ນີ້ແມ່ນຂໍ້ສັງເກດໂດຍຫ້ອງການຄົ້ນຄວ້າເສດຖະກິດມະຫາພາກ ອາຊຽນ + 3 (ລວມມີ: ອາຊຽນ, ຈີນ, ຍີ່ປຸ່ນ ແລະ ສ ເກົາຫຼີ, ເອີ້ນຫຍໍ້ວ່າ: AMRO) ໄດ້ຍົກອອກໃນແຈ້ງການຫຼ້າສຸດຕໍ່ສື່ມວນຊົນກ່ຽວກັບທ່າອ່ຽງເສດຖະກິດຂອງ ຫວຽດນາມ.

ທ່ານ ແອນໂທນີ ທານ ນັກຊ່ຽວຊານດ້ານເສດຖະກິດຂອງ AMRO ໃຫ້ຂໍ້ສັງເກດວ່າ: ການເຕີບໂຕຂອງເສດຖະກິດຫວຽດນາມ ໄດ້ຮັບການຄາດຄະເນວ່າຢູ່ໃນລະດັບປະມານ 7.2% ໃນໄລຍະ 2026 – 2027. ຄວາມຕ້ອງການພາຍໃນປະເທດໄດ້ຮັບການຄາດຄະເນຍັງຈະເປັນປົກກະຕິ, ໂດຍບັນດານະໂຍບາຍພວມໄດ້ຮັບການຜັນຂະຫຍາຍໜູນຊ່ວຍ. AMRO ໃຫ້ຂໍ້ສັງເກດວ່າ, ມາຮອດປັດຈຸບັນໄພເງິນເຟີ້ຂອງ ຫວຽດນາມ ຍັງໄດ້ຮັບການຄວບຄຸມ ແລະ ຮັກສາໃນລະດັບຕ່ຳກວ່າລະດັບເພດານການເຄື່ອນໄຫວຂອງລັດຖະບານແມ່ນ 4,5%. ເຖິງຢ່າງໃດກໍຕາມ, ຄວາມເຄັ່ງຕຶງຢູ່ ຕາເວັນອອກກາງ ນັບແຕ່ວັນທີ 28 ກຸມພາ ເປັນຕົ້ນ ໄດ້ເຮັດໃຫ້ລາຄາພະລັງງານທົ່ວໂລກເພີ່ມຂຶ້ນສູງ ແລະ ເຮັດໃຫ້ລາຄາເຊື້ອໄຟຂາຍຍ່ອຍຢູ່ຫວຽດນາມ ເພີ່ມຂຶ້ນຢ່າງແຮງໃນຕົ້ນເດືອນມີນາ.