ເພື່ອອໍານວຍຄວາມສະດວກໃຫ້ແກ່ຜູ້ທີ່ມີປະກັນໄພສຸຂະພາບໂຮງໝໍມິດຕະພາບໄດ້ຈັດພິທີເຊັນສັນຍາວ່າດ້ວຍການບໍລິການທາງການແພດ ແລະ ປິ່ນປົວສຸຂະພາບລະຫວ່າງໂຮງໝໍມິດຕະພາບ ແລະ ບໍລິສັດອາລິອັນສ ປະກັນໄພລາວ ຈຳກັດຂຶ້ນໃນວັນທີ 14 ທັນວານີ້ທີ່ໂຮງໝໍດັ່ງກ່າວ. ຮ່ວມລົງນາມໃນຄັ້ງນີ້ມີທ່ານ ສອນໄຊ ລາດຊະວົງ ຜູ້ອໍານວຍການໂຮງໝໍມິດຕະພາບ ແລະ ທ່ານນາງ ແສງອາລຸນ ອິນມີໄຊ ຮອງຜູ້ອຳນວຍການບໍລິສັດ ອາລິອັນສ ປະກັນໄພລາວ ຈໍາກັດໃຫ້ກຽດເຂົ້າຮ່ວມເປັນສັກຂີພິຍານມີຄະນະອໍານວຍການໂຮງໝໍ, ຄະນະພະແນກການຕ່າງໆ, ພະນັກງານທັງສອງຝ່າຍເຂົ້າຮ່ວມ.
ທ່ານສອນໄຊລາດຊະວົງກ່າວວ່າ: ການເຊັນສັນຍາໃນຄັ້ງນີ້ຈັດຂຶ້ນ ເພື່ອເປັນເຄືອຂ່າຍໂຮງໝໍໃນ ສປປ ລາວ ໂດຍມີຈຸດປະສົ່ງເພື່ອອໍານວຍຄວາມສະດວກສະບາຍໃຫ້ແກ່ຜູ້ທີ່ມີປະກັນໄພສຸຂະພາບສາມາດເຂົ້າປິ່ນປົວໃນໂຮງໝໍ ແລະ ຄຣີນິກຕ່າງໆໂດຍບໍ່ຕ້ອງຈ່າຍເງິນສົດກ່ອນພາຍໃນວົງເງິນຄຸ້ມກັນປະກັນໄພທີ່ໄດ້ຊື້ໄວ້. ບໍລິສັດ ອາລິອັນສ ປະກັນໄພລາວ ຈໍາກັດ ເປັນບໍລິສັດຮ່ວມທຶນລະຫວ່າງລັດຖະບານແຫ່ງສປປ ລາວ ຊຶ່ງຕາງໜ້າລັດຖະບານໂດຍກະຊວງການເງິນຖືຮຸ້ນ 49% ແລະ ບໍລິສັດ ອາລິອັນສ ປະເທດເຢຍລະມັນຖືຮຸ້ນ 51% ເປັນຜູ້ໃຫ້ບໍລິການດ້ານປະກັນໄພ ແລະ ການເງິນຊັ້ນນຳຂອງໂລກ ທັງເປັນບໍລິສັດປະກັນໄພແຫ່ງທໍາອິດທີ່ໃຫ້ບໍລິການດ້ານການປະກັນໄພໃນ ສປປ ລາວ. ມາຮອດປັດຈຸບັນມີປະສົບການມາແລ້ວ 33 ປີໃນການໃຫ້ບໍລິການດ້ານປະກັນ.ປັດຈຸບັນມີໂຮງໝໍ ຫຼືຄຣີນິກທີ່ເປັນເຄືອຂ່າຍຂອງບໍລິສັດຫຼາຍກວ່າ 21 ແຫ່ງໃນສປປ ລາວ.ສຳລັບຜະລິດຕະພັນປະກັນສຸຂະພາບຂອງບໍລິສັດ ອາລິອັນສ ປະກັນໄພລາວໃຫ້ການຄຸ້ມຄອງໃນທົ່ວໂລກ ລູກຄ້າຈະໄດ້ຮັບການຄຸ້ມກັນ ແລະ ທົດແທນຄືນຄ່າປິ່ນປົວທີ່ເກີດຈາກພະຍາດທີ່ເລັກນ້ອຍ ຈົນເຖິງພະຍາດຮ້າຍແຮງສາມາດເຂົ້າຮັບການປິ່ນປົວແບບບໍ່ຕ້ອງຈ່າຍເງິນສົດກ່ອນໃນໂຮງໝໍເຄືອຄ່າຍ ຫຼືກໍລະນີໄປປິ່ນປົວນອກໂຮງໝໍເຄືອຂ່າຍກໍສາມາດນໍາເອົາບິນຢາມາເອົາເງິນທົດແທນຄືນໄດ້.
