 |
ທີ່ຫ້ອງການດັ່ງກ່າວກ່ຽວກັບຄວາມຄືບໜ້າການຈັດຕັ້ງປະຕິບັດ ການຢອດຢາວັກຊິນໂປລີໂອພາຍໃນແຂວງວ່າ: ພະແນກສາທາລະນະສຸກແຂວງໄດ້ຈັດຕັ້ງປະຕິບັດການຢອດຢາວັກຊິນໂປລີໂອໃຫ້ເດັກນ້ອຍເປົ້າໝາຍລຸ່ມ 5 ປີ ນັບແຕ່ວັນທີ 27 ເມສາ ຫາ ວັນທີ 10 ພຶດສະພາ 2026, ທົ່ວແຂວງມີເດັກນ້ອຍກຸ່ມເປົ້າໝາຍລຸ່ມ 5 ປີມາຮັບການຢອດຢາວັກຊິນປ້ອງກັນພະຍາດໂປລີໂອທັງໝົດ 118,158 ກໍລະນີ, ບ້ານເປົ້າໝາຍຢອດຢາ 2,032 ບ້ານ, ຈຸດຢອດຢາວັກຊິນ 2,126 ຈຸດ ຄາດວ່າຈະໃຫ້ບັນລຸຕາມແຜນການທີ່ກຳນົດໄວ້.
 |
ທ່ານ ຕຽງຄຳ ປ້ອງວົງສາ ກ່າວໃຫ້ຮູ້ອີກວ່າ: ເພື່ອໃຫ້ບັນລຸຕາມແຜນການທີ່ກຳນົດໄວ້ນັ້ນ, ທາງພະແນກສາທາລະນະສຸກແຂວງໄດ້ມີການກະກຽມຄວາມພ້ອມດ້ານຕ່າງໆເປັນຢ່າງດີ ໂດຍມີບົດຮຽນໃນຮອບທີ 1 ເລື່ອງການໂຕ້ຕອບໃນທຸກກໍລະນີຂອງການລະບາດ, ມີຄວາມສະດວກໃນການຊີ້ນໍາໆພາຂອງກະຊວງ, ກົມກອງກ່ຽວຂ້ອງ ແລະ ພາກສ່ວນອື່ນໆ ຊຶ່ງໃນຮອບທີ 2 ນີ້ໄດ້ມີການກະກຽມຄວາມພ້ອມດ້ານວັກຊິນ, ບຸກຄະລາກອນຂັ້ນແຂວງ, ເມືອງ, ສຸກສາລາ, ຊຸມຊົນ ໂດຍສືບຕໍ່ຈາກຮອບທີ 1. ຜ່ານການຕິດຕາມມາຮອດວັນທີ 4 ພຶດສະພາການຢອດຢາວັກຊິນໂປລີໂອເຫັນວ່າມີຄວາມຄືບໜ້າເກີນເປົ້າໝາຍທີ່ຕັ້ງໄວ້. ມາຮອດປັດຈຸບັນໃນ 14 ເມືອງ ແລະ 1 ນະຄອນ ໂຕເລກສັງລວມທັງໝົດທົ່ວແຂວງ 81.9% ໃນນັ້ນ, ເມືອງສອງຄອນມີຄວາມຄືບໜ້າສູງ ແລະ ເມືອງອື່ນກຳລັງເລັ່ງປະຕິບັດ ເຊື່ອໝັ້ນວ່າວັນທີ 10 ພຶດສະພານີ້ຈະບັນລຸໄດ້ຕາມຄາດໝາຍ.
 |
ຖ້າທຽບໃສ່ໂຕເລກໃນໄລຍະດຽວກັນເຫັນວ່າຮອບ 2 ນີ້ປະຕິບັດໄດ້ໄວກວ່າ ສະແດງເຖິງຄວາມເອົາໃຈໃສ່ຂອງທຸກໆພາກສ່ວນທີ່ໄດ້ມີການປະສານສົມທົບກັນເປັນຢ່າງດີ, ໃນກໍລະນີມີບັນຫາເກີດຂຶ້ນ ກໍໄດ້ມີການເລັ່ງແກ້ໄຂໂດຍໄວ ຊຶ່ງທາງແຂວງໄດ້ຕັ້ງລະບົບເຝົ້າລະວັງທາງດ້ານໂຕເລກ, ເຫດການ ແລະ ອື່ນໆກ່ຽວກັບວັກຊິນ. ຜ່ານມາຍັງບໍ່ພົບບັນຫາ ແລະ ວັກຊິນມີພຽງພໍໃນການນໍາໃຊ້, ຄຽງຄູ່ກັບດ້ານດີຍັງມີສິ່ງທ້າທາຍ ກໍຄືວິກິດການດ້ານລາຄານໍ້າມັນເຮັດໃຫ້ການຈັດຕັ້ງປະຕິບັດມີຄວາມຊັກຊ້າ ແລະ ຢູ່ໃນໄລຍະກ້າວເຂົ້າສູ່ລະດູການຜະລິດເຮັດໃຫ້ເດັກໃນບັນດາກຸ່ມເປົ້າໝາຍໄປວຽກນໍາຜູ້ປົກຄອງເຮັດໃຫ້ເຂົ້າເຖິງໄດ້ຍາກ ລວມເຖິງເສັ້ນທາງການຄົມມະນາຄົມ, ວັດຖຸອຸປະກອນພາຫະນະຍັງຈຳກັດ ແລະ ບໍ່ທັນສາມາດບັນລຸໄດ້ໝົດທຸກເມືອງ ຊຶ່ງໃນຕໍ່ໜ້າຈະຕ້ອງໄດ້ສືບຕໍ່ເອົາໃຈໃສ່ແກ້ໄຂເພື່ອໃຫ້ບັນລຸຕາມຄາດໝາຍທີ່ວາງໄວ້.
 |
ກຸ່ມເປົ້າໝາຍເດັກນ້ອຍລຸ່ມ 5 ປີທີ່ໄດ້ຮັບການຢອດຢາວັກຊິນປ້ອງກັນພະຍາດໂປລີໂອທົ່ວແຂວງມີ 118,158 ກໍລະນີ, ບ້ານເປົ້າໝາຍຢອດຢາ 2,032 ບ້ານ, ຈຸດຢອດວັກຊິນ 2,126 ຈຸດ. ເພື່ອໃຫ້ການຢອດຢາວັກຊິນໂປລີໂອບັນລຸຕາມເປົ້າໝາຍທີ່ວາງໄວ້. ຮຽກຮ້ອງມາຍັງອຳນາດການປົກຄອງ, ປະຊາຊົນຂໍໃຫ້ຊ່ວຍປຸກລະດົມນໍາເອົາລູກ-ຫຼານມາຮັບການຢອດວັກຊິນ, ການຢອດວັກຊິນໂປລີໂອມີຄວາມສຳຄັນໃນການກຳຈັດລຶບລ້າງພະຍາດໂປລີໂອໃຫ້ໝົດໄປຈາກຊຸມຊົນ.
ຂ່າວ: ພູວັນ
ຄໍາເຫັນ