ການສົ່ງອອກສິນຄ້າເອເລັກໂຕຣນິກເພີ່ມຂຶ້ນພຽງແຕ່ 1.7% ໃນເດືອນພຶດສະພາ ເມື່ອປຽບທຽບປີຕໍ່ປີ ຊຶ່ງຫຼຸດລົງຢ່າງຫຼວງຫຼາຍຈາກທີ່ເຄີຍເພີ່ມຂຶ້ນເຖິງ 23.4% ໃນເດືອນເມສາ. ໂດຍມີສິນຄ້າທີ່ສໍາຄັນທີ່ຊ່ວຍສະໜັບສະໜູນໂຕເລກດັ່ງກ່າວຄື: ແຜງວົງຈອນລວມ (IC) ເພີ່ມຂຶ້ນ 4.3%, ຄອມພິວເຕີສ່ວນບຸກຄົນ (PC) ເພີ່ມຂຶ້ນ 50.9% ແລະ ສິນຄ້າ ເອເລັກໂຕຣນິກ ສຳລັບຜູ້ບໍລິໂພກເພີ່ມຂຶ້ນ 49%.
ໃນທາງກົງກັນຂ້າມ, ການສົ່ງອອກສິນຄ້າທີ່ບໍ່ແມ່ນເອເລັກໂຕຣນິກ ຫຼຸດລົງເຖິງ 5.3% ໃນເດືອນພຶດສະພາ ເມື່ອປຽບທຽບປີຕໍ່ປີ. ປີ້ນກັບຈາກເດືອນກ່ອນໜ້າທີ່ຂະຫຍາຍຕົວ 9.3%, ໂດຍກຸ່ມສິນຄ້າທີ່ປະສົບກັບການຫຼຸດລົງທີ່ໃຫຍ່ທີ່ສຸດແມ່ນປິໂຕຣເຄມີ ຫຼຸດລົງ 17.8%, ຄໍາທີ່ບໍ່ແມ່ນທຶນສຳຮອງ ຫຼຸດລົງ 25.9% ແລະ ເຄື່ອງຈັກສະເພາະດ້ານໃດດ້ານໜຶ່ງເປັນພິເສດ ຫຼຸດລົງ 11,7%.
ບົດລາຍງານກ່າວວ່າ: NODX ໄປຍັງ ສະຫະລັດ ອາເມຣິກາ, ໄທ ແລະ ມາເລເຊຍ ຫຼຸດລົງ 20.6%, 17%, ແລະ 7.6%, ຕາມລໍາດັບ, ໃນຂະນະທີ່ NODX ໄປຍັງແຄວ້ນໄຕ້ຫວັນ, ອິນໂດເນເຊຍ, ສ ເກົາຫຼີ ແລະ ຮົງກົງ (ຈີນ) ຍັງສືບຕໍ່ເຕີບໂຕ.
ດ້ານການສົ່ງອອກທີ່ບໍ່ແມ່ນນໍ້າມັນ (NORX) ຊຶ່ງເປັນສິນຄ້າທີ່ນໍາເຂົ້າມາເພື່ອສົ່ງອອກຕໍ່ໄປປະເທດອື່ນໆ, ຂະຫຍາຍຕົວ 16.1% ໃນເດືອນພຶດສະພາ, ຫຼຸດລົງຈາກ 39.3% ໃນເດືອນເມສາ.
ການຄ້າທັງໝົດ (Total Trade) ເພີ່ມຂຶ້ນເລັກໜ້ອຍ 1% ໃນເດືອນພຶດສະພາ, ໂດຍການສົ່ງອອກທັງໝົດເພີ່ມຂຶ້ນ 2.5%, ຂະນະທີ່ການນຳເຂົ້າທັງໝົດໄດ້ຫຼຸດລົງ 0.5%.
ຄໍາເຫັນ