ຂ່າວສານຫວຽດນາມລາຍງານວ່າ: ໃນວັນທີ 26 ຕຸລາ ຜ່ານມາ ທະນາຄານກາງ ສ ເກົາຫຼີ (Bok) ໃຫ້ຮູ້ວ່າ: ການເຕີບໂຕເສດຖະກິດ ຂອງປະເທດ ໃນໄຕມາດທີ 3 ຍັງຄົງຢູ່ໃນລະດັບດຽວກັນກັບໄຕມາດທີ 2 ໃນສະພາບການຟື້ນຕົວຂອງການສົ່ງອອກ ແລະ ການໃຊ້ຈ່າຍສ່ວນຕົວ.
ຂ່າວລະບຸວ່າ: ອີງຕາມຂໍ້ມູນເບື້ອງຕົ້ນຈາກ BoK, ຍອດຜະລິດຕະພັນພາຍໃນ (GDP) ຂອງ ສ ເກົາຫຼີ ໃນໄຕມາດ 3 ເພີ່ມຂຶ້ນ 0,6% ເມື່ອທຽບໃສ່ໄຕມາດກ່ອນ. GDP ຂອງ ສ ເກົາຫຼີ ເພີ່ມຂຶ້ນ 0,6% ໃນໄຕມາດທີ 2 ແລະ 0,3% ໃນໄຕມາດທຳອິດຂອງປີ 2023. ໃນແຕ່ລະປີ, ເສດຖະກິດ ສ ເກົາຫຼີ ໄດ້ເຕີບໂຕ 1,4% ໃນໄຕມາດທີ 3 ພາຍຫຼັງບັນລຸລະດັບເຕີບໂຕ 0,9% ທັງໃນໄຕມາດທີ 1 ແລະ 2. ເສດຖະກິດໃຫຍ່ອັນດັບສີ່ຂອງອາຊີ ພວມຢູ່ໃນເສັ້ນທາງທີ່ຈະຟື້ນຕົວຄືນຫຼັງຈາກການຫຼຸດລົງ 0,3% ໃນໄຕມາດທີ 4 ຂອງປີ 2022.
BoK ຄາດຄະເນວ່າ: ໃນປີນີ້, ການເຕີບໂຕດ້ານເສດຖະກິດຂອງ ສ ເກົາຫຼີ ຈະຢູ່ທີ່ 1,4%, ຕ່ຳກວ່າລະດັບເຕີບໂຕ 2,6% ໃນປີ 2022 ແລະ ອັດຕາການເຕີບໂຕ 4,3% ໃນປີ 2021.
ຄໍາເຫັນ