ທ່ານສອນໄຊລາດຊະວົງກ່າວຕື່ມວ່າ: ໂຮງໝໍມິດຕະພາບເປັນໂຮງໝໍສູນກາງປິ່ນປົວທົ່ວໄປ ໂດຍມີຫຼາຍຂະແໜງການເຊັ່ນ: ລະບົບປະສາດ, ພາຍໃນທົ່ວໄປ, ຊຶມເຊື້ອ-ພະຍາດເຂດຮ້ອນ, ປະສູດ-ພະຍາດຍິງ-ແມ່ ແລະ ເດັກ, ຜ່າຕັດທົ່ວໄປ, ຫູ-ດັງ-ຄໍ-ຕາ ແລະ ຄາງໜ້າ, ທັນຕະກໍາ, ຟື້ນຟູຊີບ, ກວດເຂດນອກ, ສຸກເສີນ, ກາຍະບຳບັດ, ວິເຄາະ, ລັງສີ-ສູນສາຍແສງ ແລະ ຍັງມີວຽກທີ່ເປັນບຸລິມະສິດໃນການລົງເລິກຊ່ຽວຊານໃນລະດັບສູງຂອງສປປ ລາວເປັນຕົ້ນ ຂະແໜງກະທົບ-ຜ່າຕັດກະດູກ, ຜ່າຕັດສະໝອງ-ສັນຫຼັງ, ໄຂ່ຫຼັງທຽມ (ຟອກເລືອດ), ການແພດພື້ນເມືອງ ແລະ ສູນມະເຮັງ. ຜ່ານມາໂຮງໝໍມິດຕະພາບໄດ້ມີການເຊັນສັນຍາຮ່ວມມືການບໍລິການທາງການແພດ ແລະ ປິ່ນປົວສຸຂະພາບມີ:ບໍລິສັດໂຊກໄຊ ປະກັນໄພ, ບໍລິສັດ ພົງສະຫວັນ (ເອພີເອ), ບໍລິສັດ ວຽງຈັນປະກັນໄພ, ບໍລິສັດ ເທບຈະເລີນ ປະກັນໄພ ຈໍາກັດ, ບໍລິສັດ ທິບພະຍະປະກັນໄພ, ບໍລິສັດ ຈົງຈີ ປະກັນໄພ ຈໍາກັດ, ພາກສ່ວນມະຫາວິທະຍາໄລແຫ່ງຊາດ (ໂດຍສະເພາະນັກສຶກສາຕ່າງປະເທດ) ແລະ ພາກສ່ວນກູ້ໄພມູນນິທິຈີນ 1628.
(ຂ່າວ-ພາບ: ວັນເພັງ)
ທ່ານສອນໄຊລາດຊະວົງກ່າວວ່າ: ການເຊັນສັນຍາໃນຄັ້ງນີ້ຈັດຂຶ້ນ ເພື່ອເປັນເຄືອຂ່າຍໂຮງໝໍໃນ ສປປ ລາວ ໂດຍມີຈຸດປະສົ່ງເພື່ອອໍານວຍຄວາມສະດວກສະບາຍໃຫ້ແກ່ຜູ້ທີ່ມີປະກັນໄພສຸຂະພາບສາມາດເຂົ້າປິ່ນປົວໃນໂຮງໝໍ ແລະ ຄຣີນິກຕ່າງໆໂດຍບໍ່ຕ້ອງຈ່າຍເງິນສົດກ່ອນພາຍໃນວົງເງິນຄຸ້ມກັນປະກັນໄພທີ່ໄດ້ຊື້ໄວ້. ບໍລິສັດ ອາລິອັນສ ປະກັນໄພລາວ ຈໍາກັດ ເປັນບໍລິສັດຮ່ວມທຶນລະຫວ່າງລັດຖະບານແຫ່ງສປປ ລາວ ຊຶ່ງຕາງໜ້າລັດຖະບານໂດຍກະຊວງການເງິນຖືຮຸ້ນ 49% ແລະ ບໍລິສັດ ອາລິອັນສ ປະເທດເຢຍລະມັນຖືຮຸ້ນ 51% ເປັນຜູ້ໃຫ້ບໍລິການດ້ານປະກັນໄພ ແລະ ການເງິນຊັ້ນນຳຂອງໂລກ ທັງເປັນບໍລິສັດປະກັນໄພແຫ່ງທໍາອິດທີ່ໃຫ້ບໍລິການດ້ານການປະກັນໄພໃນ ສປປ ລາວ. ມາຮອດປັດຈຸບັນມີປະສົບການມາແລ້ວ 33 ປີໃນການໃຫ້ບໍລິການດ້ານປະກັນ.