 |
ທ່ານ ນາງ ລຳພັນ ໄຊຄຳມີ ຫົວໜ້າພະແນກສາທາລະນະສຸກແຂວງ ໃຫ້ຮູ້ເຖິງການກຳເນີດ, ການເຕີບໃຫຍ່ຂະຫຍາຍຕົວວັນສາທາລະນະສຸກລາວ ໂດຍສະເພາະ ວຽກງານຮັກສາສຸຂະພາບຂອງປະຊາຊົນບັນດາເຜົ່າ ແລະ ການພັດທະນາບຸກຄະລາກອນສາທາລະນະສຸກ. ທັງນີ້, ເພື່ອຈາລຶກບຸນຄຸນຕໍ່ແພດໝໍລາວ ທີ່ໄດ້ອຸທິດສະຕິປັນຍາ ແລະ ເຫື່ອແຮງໃນການປະຕິບັດໜ້າທີ່ປິ່ນປົວ ແລະ ຮັກສາສຸຂະພາບຂອງປະຊາຊົນ. ພ້ອມນີ້, ໃນພິທີ ແພດ-ໝໍ ຍັງໄດ້ຂຶ້ນເລົ່າປະສົບການໃນການປະຕິບັດໜ້າທີ່ຮັກສາສຸຂະພາບຂອງປະຊາຊົນ ພ້ອມປະຕິຍານຕົນຕໍ່ໜ້າທີ່ຮັບຜິດຊອບ.
 |
ໂອກາດນີ້, ທ່ານ ນາງ ສີສະຫງ່າ ແກ້ວດວງດີ ໄດ້ຊີ້ນຳວ່າ: ວັນສາທາລະນະສຸກລາວ ທີ່ໄດ້ຫວນຄືນໃນມື້ນີ້ ຖືເປັນການປູກຈິດສຳນຶກໃຫ້ແພດໝໍຮຸ່ນສືບທອດໄດ້ຮ່ຳຮຽນເອົາແບບຢ່າງອັນດີງາມ ຂອງແພດໝໍຮຸ່ນກ່ອນ ພ້ອມທັງຍົກໃຫ້ເຫັນຄາດໝາຍສູ້ຊົນ ດ້ານວຽກງານສາທາລະນະສຸກທີ່ສູນກາງພັກ ແລະ ຄະນະພັກ-ອົງການປົກຄອງແຂວງເຊກອງ ກໍານົດໄວ້ໃນມະຕິກອງປະຊຸມໃຫຍ່ ຄັ້ງທີ XII ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ Xl ຂອງອົງຄະນະພັກແຂວງ ໂດຍຖືວຽກງານສາທາລະນະສຸກ ເປັນວຽກງານທີ່ສໍາຄັນຕໍ່ການຮັກສາສຸຂະພາບຂອງທຸກຄົນ ແລະ ຮຽກຮ້ອງໃຫ້ການນໍາພະແນກສາທາລະນະສຸກແຂວງ, ໂຮງໝໍແຂວງ, ແລະ ທຸກຂະແໜງການທີ່ກ່ຽວຂ້ອງ ຈົ່ງເອົາໃຈໃສ່ສຶກສາອົບຮົມພະນັກງານແພດໝໍ ໃຫ້ຕັ້ງໜ້າປະຕິບັດໜ້າທີ່ຂອງຕົນ, ອົບຮົມໃຫ້ມີຄວາມຮູ້ຄວາມສາມາດສູງຂຶ້ນ, ມີຈັນຍາບັນຕໍ່ວິຊາຊີບ ແລະ ໃຫ້ມີຄວາມຊຳນານໃນການບໍລິການປິ່ນປົວຄົນເຈັບ.
 |
ຂ່າວ: ອັດສະວິນ
ຄໍາເຫັນ