດ້ຮຽນເຊີນທ່ານ ອານຸພາບ ຕຸນາລົມ ຄະນະເລຂາທິການສູນກາງພັກ ເລຂາຄະນະພັກ ຫົວໜ້າ ສມປຊ ເປັນປະທານ ແລະ ກ່າວເປີດກອງປະຊຸມຢ່າງເປັນທາງການ; ໂດຍມີທ່ານ ສຸພາວະດີ ຫຼ້າຄຳສາຍ ຄະນະບໍລິຫານງານພັກ ຮອງຫົວໜ້າ ສມປຊ ເປັນຜູ້ດຳເນີນການສຳມະນາ. ເຂົ້າຮ່ວມກອງປະຊຸມມີຄະນະພັກ, ຄະນະອຳນວຍການ, ຄູ-ອາຈານ, ນັກວິທະຍາສາດແລະ ຄະນະຮັບຜິດຊອບຕາງໜ້າໃຫ້ໂຮງຮຽນການເມືອງ ແລະ ການປົກຄອງແຂວງ, ນະຄອນຫຼວງທັງ 18 ໂຮງຮຽນໃນທົ່ວປະເທດ.
ວິທະຍາໄລເຕັກນິກກະສິກໍາດົງຄຳຊ້າງ ແຂ່ງຂັນ AI+ກະສິກຳ ປີ 2026

ວິທະຍາໄລເຕັກນິກກະສິກໍາດົງຄຳຊ້າງ ແຂ່ງຂັນ AI+ກະສິກຳ ປີ 2026

ວັນທີ 11 ພະຈິກຜ່ານມາ, ວິທະຍາໄລເຕັກນິກກະສິກຳດົງຄຳຊ້າງ ໄດ້ຈັດການແຂ່ງຂັນທັກສະສີມື “AI+ກະສິກຳ” ປະຈຳປີ 2026 ພາຍໃຕ້ໂຄງການສີມືແຮງງານກະສິກຳແບບທັນສະໄໝ ລາວ-ຈີນ ໂດຍມີທ່ານ ຕຽງຄຳ ໄຊຍະວົງ ຮັກສາການ ຜູ້ອຳນວຍການວິທະຍາໄລ ເປັນປະທານ ພ້ອມດ້ວຍຕົວແທນພາກລັດ, ເອກະຊົນ ຄູ-ອາຈານ ແລະ ນັກສຶກສາເຂົ້າຮ່ວມ.
ອຸທຸມພອນ ແຈກຢາຍຢາຂ້າແມ່ທ້ອງໃຫ້ນັກຮຽນປະຖົມ-ມັດທະຍົມ

ອຸທຸມພອນ ແຈກຢາຍຢາຂ້າແມ່ທ້ອງໃຫ້ນັກຮຽນປະຖົມ-ມັດທະຍົມ

ເມືອງອຸທຸມພອນ ແຂວງສະຫວັນນະເຂດ ຈັດພິທີແຈກຢາຍຢາກິນຂ້າແມ່ທ້ອງໃຫ້ນັກຮຽນຊັ້ນປະຖົມ ແລະ ມັດທະຍົມຕອນຕົ້ນທົ່ວເມືອງ ໃນວັນທີ 12 ພະຈິກນີ້, ທີ່ເດີ່ນໂຮງຮຽນ ມສ ອຸທຸມພອນໂດຍການເຂົ້າຮ່ວມຂອງທ່ານ ໂພໄຊ ອິນທະວົງສາ ປະທານຄະນະກໍາມະການປົກຄອງເມືອງ, ມີທ່ານ ບຸນໂຮງ ແສງອາລຸນ ຫົວໜ້າຫ້ອງການສາທາລະນະສຸກເມືອງ, ທ່ານ ສອນວິໄລ ອຸພະມີໄຊ ຫົວໜ້າຫ້ອງການສຶກສາທິການ-ກິລາເມືອງ ແລະ ພາກສ່ວນກ່ຽວຂ້ອງເຂົ້າຮ່ວມ.
ສປປ ລາວ ກຽມເປັນເຈົ້າພາບຈັດແຂ່ງຂັນກິລາເພາະກາຍ ຊີງແຊັມໂລກຕົ້ນເດືອນທັນວານີ້

ສປປ ລາວ ກຽມເປັນເຈົ້າພາບຈັດແຂ່ງຂັນກິລາເພາະກາຍ ຊີງແຊັມໂລກຕົ້ນເດືອນທັນວານີ້

ພິທີຖະແຫຼງຂ່າວ ການແຂ່ງຂັນກິລາເພາະກາຍຊີງແຊັມໂລກ ຄັ້ງທີ 17 ທີ່ ສປປ ລາວ ເປັນເຈົ້າ ພາບ ຈັດຂຶ້ນໃນວັນທີ 11 ພະຈິກນີ້ ທີ່ໂຮງແຮມດອນຈັນພາເລດ, ໂດຍມີທ່ານ ມະໂນທອງ ວົງໄຊ ຮອງລັດຖະມົນຕີກະຊວງອຸດສາຫະກໍາ ແລະ ການຄ້າ (ອຄ) ປະທານສະຫະພັນກິລາເພາະກາຍແຫ່ງຊາດລາວ ທັງເປັນປະທານຈັດງານກິລາເພາະກາຍຊີງແຊັມໂລກ ຄັ້ງທີ 17, ມີທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີກະຊວງສຶກສາທິການ ແລະ ກິລາ (ສສກ) ທັງເປັນຄະນະປະທານຮ່ວມຊີ້ນໍາຈັດການແຂ່ງຂັນເພາະກາຍຊີງແຊັມໂລກ ຄັ້ງທີ 17, ມີບັນດາການນໍາຈາກກະຊວງ, ຄະນະອໍານວຍການ, ຜູ້ໃຫ້ການສະໜັບສະໜູນ, ຄະນະສະຫະພັນກິລາເພາະກາຍ, ຄູຝຶກ ແລະ ນັກກິລາ ເຂົ້າຮ່ວມ.
ຜູ້ບໍລິຫານ-ຄຸ້ມຄອງໂຮງຮຽນການເມືອງ ທົ່ວປະເທດ ແລກປ່ຽນຄຳເຫັນຢ່າງກົງໄປກົງມາ ຕາມ “ຄຳຖາມເຈາະຈີ້ມ” ແລະ ການຊີ້ແຈງແກ້ໄຂຈາກສມປຊ

