 |
ໃນພິທີ, ທ່ານ ສົມໃຈ ຢ່າທໍ່ຕູ້ ໄດ້ມີຄຳເຫັນວ່າ: ການຈັດຂະບວນການບໍລິຈາກເລືອດຄັ້ງນີ້ ເປັນການສ້າງຂະບວນການ ຕ້ອນຮັບວັນຊາດ ວັນທີ່ 2 ທັນວາ ຄົບຮອບ 50 ປີ, ວັນ້ກີດປະທານໄກສອນພົມວິຫານ ວັນທີ່ 13 ທັນວາ ຄົບຮອບ 105 ປີ ແລະ ວັນສ້າງຕັ້ງກອງເຍົາວະຊົນທັນວາ ທີ່ຈະໝູນວຽນມາຄົບຮອບອີກວາລະໜຶ່ງ. ຂະບວນການນີ້, ເປັນອີກໜຶ່ງກິດຈະກຳທີ່ຄະນະບໍລິຫານງານຊາວໜຸ່ມຈັດຂຶ້ນ. ໃນໂອກາດທີ່ສ້າງຂະບວນການໃຫ້ແກ່ວັນສຳຄັນຂອງພັກ, ຂອງຊາດ ກໍຄືການຂໍ່ານັບຮັບຕ້ອນ ແລະ ຊົມເຊີຍກອງປະຊຸມໃຫຍ່ຂອງພັກແຕ່ລະຂັ້ນ, ພ້ອມນັ້ນ ທ່ານໄດ້ຮຽກຮ້ອງໃຫ້ສະມາຊິກຊາວໜຸ່ມ ພ້ອມກັນປະກອບສ່ວນ ການບໍລິຈາກເລືອດ ເພື່ອຊ່ວຍເຫຼືອຄົນເຈັບທີ່ຕ້ອງການເລືອດ ເຂົ້າໃນການປີ່ນປົວສຸຂະພາບ ຊຶ່ງການບໍລິຈາກເລືອດ ເປັນການທຳບຸນກຸສົນອັນຍິ່ງໃຫຍ່ ເນື່ອງຈາກໄດ້ປະກອບສ່ວນຊ່ວຍເຫຼືອຄົນເຈັບ ທີ່ຕ້ອງການເລືອດ ເພາະເລືອດບໍ່ມີໂຮງງານຜະລິດ ມີແຕ່ການບໍລິຈາກຂອງຄົນໃນສັງຄົມເທົ່ານັ້ນ, ນອກຈາກເປັນການຊ່ວຍເຫຼືອສັງຄົມແລ້ວ ຈະເຮັດໃຫ້ສຸຂະພາບຂອງຜູ້ບໍລິຈາກເລືອດ ມີຄວາມແຂງແຮງ ຕື່ມອີກ.
 |
ເລືອດ ທີ່ໄດ້ຮັບຈາກການບໍລິຈາກໃນຄັ້ງນີ້, ແມ່ນຈະໄດ້ນຳໄປໃສ່ໃຫ້ຄົນເຈັບ ທີ່ຕ້ອງການໃສ່ເລືອດ ຢູ່ບັນດາໂຮງໝໍພາຍໃນແຂວງຫຼວງພະບາງ. ຜ່ານການບໍລິຈາກເລືອກຄັ້ງນີ້, ໄດ້ເລືອດທັງໝົດ 80 ຖົງ.
(ແຫຼ່ງຂ່າວ: ແຂວງຫຼວງພະບາງ)
ຄໍາເຫັນ