ປະກອບຄຳເຫັນຕໍ່ບົດລາຍງານຂອງ ທ່ານນາຍົກລັດຖະມົນຕີ

ຄະນະປະຈຳສະພາແຫ່ງຊາດ ສະເໜີຫຼາຍບັນຫາ ໃຫ້ລັດຖະບານເອົາໃຈໃສ່

ຄະນະປະຈຳສະພາແຫ່ງຊາດ ສະເໜີຫຼາຍບັນຫາ ໃຫ້ລັດຖະບານເອົາໃຈໃສ່
ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ໄດ້ຕາງໜ້າຄະນະປະຈຳສະພາແຫ່ງຊາດ ປະກອບຄຳເຫັນຕໍ່ບົດລາຍງານຂອງ ທ່ານນາຍົກລັດຖະມົນຕີ

ກ່ຽວກັບການສະຫຼຸບຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ; ແຜນງົບປະມານແຫ່ງລັດ; ແຜນເງິນຕາປະຈຳປີ 2024 ແລະ ທິດທາງແຜນການປີ 2025 ຕິດພັນກັບວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ວ່າ: ຄະນະປະຈຳສະພາແຫ່ງຊາດ ຊົມເຊີຍ ລັດຖະບານ ຕໍ່ຄວາມພະຍາຍາມໃນການຈັດຕັ້ງປະຕິບັດ ທິດຊີ້ນໍາຂອງກົມການເມືອງ, ຄະນະເລຂາທິການສູນກາງພັກ ໂດຍສະເພາະແມ່ນການປະຕິບັດມະຕິ 04/ກມສພ,ລົງວັນທີ 11 ເມສາ 2024 ວ່າດ້ວຍການສ້າງເສດຖະກິດ ເອກະລາດ ເປັນເຈົ້າຕົນເອງ ໃນໄລຍະໃໝ່ຊຶ່ງເຫັນວ່າ ລັດຖະບານ ສາມາດຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ ແລະ ແຜນເງິນຕາ ໃນ 10 ເດືອນທີ່ຜ່ານມາ, ສາມາດຍາດໄດ້ຜົນສໍາເລັດທີ່ພົ້ນເດັ່ນເປັນຕົ້ນ:

ການເຕີບໂຕເສດຖະກິດ ຂອງລວມຍອດຜະລິດຕະພັນພາຍໃນ (GDP) ຄາດຄະເນໝົດປີຈະປະຕິບັດໄດ້ 4.6% (ມະຕິສະພາແຫ່ງຊາດ 4.5%), ການເຕີບໂຕຂອງບາງຂະແໜງການ ກໍເຫັນວ່າ ມີຄວາມຄືບໜ້າດີ, ສາມາດປະຕິບັດໄດ້ລື່ນຄາດໝາຍທີ່ກຳນົດໃນມະຕິກອງປະຊຸມສະພາແຫ່ງຊາດ;ດ້ານການລົງທຶນ ໄດ້ພິຈາລະນາຮັບຮອງເອົາການປັບປຸງກົດໝາຍວ່າດ້ວຍການສົ່ງເສີມການລົງທຶນ ໃນກອງປະຊຸມສະໄໝສາມັນ ເທື່ອທີ 7 ໃຫ້ສອດຄ່ອງກັບເງື່ອນໄຂຕົວຈິງໃນປັດຈຸບັນຫຼາຍຂຶ້ນ ເພື່ອເປັນການດຶງດູດການລົງທຶນທີ່ຕິດພັນກັບເຂດເສດຖະກິດພິເສດ, ເຂດເສດຖະກິດສະເພາະ, ເຂດນິຄົມອຸດສາຫະກຳ ແລະ ອື່ນໆ, ໃນໄລຍະ 9 ເດືອນຜ່ານມາ ສາມາດດຶງດູດການລົງທຶນໄດ້ 69,110.57 ຕື້ກີບ ລື່ນ ແຜນການ 22%;ການຈັດເກັບລາຍຮັບ 10 ເດືອນ ປະຕິບັດໄດ້ 46.174 ຕື້ກີບ ເທົ່າກັບ 92% ຂອງແຜນການປີ (ເທົ່າກັບ 15.72% ຂອງ GDP) ທຽບໃສ່ໄລຍະດຽວກັນຂອງ ປີ 2023 ເພີ່ມຂຶ້ນ 70.54% (ລາຍຮັບ 32,572 ຕື້ກີບ ໄລຍະ 10 ເດືອນປີ 2023), ອັນພົ້ນເດັ່ນແມ່ນລັດຖະບານ ໄດ້ມອບຄວາມຮັບຜິດຊອບ ໃຫ້ທ້ອງຖິ່ນໃນການເກັບລາຍຮັບຫຼາຍຂຶ້ນ, ເປັນເຈົ້າຕົນເອງຂຶ້ນກວ່າເກົ່າ ເຮັດໃຫ້ທຸກແຂວງ ສາມາດປະຕິບັດລາຍຮັບໄດ້ລື່ນແຜນ ຄາດຄະເນໝົດປີຈະເກີນແຜນ 10% ເປັນເງິນ 5,000 ກວ່າຕື້ກີບ ແລະ ອື່ນອີກ ກໍມີຄວາມຄືບໜ້າ.