ຜູ້ບໍລິຫານ-ຄຸ້ມຄອງໂຮງຮຽນການເມືອງ ທົ່ວປະເທດ ແລກປ່ຽນຄຳເຫັນຢ່າງກົງໄປກົງມາ ຕາມ “ຄຳຖາມເຈາະຈີ້ມ” ແລະ ການຊີ້ແຈງແກ້ໄຂຈາກສມປຊ

ວັນທີ 10 ພະຈິກ ນີ້ ຕໍ່ເນື່ອງຈາກວາລະກອງປະຊຸມໃນວັນທຳອິດຜ່ານມາ, ພາຍໃຕ້ການເປັນປະທານ ທ່ານ ອານຸພາບ ຕຸນາລົມ ຄະນະເລຂາທິການສູນກາງພັກ ເລຂາຄະນະບໍລິຫານງານພັກ ຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ (ສມປຊ), ກອງປະຊຸມສະຫຼຸບຖອດຖອນບົດຮຽນຜູ້ບໍລິຫານ-ຄຸ້ມຄອງໂຮງຮຽນການເມືອງ ແລະ ການປົກຄອງແຂວງ ນະຄອນຫຼວງວຽງຈັນ ທົ່ວປະເທດ ປະຈຳສົກປີ 2025-2026 ທີ່ຈັດຂຶ້ນ ທີ່ແຂວງຫຼວງນ້ຳທາ ໄດ້ສືບຕໍ່ເຂົ້າສູ່ ວາລະການແລກປ່ຽນ, ປຶກສາຫາລື ແລະ ຕອບຄຳຖາມເຈາະຈີ້ມ ແລະ ເລິກເຊິ່ງ.
ເອັສຊີຈີ ມອບທຶນການສຶກສາແກ່ເຍົາວະຊົນໃນລາວ ຕໍ່ເນື່ອງເປັນປີທີ 15

ເອັສຊີຈີ ມອບທຶນການສຶກສາແກ່ເຍົາວະຊົນໃນລາວ ຕໍ່ເນື່ອງເປັນປີທີ 15

ໃນວັນທີ 5 ພະຈິກ ຜ່ານມາ ທີ່ ນະຄອນຫຼວງວຽງຈັນ, ກະຊວງສຶກສາທິການ ແລະ ກິລາ ຮ່ວມກັບ ເອັສຊີຈີ (SCG) ຈັດພິທີມອບທຶນການສຶກສາ, ສືບຕໍ່ໂຄງການ "SCG Sharing the Dream 2026" ຕໍ່ເນື່ອງເປັນປີທີ 15 ທີ່ ສປປ ລາວ ໂດຍ ເອັສຊີຈີ ໄດ້ມອບທຶນການສຶກສາໃນ ສປປ ລາວ ໄປແລ້ວ 2,601 ທຶນ ແລະ ປີນີ້, ຈະມອບເພີ່ມອີກ ຈຳນວນ 126 ທຶນ ໃຫ້ແກ່ເຍົາວະຊົນທີ່ຕັ້ງໃຈຮຽນ ແລະ ປະພຶດດີ ເພື່ອສະໜັບສະໜູນໃຫ້ເຍົາວະຊົນເຂົ້າເຖິງການສຶກສາ ພ້ອມຕໍ່ຍອດແນວຄິດ "Green Active Generation" ສົ່ງເສີມຄວາມສຳຄັນຂອງການເບິ່ງແຍງຊຸມຊົນ ແລະ ສິ່ງແວດລ້ອມ ພ້ອມລົງມືພັດທະນາຊຸມຊົນ ແລະ ເປັນກຳລັງສຳຄັນພັດທະນາປະເທດຢ່າງຍືນຍົງ.
ສມປຊ ສະຫຼຸບບົດຮຽນບໍລິຫານຄຸ້ມຄອງໂຮງຮຽນການເມືອງ ທົ່ວປະເທດ

ສມປຊ ສະຫຼຸບບົດຮຽນບໍລິຫານຄຸ້ມຄອງໂຮງຮຽນການເມືອງ ທົ່ວປະເທດ

ກອງປະຊຸມສະຫຼຸບຖອດຖອນບົດຮຽນການຈັດຕັ້ງປະຕິບັດຫຼັກສູດການຮຽນ-ການສອນ ແລະ ວຽກງານບໍລິຫານຄຸ້ມຄອງ ຜູ້ບໍລິຫານໂຮງຮຽນການເມືອງ ແລະ ການປົກຄອງແຂວງ, ນະຄອນຫຼວງວຽງຈັນ ທົ່ວປະເທດ ປະຈຳສົກປີ 2025-2026 ແລະ ທິດທາງແຜນການ ສົກປີ 2026-2027 ໄດ້ຈັດຂຶ້ນໃນວັນທີ 9 ພະຈິກ 2026 ນີ້ ທີ່ແຂວງຫຼວງນ້ຳທາ ຢ່າງເປັນທາງການ.
ເພີ່ມເຕີມ