ໂດຍ: ວັນເພັງ
ສັກວັກຊິນປ້ອງກັນໂຄວິດ-19 ມີຄວາມປອດໄພ ສຳລັບທຸກຄົນ ເປັນຕົ້ນກຸ່ມຄົນທີ່ມີຄວາມ ສ່ຽງ, ຜູ້ທີ່ມີພະຍາດຊໍາເຮື້ອຕ່າງໆ ແລະ ກຸ່ມຄົນທີ່ມີອາຍຸ 5 ປີຂຶ້ນໄປ ຕ້ອງໄດ້ຮັບວັກຊິນປ້ອງກັນພະຍາດດັ່ງກ່າວ ເນື່ອງຈາກວ່າວັກຊິນຍັງມີປະສິດທິພາບ ແລະ ປະສິດທິຜົນ. ເມື່ອໄດ້ສັກວັກຊິນປ້ອງກັນພະຍາດດັ່ງກ່າວແລ້ວຈະຊ່ວຍໃຫ້ບໍ່ເຈັບເປັນຮຸນແຮງ ແລະ ເສຍຊີວິດ.
ທ່ານ ກອງໄຊ ພູນແພງຮັກ ຫົວໜ້າຂະແໜງກັນພະຍາດດ້ວຍວັກຊິນ ກະຊວງສາທາລະນະສຸກ ໄດ້ເປີດເຜີຍໃຫ້ຮູ້ວ່າ: ປັດຈຸບັນ ສປປ ລາວ ເຖິງແມ່ນວ່າການລະບາດຂອງພະຍາດໂຄວິດ-19 ໄດ້ຫຼຸດລົງຫຼາຍແລ້ວ ການສັກວັກຊິນປ້ອງກັນໂຄວິດ-19 ຍັງມີຄວາມຈຳເປັນ ໂດຍສະເພາະກຸ່ມຄົນທີ່ມີເປົ້າໝາຍ ອາຍຸແຕ່ 5 ປີ ຂຶ້ນໄປ ຕ້ອງໄດ້ສັກວັກຊິນປ້ອງກັນພະຍາດດັ່ງກ່າວ. ໃນນັ້ນ, ກຸ່ມຄົນທີ່ມີຄວາມສ່ຽງເຊັ່ນ: ຜູ້ທີ່ເປັນພະຍາດເບົາຫວານ, ພະຍາດຫົວໃຈ, ຄວາມດັນເລືອດສູງ, ເປັນມະເຮັງ, ເປັນພະຍາດ HIV, ພະຍາດເອດ, ພະຍາດວັນນະໂຣກ, ຜູ້ສູງອາຍຸ, ແມ່ຍິງຖືພາ, ຄົນພິການ ເປັນຕົ້ນ ຊຶ່ງກຸ່ມຄົນດັ່ງກ່າວ ຖ້າຫາກຕິດພະຍາດໂຄວິດ-19 ແລ້ວ ຈະມີໂອກາດເຈັບເປັນຮຸນແຮງ ແລະ ເສຍຊີວິດສູງກ່ວາຄົນທົ່ວໄປ. ສະນັ້ນ, ຈໍາເປັນຕ້ອງໄດ້ສັກວັກຊິນປ້ອງກັນໂຄວິດ-19.
ສຳລັບການສັກວັກຊິນປ້ອງກັນໂຄວິດ-19 ມີກຸ່ມຄົນຈໍານວນໜຶ່ງຍັງກັງວົນໃຈ, ລັ່ງເລຍ້ອນຄິດວ່າເມື່ອສັກວັກຊິນເຂົ້າໄປຈະເປັນອັນຕະລາຍຕໍ່ສຸຂະພາບ ຫຼື ເສຍສຸຂະພາບ. ພ້ອມນັ້ນ, ແມ່ຍິງຖືພາບາງຄົນກໍຄິດວ່າຈະມີຜົນກະທົບຕໍ່ລູກນ້ອຍໃນທ້ອງ ແລະ ອື່ນໆ.
