ການເຄື່ອນໄຫວດັ່ງກ່າວມີຂຶ້ນໃນຂະນະທີ່ບັນດາບໍລິສັດຜະລິດລົດຍົນຂອງຍີ່ປຸ່ນຫຼາຍແຫ່ງສືບຕໍ່ປະເຊີນໜ້າກັບຄວາມກົດດັນຈາກການເກັບພາສີຂອງ ທ່ານ ໂດໂນ ທຣໍາ ປະທານາທິບໍດີ ສະຫະລັດ ອາເມຣິກາ ຕໍ່ພາຫະນະ ແລະ ຊິ້ນສ່ວນທີ່ນຳເຂົ້າ.
ທ່ານ ໂນບຸ ສຸນາງະ ໂຄສົກຂອງ ໂຕໂຍຕ້າ ເປີດເຜີຍໃນວັນທີ 21 ມິຖຸນາ ຜ່ານມາວ່າ: ລົດບາງລຸ້ນພາຍໃຕ້ຍີ່ຫໍ້ Toyota ແລະ Lexus ຈະປັບລາຄາເພີ່ມຂຶ້ນໂດຍສະເລ່ຍຢູ່ທີ່ 270 ໂດລາ ແລະ 208 ໂດລາ ຕາມລໍາດັບ. ທ່ານ ໂນບຸ ສຸນາງະ ໄດ້ອະທິບາຍຕື່ມວ່າ: ການປັບລາຄາຄັ້ງນີ້ແມ່ນສ່ວນໜຶ່ງຂອງຂະບວນການທົບທວນຕາມປົກກະຕິ ໂດຍຄໍານຶງເຖິງຕະຫຼາດ ແລະ ປັດໄຈການແຂ່ງຂັນ.
ທັງນີ້, ການຂຶ້ນລາຄາຂອງໂຕໂຍຕ້າ ມີຂຶ້ນບໍ່ດົນຫຼັງຈາກ Mitsubishi Motors ປະກາດວ່າຈະຂຶ້ນລາຄາລົດຍົນສາມລຸ້ນ ໃນຕະຫຼາດສະຫະລັດ ອາເມຣິກາ ໃນເດືອນມິຖຸນານີ້, ໂດຍໃຫ້ເຫດຜົນວ່າເປັນການສະທ້ອນໃຫ້ເຫັນເຖິງອັດຕາເງິນເຟີ້ທີ່ສ້າງຄວາມກົດດັນຕໍ່ຕົ້ນທຶນການຜະລິດ.
ຄໍາເຫັນ