ຜ່ານການຕິດຕາມກວດກາ ຂອງຄະນະປະຈຳສະພາແຫ່ງຊາດ ແລະ ຄະນະສະມາຊິກສະພາແຫ່ງຊາດ ປະຈຳເຂດເລືອກຕັ້ງເຫັນວ່າ ມີບາງຄາດໝາຍມີຄວາມຄືບໜ້າຊ້າ ແລະ ຈະຕ້ອງໄດ້ເອົາໃຈໃສ່ແກ້ໄຂໃນຕໍ່ໜ້າດັ່ງນີ້:

1. ການຈັດຕັ້ງປະຕິບັດຄາດໝາຍວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ເປັນຕົ້ນການແກ້ໄຂໜີ້ສິນພາຍໃນ ແລະ ຕ່າງປະເທດ ຍັງບໍ່ທັນບັນລຸໄດ້ຕາມຄາດໝາຍ;ການປະຕິບັດຄາດໝາຍອັດຕາເງິນເຟີ້ສະເລ່ຍ 10 ເດືອນ ຢູ່ໃນລະດັບ 24.4% ເຫັນວ່າຍັງສູງ (ມະຕິສະພາແຫ່ງຊາດ ຄວບຄຸມໃຫ້ຢູ່ໃນລະດັບບໍ່ເກີນ 9%);

2). ການປະຕິບັດນະໂຍບາຍການຜະລິດສິນຄ້າ ແລະ ການບໍລິການ ເພື່ອທົດແທນການນໍາເຂົ້າ ແລະຜະລິດເພື່ອສົ່ງອອກ ຕິດພັນກັບການປັບປຸງວິສາຫະກິດລັດ ແລະ ກຸ່ມການຜະລິດຕ່າງໆ ຍັງບໍ່ທັນ

ເປັນຂະບວນທີ່ແຂງແຮງ ແລະ ມີຜົນສໍາເລັດທີ່ພົ້ນເດັ່ນ, ການຜະລິດກະສິກຳ ແລະ ປັດໄຈການ

ຜະລິດຍັງ ບໍ່ທັນເຂັ້ມແຂງ ແລະ ບໍ່ສາມາດຕອບສະໜອງ ຄວາມຕ້ອງການຕົວຈິງ, ຍັງມີການນໍາເຂົ້າ

ຈໍານວນຫຼາຍ; ການພັດທະນາລະບົບຊົນລະປະທານ ທີ່ເປັນບຸລິມະສິດຂອງລັດຖະບານ ຍັງບໍ່ທັນ

ເຮັດໄດ້ດີເທົ່າທີ່ຄວນ; ການກຳນົດໂຄງປະກອບ ແລະ ປະເພດສິນຄ້າທີ່ສາມາດຜະລິດໄດ້ຢູ່ພາຍໃນ

ເພື່ອທົດແທນການນໍາເຂົ້າ ຍັງບໍ່ທັນສາມາດຮັບປະກັນການດຸ່ນດ່ຽງການນໍາເຂົ້າ;ການປຸງແຕ່ງຜະລິດຕະພັນກະສິກຳ ແລະ ອຸດສາຫະກຳ ຍັງບໍ່ທັນຫັນເປັນທັນສະໄໝ ແລະ ການສ້າງຕັ້ງກອງທຶນນໍ້າມັນເຊື້ອໄຟ ຍັງບໍ່ທັນສາມາດຈັດຕັ້ງປະຕິບັດໄດ້;