ຕາມຫຼັກວິທະຍາສາດ ແລະ ການຢັ້ງຢືນຈາກອົງການອະນາໄມໂລກໃຫ້ຮູ້ວ່າ: ແມ່ຍິງຖືພາທີ່ທີ່ໄດ້ຮັບວັກຊິນ ແມ່ນຈະເປັນການດີ ເພາະວ່າຖ້າແມ່ຍິງຖືພາຫາກຕິດພະຍາດໂຄວິດ-19 ຈະມີໂອ ກາດລຸລູກ, ມີຄວາມສ່ຽງເຈັບເປັນ ແລະ ເສຍຊີວິດກວ່າຄົນທົ່ວໄປ. ດັ່ງນັ້ນ, ການສັກວັກຊິນຈະຊ່ວຍໃຫ້ແມ່ ແລະ ລູກນ້ອຍໃນທ້ອງມີຄວາມປອດໄພ. ພ້ອມນັ້ນ, ຜູ້ສູງອາຍຸເທົ່າໃດຍິ່ງມີພູມຄຸ້ມກັນຕໍ່າ ຈຶ່ງສ່ຽງຕໍ່ການຕິດເຊື້ອພະຍາດໂຄວິດ-19 ແລະ ພະຍາດອື່ນໆ ຈໍາເປັນຕ້ອງໄດ້ສັກວັກຊິນປ້ອງກັນພະ ຍາດດັ່ງກ່າວ. ໃນນັ້ນ, ຜູ້ທີ່ມີພະຍາດຊຶມເຊື້ອ ໂດຍສະເພາະຜູ້ທີ່ເປັນພະຍາດວັນນະໂຣກ, ເປັນພະຍາດເອດ, ພະຍາດ HIV ກຸ່ມຄົນດັ່ງກ່າວ ມີຄວາມສ່ຽງສູງ ຖ້າຫາກວ່າຕິດພະຍາດໂຄວິດ-19 ຈະເຈັບເປັນຮຸນແຮງ ແລະ ເສຍຊີວິດໄດ້ ກວ່າຄົນປົກກະຕິທົ່ວໄປເຊັ່ນກັນ. ວັກຊິນປ້ອງກັນໂຄວິດ-19 ມີຄວາມປອດໄພສູງ. ເພາະວ່າວັກຊິນດັ່ງກ່າວ ເປັນວັກຊິນທີ່ມີເຊື້ອຕາຍບໍ່ແມ່ນວັກຊິນເຊື້ອເປັນ. ສະນັ້ນ, ທຸກຄົນສາມາດສັກໄດ້ ຈະບໍ່ມີຜົນກະທົບໃດໆຕໍ່ສຸຂະພາບ.
ທ່ານ ກອງໄຊ ພູນແພງຮັກ ໃຫ້ຮູ້ຕື່ມວ່າ: ປັດຈຸບັນລັດຖະບານ ມີວັກຊິນພຽງພໍໃຫ້ການບໍລິການແກ່ກຸ່ມເປົ້າໝາຍດັ່ງກ່າວ, ຖ້າຫາກທ່ານບໍ່ມີຄວາມໝັ້ນໃຈຈະໄປຮັບວັກຊິນ ຫຼື ຍັງມີຄວາມກັງວົນໃຈ ສາມາດເຂົ້າໄປປຶກສາແພດໝໍ ຫຼື ສາທາລະນະສຸກກ່ອນ ເພື່ອຈະໄດ້ຮັບການແນະນໍາທີ່ດີຈາກແພດໝໍ ແລະ ໄດ້ຮັບວັກຊິນທີ່ຖືກຕ້ອງ, ປອດໄພຕໍ່ສຸຂະພາບ. ໃນນັ້ນ, ຝາກເຖິງພໍ່ແມ່ຜູ້ປົກຄອງຫາກມີລູກຫຼານ ຫຼື ພໍ່ແມ່ທີ່ເປັນຄົນພິການ ບໍ່ໃຫ້ເປັນຫວ່ງ ແລະ ກັງວົນໃຈ ເວລາໄດ້ຮັບວັກຊິນແລ້ວຈະເປັນອັນຕະລາຍຕໍ່ສຸຂະພາບ ວັກຊິນປ້ອງກັນພະຍາດໂຄວິດ-19 ມີຄວາມປອດໄພ ສໍາລັບທຸກຄົນສາມາດເຂົ້າເຖິງໄດ້. ປັດຈຸບັນກຸ່ມຄົນດັ່ງກ່າວສາມາດເຂົ້າໄປຮັບວັກຊິນປ້ອງກັນພະຍາດໂຄວິດ-19 ໄດ້ໃນສະຖານທີໃຫ້ບໍລິການເຊັ່ນ: ໂຮງໝໍເມືອງ, ໂຮງໝໍແຂວງ, ສູນກາງ ຕາມໂມງລັດຖະການ.
