ທ່ານ ຫວາງຢີ້ ໄດ້ສະເໜີ 5 ຂໍ້ກ່ຽວກັບການສົ່ງເສີມພາລະກິດສິດທິມະນຸດສາກົນໃຫ້ພັດທະນາຢ່າງປອດໃສ ຄື: ໜຶ່ງ, ປະຕິບັດຕາມຫຼັກການຄວາມສະເໝີພາບດ້ານອະທິປະໄຕ ແລະ ຮັກສາອຸດົມການດັ້ງເດີມໃນການຄຸ້ມຄອງສິດທິມະນຸດທົ່ວໂລກ. ສອງ, ປະຕິບັດຕາມກົດໝາຍສາກົນ ແລະ ຮັດແໜ້ນພື້ນຖານແຫ່ງການຄຸ້ມຄອງສິດທິມະນຸດທົ່ວໂລກ. ສາມ, ປະຕິບັດຕາມລັດທິຫຼາຍຝ່າຍ, ແກ້ໄຂສິ່ງທ້າທາຍໃນການຄຸ້ມຄອງສິດທິມະນຸດທົ່ວໂລກ. ສີ່, ສົ່ງເສີມແນວທາງທີ່ຖືຄົນເປັນກົກ ແລະ ເພີ່ມເນື້ອໃນຂອງການຄຸ້ມຄອງສິດທິມະນຸດທົ່ວໂລກ. ຫ້າ, ເນັ້ນໜັກເຖິງແນວທາງທີ່ມຸ່ງເນັ້ນການປະຕິບັດຕົວຈິງ ແລະ ຍົກສູງປະສິດທິພາບ ແລະ ປະສິດທິຜົນໃນການຄຸ້ມຄອງສິດທິມະນຸດທົ່ວໂລກ. ຈີນຍິນດີປະສານງານການເຄື່ອນໄຫວກັບປະຊາຄົມໂລກ ເພື່ອຮ່ວມກັນສ້າງສະພາບໃໝ່ຂອງພາລະກິດສິດທິມະນຸດທົ່ວໂລກ.
ທ່ານ ຫວາງຢີ້ ເນັ້ນໜັກວ່າ, ຈີນຍິນດີຮ່ວມກັບປະເທດຕ່າງໆເພື່ອສົ່ງເສີມຄ່ານິຍົມຮ່ວມຂອງມວນມະນຸດ, ເກາະແຂນກັນສ້າງປະຊາຄົມຮ່ວມຊາຕາກຳຂອງມວນມະນຸດ, ເຮັດໃຫ້ການພັດທະນາ ແລະ ຄວາມກ້າວໜ້າສີວິໄລດ້ານສິດທິມະນຸດສ້າງຜົນປະໂຫຍດໃຫ້ແກ່ທົ່ວໂລກ.
ຄໍາເຫັນ