3). ການປະຕິບັດແຜນລົງທຶນຂອງລັດ ປະຕິບັດໄດ້ພຽງ 71% ຂອງແຜນການ, ການລະດົມທຶນ ຊ່ວຍເຫຼືອທາງການ ເພື່ອການພັດທະນາປະຕິບັດໄດ້ 58%, ການນໍາໃຊ້ກອງທຶນທາງເພື່ອສ້ອມແປງ ເສັ້ນທາງຍັງຊັກຊ້າ ບໍ່ທັນປະຕິບັດໄດ້ຕາມແຜນການ, ເຮັດໃຫ້ສະພາບເສັ້ນທາງຍັງສືບຕໍ່ເປ່ເພສ້າງຄວາມຫຍຸ້ງຍາກໃຫ້ແກ່ການຂົນສົ່ງສິນຄ້າ ແລະ ການສັນຈອນຂອງປະຊາຊົນ;

4). ການປະຕິບັດແຜນງົບປະມານແຫ່ງລັດ ເຖິງວ່າການຈັດເກັບລາຍຮັບໄດ້ເກີນແຜນ ແຕ່ເມື່ອທຽບໃສ່ຖານລາຍຮັບ GDP ແມ່ນໄດ້ແຕ່ 15.72% (ລາຍຮັບ 10 ເດືອນ ປະຕິບັດໄດ້ 46,174 ຕື້ກີບ, ມູນຄ່າ GDP 293,786 ຕື້ກີບ), ການສ້າງຖານລາຍຮັບ ຍັງບໍ່ທັນໝັ້ນຄົງ ແລະ ຍືນຍົງ, ການຫັນເປັນທັນສະໄໝໃນການເກັບລາຍຮັບ ແລະ ການຄຸ້ມຄອງລາຍຈ່າຍຍັງມີຄວາມຄືບໜ້າຊ້າ ແລະ ປະຕິບັດບໍ່ທັນໄດ້ທົ່ວເຖິງ, ມີທ່າອ່ຽງກັບໄປນໍາໃຊ້ລະບົບເດີມ, ການຈັດສັນງົບປະມານໃຫ້ແກ່ໂຄງການລົງທຶນ ຂອງລັດ ຍັງມີຄວາມຊັກຊ້າ, ການແກ້ໄຂບັນຫາໜີ້ສິນ ຍັງມີຄວາມຄືບໜ້າໜ້ອຍ;

5). ການປະຕິບັດຄາດໝາຍເງິນຕາ ຍັງສືບຕໍ່ເປັນບັນຫາເຄັ່ງຮ້ອນ ເປັນຕົ້ນອັດຕາເງິນເຟີ້ຍັງຢູ່ໃນລະດັບສູງ 24.4% (ມະຕິສະພາ ບໍ່ເກີນ9%), ອັດຕາແລກປ່ຽນ ເງິນກີບທຽບໃສ່ເງິນໂດລາ ອ່ອນຄ່າສະເລ່ຍ 4.41% (ມະຕິສະພາເໜັງຕີງຢູ່ໃນລະດັບບໍ່ສ້າງແຮງກົດດັນຕໍ່ອັດຕາເງິນເຟີ້), ລາຄາສິນຄ້າ ແລະ ຄັງແຮ ສໍາຮອງເງິນຕາຍັງບໍ່ທັນບັນລຸໄດ້, ການປ່ອຍສິນເຊື່ອທະນາຄານ ໃຫ້ແກ່ປະຊາຊົນຜູ້ທີ່ມີຄວາມຈໍາເປັນ ໃນການທຳການຜະລິດ ແມ່ນຍັງປະຕິບັດໄດ້ໜ້ອຍ;