(ຂໍ້ມູນ: ສູນຂ່າວສານການແພດ ກະຊວງສາທາ)
ສັກວັກຊິນປ້ອງກັນໂຄວິດ-19 ມີຄວາມປອດໄພ ສຳລັບທຸກຄົນ ເປັນຕົ້ນກຸ່ມຄົນທີ່ມີຄວາມ ສ່ຽງ, ຜູ້ທີ່ມີພະຍາດຊໍາເຮື້ອຕ່າງໆ ແລະ ກຸ່ມຄົນທີ່ມີອາຍຸ 5 ປີຂຶ້ນໄປ ຕ້ອງໄດ້ຮັບວັກຊິນປ້ອງກັນພະຍາດດັ່ງກ່າວ ເນື່ອງຈາກວ່າວັກຊິນຍັງມີປະສິດທິພາບ ແລະ ປະສິດທິຜົນ. ເມື່ອໄດ້ສັກວັກຊິນປ້ອງກັນພະຍາດດັ່ງກ່າວແລ້ວຈະຊ່ວຍໃຫ້ບໍ່ເຈັບເປັນຮຸນແຮງ ແລະ ເສຍຊີວິດ.
ທ່ານ ກອງໄຊ ພູນແພງຮັກ ຫົວໜ້າຂະແໜງກັນພະຍາດດ້ວຍວັກຊິນ ກະຊວງສາທາລະນະສຸກ ໄດ້ເປີດເຜີຍໃຫ້ຮູ້ວ່າ: ປັດຈຸບັນ ສປປ ລາວ ເຖິງແມ່ນວ່າການລະບາດຂອງພະຍາດໂຄວິດ-19 ໄດ້ຫຼຸດລົງຫຼາຍແລ້ວ ການສັກວັກຊິນປ້ອງກັນໂຄວິດ-19 ຍັງມີຄວາມຈຳເປັນ ໂດຍສະເພາະກຸ່ມຄົນທີ່ມີເປົ້າໝາຍ ອາຍຸແຕ່ 5 ປີ ຂຶ້ນໄປ ຕ້ອງໄດ້ສັກວັກຊິນປ້ອງກັນພະຍາດດັ່ງກ່າວ. ໃນນັ້ນ, ກຸ່ມຄົນທີ່ມີຄວາມສ່ຽງເຊັ່ນ: ຜູ້ທີ່ເປັນພະຍາດເບົາຫວານ, ພະຍາດຫົວໃຈ, ຄວາມດັນເລືອດສູງ, ເປັນມະເຮັງ, ເປັນພະຍາດ HIV, ພະຍາດເອດ, ພະຍາດວັນນະໂຣກ, ຜູ້ສູງອາຍຸ, ແມ່ຍິງຖືພາ, ຄົນພິການ ເປັນຕົ້ນ ຊຶ່ງກຸ່ມຄົນດັ່ງກ່າວ ຖ້າຫາກຕິດພະຍາດໂຄວິດ-19 ແລ້ວ ຈະມີໂອກາດເຈັບເປັນຮຸນແຮງ ແລະ ເສຍຊີວິດສູງກ່ວາຄົນທົ່ວໄປ. ສະນັ້ນ, ຈໍາເປັນຕ້ອງໄດ້ສັກວັກຊິນປ້ອງກັນໂຄວິດ-19.
ສຳລັບການສັກວັກຊິນປ້ອງກັນໂຄວິດ-19 ມີກຸ່ມຄົນຈໍານວນໜຶ່ງຍັງກັງວົນໃຈ, ລັ່ງເລຍ້ອນຄິດວ່າເມື່ອສັກວັກຊິນເຂົ້າໄປຈະເປັນອັນຕະລາຍຕໍ່ສຸຂະພາບ ຫຼື ເສຍສຸຂະພາບ. ພ້ອມນັ້ນ, ແມ່ຍິງຖືພາບາງຄົນກໍຄິດວ່າຈະມີຜົນກະທົບຕໍ່ລູກນ້ອຍໃນທ້ອງ ແລະ ອື່ນໆ.