ປັດຈຸບັນມີໂຮງໝໍ ຫຼືຄຣີນິກທີ່ເປັນເຄືອຂ່າຍຂອງບໍລິສັດຫຼາຍກວ່າ 21 ແຫ່ງໃນສປປ ລາວ.ສຳລັບຜະລິດຕະພັນປະກັນສຸຂະພາບຂອງບໍລິສັດ ອາລິອັນສ ປະກັນໄພລາວໃຫ້ການຄຸ້ມຄອງໃນທົ່ວໂລກ ລູກຄ້າຈະໄດ້ຮັບການຄຸ້ມກັນ ແລະ ທົດແທນຄືນຄ່າປິ່ນປົວທີ່ເກີດຈາກພະຍາດທີ່ເລັກນ້ອຍ ຈົນເຖິງພະຍາດຮ້າຍແຮງສາມາດເຂົ້າຮັບການປິ່ນປົວແບບບໍ່ຕ້ອງຈ່າຍເງິນສົດກ່ອນໃນໂຮງໝໍເຄືອຄ່າຍ ຫຼືກໍລະນີໄປປິ່ນປົວນອກໂຮງໝໍເຄືອຂ່າຍກໍສາມາດນໍາເອົາບິນຢາມາເອົາເງິນທົດແທນຄືນໄດ້.
ທ່ານສອນໄຊລາດຊະວົງກ່າວຕື່ມວ່າ: ໂຮງໝໍມິດຕະພາບເປັນໂຮງໝໍສູນກາງປິ່ນປົວທົ່ວໄປ ໂດຍມີຫຼາຍຂະແໜງການເຊັ່ນ: ລະບົບປະສາດ, ພາຍໃນທົ່ວໄປ, ຊຶມເຊື້ອ-ພະຍາດເຂດຮ້ອນ, ປະສູດ-ພະຍາດຍິງ-ແມ່ ແລະ ເດັກ, ຜ່າຕັດທົ່ວໄປ, ຫູ-ດັງ-ຄໍ-ຕາ ແລະ ຄາງໜ້າ, ທັນຕະກໍາ, ຟື້ນຟູຊີບ, ກວດເຂດນອກ, ສຸກເສີນ, ກາຍະບຳບັດ, ວິເຄາະ, ລັງສີ-ສູນສາຍແສງ ແລະ ຍັງມີວຽກທີ່ເປັນບຸລິມະສິດໃນການລົງເລິກຊ່ຽວຊານໃນລະດັບສູງຂອງສປປ ລາວເປັນຕົ້ນ ຂະແໜງກະທົບ-ຜ່າຕັດກະດູກ, ຜ່າຕັດສະໝອງ-ສັນຫຼັງ, ໄຂ່ຫຼັງທຽມ (ຟອກເລືອດ), ການແພດພື້ນເມືອງ ແລະ ສູນມະເຮັງ. ຜ່ານມາໂຮງໝໍມິດຕະພາບໄດ້ມີການເຊັນສັນຍາຮ່ວມມືການບໍລິການທາງການແພດ ແລະ ປິ່ນປົວສຸຂະພາບມີ:ບໍລິສັດໂຊກໄຊ ປະກັນໄພ, ບໍລິສັດ ພົງສະຫວັນ (ເອພີເອ), ບໍລິສັດ ວຽງຈັນປະກັນໄພ, ບໍລິສັດ ເທບຈະເລີນ ປະກັນໄພ ຈໍາກັດ, ບໍລິສັດ ທິບພະຍະປະກັນໄພ, ບໍລິສັດ ຈົງຈີ ປະກັນໄພ ຈໍາກັດ, ພາກສ່ວນມະຫາວິທະຍາໄລແຫ່ງຊາດ (ໂດຍສະເພາະນັກສຶກສາຕ່າງປະເທດ) ແລະ ພາກສ່ວນກູ້ໄພມູນນິທິຈີນ 1628.
(ຂ່າວ-ພາບ: ວັນເພັງ)
ຄໍາເຫັນ