6). ຂົງເຂດວັດທະນະທໍາ-ສັງຄົມ ຍັງມີ 17 ຄາດໝາຍບໍ່ສາມາດບັນລຸ ແລະ ມີຄວາມຄືບໜ້າຊ້າ ເປັນຕົ້ນ ອັດຕາເຂົ້າຮຽນໃໝ່ລວມຫຼຸດລົງ, ນັກຮຽນປະລະການຮຽນເພີ່ມຂຶ້ນໃນທຸກຊັ້ນທຸກສາຍ; ບັນຫາການຂາດສານອາຫານໃນເດັກຍັງເປັນສິ່ງທ້າທາຍ ເຮັດໃຫ້ອັດຕາເດັກນ້ອຍລຸ່ມ 5 ປີ ມີນໍ້າໜັກ ແລະ ລວງສູງຕໍ່າກວ່າມາດຕະຖານ, ອັດຕາການເກີດລູກມີແພດຊ່ວຍ ແລະ ອັດຕາການໃຫ້ວັກຊິນກັນພະຍາດ

ໃນເດັກ, ການບໍລິຈາກເລືອດ, ການເກັບກວດກູ້ລະເບີດບໍ່ທັນແຕກ ຍັງປະຕິບັດໄດ້ໜ້ອຍ.

ເພື່ອຮັບປະກັນໃຫ້ແກ່ການຈັດຕັ້ງປະຕິບັດຄາດໝາຍດັ່ງກ່າວ ຄະນະປະຈຳສະພາແຫ່ງຊາດສະເໜີໃຫ້ລັດຖະບານ ເອົາໃຈໃສ່ບາງມາດຕະການເພີ່ມເຕີມ ດັ່ງນີ້:

1). ເພີ່ມທະວີຄວາມເອົາໃຈໃສ່ ໃນການຜັນຂະຫຍາຍ ມະຕິຂອງກົມການເມືອງສູນກາງພັກ ສະບັບເລກທີ04/ກມສພ, ລົງວັນທີ 11 ເມສາ 2024 ວ່າດ້ວຍການສ້າງເສດຖະກິດ ເອກະລາດ ເປັນເຈົ້າຕົນເອງ ໃນໄລຍະໃໝ່ ເຂົ້າໃນການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມແຫ່ງຊາດ, ແຜນງົບປະມານ ແຫ່ງລັດ ແລະ ແຜນເງິນຕາ ໂດຍສຸມໃສ່ຂົງເຂດບຸລິມະສິດຂອງການພັດທະນາຊົນນະບົດ ແລະ ແກ້ໄຂ ຄວາມທຸກຍາກ;

2). ສຸມໃສ່ປະຕິບັດຄາດໝາຍຂອງແຜນພັດທະນາເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ ແຜນເງິນຕາ ແລະ ວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ສໍາລັບປີ 2025 ໃຫ້ເປັນບຸລິມະສິດ, ສອດຄ່ອງ, ກົມກຽວ ແລະ ບັນລຸຕາມແຜນການ, ຈັດຕັ້ງປະຕິບັດບັນດາມາດຕະການທີ່ໄດ້ກຳນົດໄວ້ຢ່າງເຂັ້ມງວດ, ໃນນັ້ນ ສະເໜີໃຫ້ລັດຖະບານສຸມໃສ່ແກ້ໄຂບັນຫາທີ່ເຄັ່ງຮ້ອນ ດ້ານເສດຖະກິດ-ສັງຄົມ ທີ່ຍັງຄົງຄ້າງ ແລະ ມີຄວາມຄືບໜ້າໜ້ອຍໃນປີຜ່ານມາ ແລະ ໃນປັດຈຸບັນ ເປັນຕົ້ນ:

1) ສືບຕໍ່ແກ້ໄຂບັນຫາເງິນເຟີ້, ບັນຫາໜີ້ສິນ, ການແກ້ໄຂຜົນກະທົບຈາກໄພນໍ້າຖ້ວມ ແລະ ຄຸ້ມຄອງລາຄາສິນຄ້າທີ່ຈຳເປັນ ໃຫ້ມີສະຖຽນລະພາບ ແລະ ສົມເຫດສົມຜົນ ເປັນຕົ້ນ ອາຫານ, ນໍ້າມັນເຊື້ອໄຟ, ເຄື່ອງອຸປະໂພກ-ບໍລິໂພກ ທີ່ກະທົບຕໍ່ຊີວິດການເປັນຢູ່ຂອງປະຊາຊົນບັນດາເຜົ່າ, ພະນັກງານ- ລັດຖະກອນ, ທະຫານ-ຕຳຫຼວດ ແລະ ເອົາໃຈໃສ່ສືບຕໍ່ຈັດຕັ້ງປະຕິບັດມາດຕະການ ໃຫ້ເປັນລະບົບຄົບຊຸດ ເຂັ້ມງວດ ຢ່າງແຂງແຮງ ຕິດພັນກັບທຸກຂະແໜງການ ຄື: (1) ມາດຕະການທາງດ້ານເງິນຕາ ລວມທັງມາດຕະການ ຕໍ່ອັດຕາແລກປ່ຽນ; (2) ມາດຕະການດ້ານການເງິນ-ງົບປະມານ(3) ມາດຕະການດ້ານການຜະລິດ; (4) ມາດຕະການດ້ານການຄ້າ; (5) ມາດຕະການດ້ານຈິດຕະສາດ-ສັງຄົມ;2) ແກ້ໄຂບັນຫາເຄັ່ງຮ້ອນດ້ານສັງຄົມ ແລະ ເອົາໃຈໃສ່ຈັດຕັ້ງປະຕິບັດບັນດາຄາດໝາຍທີ່ມີຄວາມສ່ຽງບໍ່ທັນບັນລຸ ໂດຍສຸມໃສ່: (1) ສ້າງ ແລະ ປັບປຸງ ກົດໝາຍ ແລະ ນິຕິກຳໃຕ້ກົດໝາຍ ໃຫ້ເປັນລະບົບຄົບຊຸດ; (2) ຍົກສູງຄຸນນະພາບຂອງການສຶກສາ, ສາທາລະນະສຸກ ແລະ ແຮງງານ, ປະເມີນຄືນ ແລະ ປັບປຸງຫຼັກສູດ ຕຳລາການຮຽນ-ການສອນ ເພື່ອໃຫ້ແທດເໝາະກັບສະພາບຄວາມເປັນຈິງ ຂອງເສດຖະກິດ-ສັງຄົມໃນປັດຈຸບັນ; ເອົາໃຈໃສ່ແກ້ໄຂຊີວິດການເປັນຢູ່ຂອງພະນັກງານ- ລັດຖະກອນ ເພື່ອຫຼຸດຜ່ອນຄວາມເລື່ອມລ້ຳໃນສັງຄົມ (3) ເອົາໃຈໃສ່ຝຶກ ແລະ ສ້າງວິຊາຊີບ ໃຫ້ມີຄວາມຫຼາກຫຼາຍ, ຍົກລະດັບສີມືແຮງງານໃຫ້ມີຄວາມຊຳນານງານ, ມີລະບຽບວິໄນ ສາມາດຕອບສະໜອງຄວາມຕ້ອງການຂອງຫົວໜ່ວຍແຮງງານ; (4) ປຸກລະດົມການມີສ່ວນຮ່ວມຂອງສັງຄົມໃນການຊຸກຍູ້ການປະກອບສ່ວນສະສົມທຶນເຂົ້າໃນກອງທຶນຕ່າງໆ ຂອງສັງຄົມ; (5) ເອົາໃຈໃສ່ ພັດທະນາແຫຼ່ງທ່ອງທ່ຽວທາງທຳມະຊາດ, ວັດທະນະທຳ, ປະຫວັດສາດ ແລະ ກະສິກຳ ໃຫ້ໄດ້ມາດຕະຖານ, ສະອາດ, ປອດໄພ; (6) ຄົ້ນຄວ້າ ແລະ ເພີ່ມງົບປະມານເຂົ້າໃສ່ຂົງເຂດ ວັດທະນະທໍາ-ສັງຄົມ ໃຫ້ຫຼາຍຂຶ້ນ ເພື່ອໃຫ້ສົມຄູ່ກັບວຽກງານຕົວຈິງ ແລະ ການພັດທະນາໃນ ປັດຈຸບັນ ແລະ ອີກຫຼາຍບັນຫາ ຕໍ່ຄະນະປະຈຳສະພາແຫ່ງຊາດ ສະເໜີໃຫ້ລັດຖະບານເອົາໃຈໃສ່.

