ໃນໂອກາດທີ່ສະຖານະການສາກົນມີການຜັນແປຢ່າງສັບສົນ, ວົງການຕ່າງໆຂອງອາເມຣິກາໃຫ້ຄວາມສົນໃຈເປັນຢ່າງສູງຕໍ່ການພົບປະຄັ້ງນີ້, ຫວັງວ່າ ການຕ່າງປະເທດປະມຸກລັດຈະນຳພາການພົວພັນຈີນ-ອາເມຣິກາກ້າວໄປຂ້າງໜ້າຢ່າງໝັ້ນທ່ຽງ, ເພີ່ມຄວາມໝັ້ນທ່ຽງ ແລະ ຄວາມແນ່ນອນຫຼາຍກວ່າເກົ່າເຂົ້າສູ່ໂລກທີ່ເຕັມໄປດ້ວຍຄວາມປັ່ນປ່ວນວຸ້ນວາຍ.
ການພົວພັນຈີນ-ອາເມຣິກາທີ່ໝັ້ນທ່ຽງ ປອດໃສ ແລະ ພັດທະນາແບບຍືນຍົງສອດຄ່ອງກັບຜົນປະໂຫຍດຮ່ວມຂອງສອງປະເທດ ແລະ ຄວາມຄອງຄອຍຂອງປະຊາຄົມໂລກ. ທ່ານ ໂຣເປີດ ໂລເຣນສ ຄຸນ ປະທານກອງທຶນຄຸນອາເມຣິກາ ກ່າວວ່າ: “ການພົວພັນອາເມຣິກາ-ຈີນ ມີຜົນສະທ້ອນອັນໃຫຍ່ຫຼວງຕໍ່ວຽກງານຂອງທົ່ວໂລກ, ການແລກປ່ຽນຂອງປະມຸກລັດສອງປະເທດໄດ້ຮັບຄວາມສົນໃຈຈາກຊາວໂລກ. ການພົບປະລະຫວ່າງປະມຸກລັດສອງປະເທດຈະສົ່ງສັນຍານແຫ່ງຄວາມໝັ້ນທ່ຽງທີ່ລ້ຳຄ່າຕໍ່ທົ່ວໂລກ.”
ຫວ່າງບໍ່ດົນມານີ້, ໜ່ວຍງານອາເມຣິກາ-ຈີນຂອງຄະນະກຳມະການແຫ່ງຊາດວ່າດ້ວຍນະໂຍບາຍການຕ່າງປະເທດອາເມຣິກາລົງພິມບົດຄວາມໂດຍລະບຸວ່າ, ຫວັງວ່າການພົບປະລະຫວ່າງປະມຸກລັດສອງປະເທດອາເມຣິກາ-ຈີນຢູ່ນະຄອນຫຼວງປັກກິ່ງ ຈະສາມາດຊຸກຍູ້ການຮ່ວມມືຕົວຈິງຂອງສອງປະເທດໃນຂົງເຂດເສດຖະກິດການຄ້າ ປັນຍາປະດິດ ແລະ ອື່ນໆ.
ຈີນ ແລະ ອາເມຣິກາເຄີຍຮ່ວມມືກັນໃນຂົງເຂດຕ່າງໆ, ເຊັ່ນ: ຕໍ່ຕ້ານລັດທິກໍ່ການຮ້າຍ, ຮັບມືກັບວິກິດການທາງການເງິນ, ສະກັດກັ້ນການແຜ່ລະບາດຂອງເຊື້ອພະຍາດອີໂບລາ ແລະ ອື່ນໆ, ທັງສະແດງໃຫ້ເຫັນເຖິງອະນາຄົດທີ່ດີໃນການຮ່ວມມືດ້ານການຕໍ່ຕ້ານການເຂົ້າອອກເມືອງແບບຜິດກົດໝາຍ, ການຫຼອກລວງທາງໂທລະຄົມ, ຕ້ານການຟອກເງິນ, ປັນຍາປະດິດ, ຮັບມືກັບການແຜ່ລະບາດຂອງພະຍາດຕິດແປດ ແລະ ອື່ນໆ. ທ່ານ ໄມເຄີນ ໂຟຣມານ ປະທານສະມາຄົມການພົວພັນການຕ່າງປະເທດອາເມຣິກາລົງພິມບົດຄວາມໂດຍລະບຸວ່າ: ເມື່ອອາເມຣິກາ ແລະ ຈີນ ທີ່ເປັນສອງກຸ່ມເສດຖະກິດໃຫຍ່ທີ່ສຸດໃນໂລກຮັກສາການແລກປ່ຽນກັນ, ໂລກຈະມີຄວາມໝັ້ນຄົງຫຼາຍກວ່າເກົ່າ.
ຄໍາເຫັນ