ຕາມຫຼັກວິທະຍາສາດ ແລະ ການຢັ້ງຢືນຈາກອົງການອະນາໄມໂລກໃຫ້ຮູ້ວ່າ: ແມ່ຍິງຖືພາທີ່ທີ່ໄດ້ຮັບວັກຊິນ ແມ່ນຈະເປັນການດີ ເພາະວ່າຖ້າແມ່ຍິງຖືພາຫາກຕິດພະຍາດໂຄວິດ-19 ຈະມີໂອ ກາດລຸລູກ, ມີຄວາມສ່ຽງເຈັບເປັນ ແລະ ເສຍຊີວິດກວ່າຄົນທົ່ວໄປ. ດັ່ງນັ້ນ, ການສັກວັກຊິນຈະຊ່ວຍໃຫ້ແມ່ ແລະ ລູກນ້ອຍໃນທ້ອງມີຄວາມປອດໄພ. ພ້ອມນັ້ນ, ຜູ້ສູງອາຍຸເທົ່າໃດຍິ່ງມີພູມຄຸ້ມກັນຕໍ່າ ຈຶ່ງສ່ຽງຕໍ່ການຕິດເຊື້ອພະຍາດໂຄວິດ-19 ແລະ ພະຍາດອື່ນໆ ຈໍາເປັນຕ້ອງໄດ້ສັກວັກຊິນປ້ອງກັນພະ ຍາດດັ່ງກ່າວ. ໃນນັ້ນ, ຜູ້ທີ່ມີພະຍາດຊຶມເຊື້ອ ໂດຍສະເພາະຜູ້ທີ່ເປັນພະຍາດວັນນະໂຣກ, ເປັນພະຍາດເອດ, ພະຍາດ HIV ກຸ່ມຄົນດັ່ງກ່າວ ມີຄວາມສ່ຽງສູງ ຖ້າຫາກວ່າຕິດພະຍາດໂຄວິດ-19 ຈະເຈັບເປັນຮຸນແຮງ ແລະ ເສຍຊີວິດໄດ້ ກວ່າຄົນປົກກະຕິທົ່ວໄປເຊັ່ນກັນ. ວັກຊິນປ້ອງກັນໂຄວິດ-19 ມີຄວາມປອດໄພສູງ. ເພາະວ່າວັກຊິນດັ່ງກ່າວ ເປັນວັກຊິນທີ່ມີເຊື້ອຕາຍບໍ່ແມ່ນວັກຊິນເຊື້ອເປັນ. ສະນັ້ນ, ທຸກຄົນສາມາດສັກໄດ້ ຈະບໍ່ມີຜົນກະທົບໃດໆຕໍ່ສຸຂະພາບ.
ທ່ານ ກອງໄຊ ພູນແພງຮັກ ໃຫ້ຮູ້ຕື່ມວ່າ: ປັດຈຸບັນລັດຖະບານ ມີວັກຊິນພຽງພໍໃຫ້ການບໍລິການແກ່ກຸ່ມເປົ້າໝາຍດັ່ງກ່າວ, ຖ້າຫາກທ່ານບໍ່ມີຄວາມໝັ້ນໃຈຈະໄປຮັບວັກຊິນ ຫຼື ຍັງມີຄວາມກັງວົນໃຈ ສາມາດເຂົ້າໄປປຶກສາແພດໝໍ ຫຼື ສາທາລະນະສຸກກ່ອນ ເພື່ອຈະໄດ້ຮັບການແນະນໍາທີ່ດີຈາກແພດໝໍ ແລະ ໄດ້ຮັບວັກຊິນທີ່ຖືກຕ້ອງ, ປອດໄພຕໍ່ສຸຂະພາບ. ໃນນັ້ນ, ຝາກເຖິງພໍ່ແມ່ຜູ້ປົກຄອງຫາກມີລູກຫຼານ ຫຼື ພໍ່ແມ່ທີ່ເປັນຄົນພິການ ບໍ່ໃຫ້ເປັນຫວ່ງ ແລະ ກັງວົນໃຈ ເວລາໄດ້ຮັບວັກຊິນແລ້ວຈະເປັນອັນຕະລາຍຕໍ່ສຸຂະພາບ ວັກຊິນປ້ອງກັນພະຍາດໂຄວິດ-19 ມີຄວາມປອດໄພ ສໍາລັບທຸກຄົນສາມາດເຂົ້າເຖິງໄດ້. ປັດຈຸບັນກຸ່ມຄົນດັ່ງກ່າວສາມາດເຂົ້າໄປຮັບວັກຊິນປ້ອງກັນພະຍາດໂຄວິດ-19 ໄດ້ໃນສະຖານທີໃຫ້ບໍລິການເຊັ່ນ: ໂຮງໝໍເມືອງ, ໂຮງໝໍແຂວງ, ສູນກາງ ຕາມໂມງລັດຖະການ.
(ຂໍ້ມູນ: ສູນຂ່າວສານການແພດ ກະຊວງສາທາ)
ຄໍາເຫັນ