ຄໍາເຫັນ

ຂ່າວການເມືອງ

ຄໍາມ່ວນ ຕິດຕາມການກະກຽມເນື້ອໃນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງ

ຄໍາມ່ວນ ຕິດຕາມການກະກຽມເນື້ອໃນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງ

ກອງປະຊຸມຕິດຕາມຊຸກຍູ້ ການກະກຽມເນື້ອໃນກອງປະຊຸມໃຫຍ່ຄັ້ງທີ XI ອົງຄະນະພັກແຂວງຄໍາມ່ວນໄດ້ຈັດຂຶ້ນໃນວັນທີ 7 ກໍລະກົດຜ່ານມາ ຢູ່ທີ່ຫ້ອງປະຊຸມເຮືອນພັກເລກ 1 ຂອງແຂວງ, ເຂົ້າຮ່ວມໃນກອງປະຊຸມມີສະຫາຍ ແກ້ວອຸດອນ ບຸດສິງຂອນ ກໍາມະການປະຈໍາພັກແຂວງ ຮອງເຈົ້າແຂວງ ຄະນະກໍາມະການຮັບຜິດຊອບວຽກກະກຽມເນື້ອໃນກອງປະຊຸມໃຫຍ່ຄັ້ງທີ XI ອົງຄະນະພັກແຂວງ, ສະຫາຍ ຄໍາຜາ ພິມມະສອນ ຮອງຫົວໜ້າຫ້ອງວ່າການສູນກາງພັກ ຫົວໜ້າຄະນະລົງຊ່ວຍວຽກກະກຽມເນື້ອໃນກອງປະຊຸມໃຫຍ່ຂັ້ນສູງກາງ ແລະ ທ້ອງຖິ່ນ ພ້ອມດ້ວຍຄະນະ.
ຄະນະບໍລິຫານງານພັກແຂວງ ເປີດກອງປະຊຸມຄົບຄະນະຄັ້ງທີ 12 ສະໄໝທີ IX

ຄະນະບໍລິຫານງານພັກແຂວງ ເປີດກອງປະຊຸມຄົບຄະນະຄັ້ງທີ 12 ສະໄໝທີ IX

ໃນວັນທີ 7 ກໍລະກົດນີ້ ທີ່ຫ້ອງປະຊຸມຫ້ອງວ່າການແຂວງອຸດົມໄຊ ໄດ້ເປີດກອງປະຊຸມຄົບຄະນະບໍລິຫານງານພັກແຂວງເປີດກວ້າງ ຄັ້ງທີ 12 ສະໄໝທີ IX ຂຶ້ນ, ໂດຍການເປັນປະທານຂອງ ສະຫາຍ ບຸນຄົງ ຫຼ້າຈຽມພອນ ກໍາມະການສຳຮອງສູນກາງພັກ ເລຂາພັກແຂວງ ເຈົ້າແຂວງອຸດົມໄຊ, ມີບັນດາສະຫາຍຮອງເລຂາພັກແຂວງ, ຄະນະປະຈຳພັກແຂວງ, ກຳມະການພັກແຂວງ, ຄະນະພັກ-ຄະນະບັນຊາການ ປກຊ-ປກສ ແລະ ພາກສ່ວນກ່ຽວຂ້ອງເຂົ້າຮ່ວມ.
ສະຫວັນນະເຂດ ໄຂກອງປະຊຸມຄົບຄະນະບໍລິຫານງານເປີດກວ້າງ ຄັ້ງທີ 19 ສະໄໝມທີ IX

ສະຫວັນນະເຂດ ໄຂກອງປະຊຸມຄົບຄະນະບໍລິຫານງານເປີດກວ້າງ ຄັ້ງທີ 19 ສະໄໝມທີ IX

ກອງປະຊຸມຄົບຄະນະບໍລິຫານງານພັກແຂວງສະຫວັນນະເຂດເປີດກວ້າງ ຄັ້ງທີ 19 ສະໄໝມທີ IX ໄດ້ຈັດຂຶ້ນໃນວັນທີ 7 ກໍລະກົດນີ້ ທີ່ສະໂມສອນຫ້ອງວ່າການແຂວງ ພາຍໃຕ້ການເປັນປະທານຂອງສະຫາຍ ບຸນທອງ ຈິດມະນີ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດ ແຫ່ງ ສປປລາວ, ມີສະຫາຍ ບຸນໂຈມ ອຸບົນປະເສີດ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງສະຫວັນນະເຂດ, ມີສະຫາຍຮອງເລຂາພັກແຂວງ, ຄະນະປະຈໍາພັກແຂວງ, ກຳມະການພັກແຂວງ, ເລຂາຄະນະບໍລິຫານງານພັກເມືອງ-ນະຄອນ, ເລຂາຄະນະພັກກອງບັນຊາການ ປກຊ-ປກສ ແຂວງ ແລະ ພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ.
ແຕ່ງຕັ້ງສະຫາຍ ນາງ ພັນຈິນດາ ເລັ່ງສະຫວັດ ເປັນຮອງປະທານ ສສຍລ

ແຕ່ງຕັ້ງສະຫາຍ ນາງ ພັນຈິນດາ ເລັ່ງສະຫວັດ ເປັນຮອງປະທານ ສສຍລ

ສະຫາຍ ນາງ ພັນຈິນດາ ເລັ່ງສະຫວັດ ຖືກແຕ່ງຕັ້ງເປັນຄະນະບໍລິຫານງານສູນກາງສະຫະພັນແມ່ຍິງລາວ ຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ (ສສຍລ)ຊຶ່ງພິທິປະກາດການແຕ່ງຕັ້ງໄດ້ຈັດຂຶ້ນໃນວັນທີ 7 ກໍລະກົດ ນີ້ ທີ່ສູນກາງສະຫະພັນແມ່ຍິງລາວ. ໂດຍການເຂົ້າຮ່ວມມີ ສະຫາຍ ນາງ ອາລີ ວົງໜໍ່ບຸນທຳ ກຳມະການສູນກາງພັກ ປະທານສູນກາງສະຫະພັນແມ່ຍິງລາວ, ມີບັນດາຄະນະບໍລິຫານງານ ແລະ ພະນັກງານທີ່ກ່ຽວຂ້ອງເຂົ້າຮ່ວມ.
ປະກາດການແຕ່ງຕັ້ງ ສະຫາຍ ກິແກ້ວ ຈັນທະບູລີ ເປັນຮອງ ຫົວໜ້າ ຫສພ

ປະກາດການແຕ່ງຕັ້ງ ສະຫາຍ ກິແກ້ວ ຈັນທະບູລີ ເປັນຮອງ ຫົວໜ້າ ຫສພ

ຫ້ອງວ່າການສູນກາງພັກ (ຫສພ) ໄດ້ຈັດພິທີປະກາດການຈັດຕັ້ງຕໍາແໜ່ງບໍລິຫານ ການນໍາຂັ້ນສູງ ຂຶ້ນໃນວັນທີ 7 ກໍລະກົດນີ້ ທີ່ຫ້ອງປະຊຸມຂອງ ຫສພ ໂດຍການເປັນປະທານຂອງ ສະຫາຍ ເພັດ ພົມພິພັກ ກໍາມະການສູນກາງພັກ ເລຂາຄະນະພັກ ຫົວໜ້າ ຫສພ; ມີບັນດາສະຫາຍຄະນະພັກ-ຄະນະນໍາ, ພະນັກງານ-ສະມາຊິກພັກພາຍໃນ ຫສພ ພ້ອມດ້ວຍບັນດາສະຫາຍຈາກພາກສ່ວນກ່ຽວຂ້ອງເຂົ້າຮ່ວມ.
ສາລະວັນ ທາບທາມບຸກຄະລາກອນຈະສະໝັກເລືອກຕັ້ງເຂົ້າໃນຄະນະບໍລິຫານງານພັກແຂວງ

ສາລະວັນ ທາບທາມບຸກຄະລາກອນຈະສະໝັກເລືອກຕັ້ງເຂົ້າໃນຄະນະບໍລິຫານງານພັກແຂວງ

ກອງປະຊຸມ ທາບທາມບຸກຄະລາກອນທີ່ຈະສະໝັກເລືອກຕັ້ງເຂົ້າໃນຄະນະບໍລິຫານງານພັກແຂວງສາລະວັນ ສະໄໝທີ X (ຮອບທີ 2) ໄດ້ຈັດຂຶ້ນໃນວັນທີ 6 ກໍລະກົດນີ້ ທີ່ສະໂມສອນແຂວງ, ໂດຍໃຫ້ກຽດເປັນປະທານຂອງສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ຜູ້ຊີ້ນຳວຽກງານຮອບດ້ານແຂວງສາລະວັນ, ມີແຂກຖືກເຊີນ ແລະ ຕາງໜ້າໃຫ້ພາກສ່ວນທີ່ກ່ຽວຂ້ອງເຂົ້າຮ່ວມ.
ທາບທາມລະດົມຄວາມຄິດເຫັນຕໍ່ຮ່າງແຜນພັດທະນາລະບົບສານປະຊາຊົນ 5 ປີ ຄັ້ງທີ V

ທາບທາມລະດົມຄວາມຄິດເຫັນຕໍ່ຮ່າງແຜນພັດທະນາລະບົບສານປະຊາຊົນ 5 ປີ ຄັ້ງທີ V

ສານປະຊາຊົນສູງສຸດ (ສປສສ) ໄດ້ຈັດກອງປະຊຸມເປີດກວ້າງເພື່ອລະດົມຄວາມຄິດເຫັນຕໍ່ຮ່າງບົດລາຍງານການເມືອງ ແລະ ແຜນພັດທະນາລະບົບສານປະຊາຊົນ 5 ປີ ຄັ້ງທີ V, ໂດຍການເປັນປະທານຂອງທ່ານ ບຸນຂວາງ ທະວີສັກ ຮອງເລຂາຄະນະບໍລິຫານງານພັກ ຮອງປະທານສານປະຊາຊົນສູງສຸດ ຊຶ່ງມີບັນດາທ່ານຄະນະປະຈຳພັກ,ກຳມະການຄະນະບໍລິຫານງານພັກ, ຄະນະໜ່ວຍພັກອ້ອມຂ້າງ ສານປະຊາຊົນສູງສຸດເຂົ້າຮ່ວມ.
ກອງປະຊຸມສະໄໝສາມັນ ເທື່ອທີ 9 ຂອງສະພາປະຊາຊົນ ນວ ຊຸດທີ II

ກອງປະຊຸມສະໄໝສາມັນ ເທື່ອທີ 9 ຂອງສະພາປະຊາຊົນ ນວ ຊຸດທີ II

ກອງປະຊຸມສະໄໝສາມັນ ເທື່ອທີ 9 ຂອງສະພາປະຊາຊົນ ນວ ຊຸດທີ II ໄດ້ເປີດຂຶ້ນ ໃນວັນທີ 7ກໍລະກົດນີ້ ທີ່ຫ້ອງວ່າການປົກຄອງນະຄອນຫຼວງວຽງຈັນ (ນວ), ໂດຍການເປັນປະທານ ຂອງທ່ານ ອານຸພາບ ຕຸນາລົມ ຄະນະເລຂາທິການສູນກາງພັກ ເລຂາຄະນະພັກ ປະທານສະພາປະຊາຊົນນະຄອນຫຼວງວຽງຈັນ (ນວ), ເປັນກຽດເຂົ້າຮ່ວມຂອງ ທ່ານ ອາດສະພັງທອງ ສີພັນດອນ ກໍາມະການສູນກາງພັກ ເຈົ້າຄອງນະຄອນຫຼວງວຽງຈັນ, ບັນດາທ່ານສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 1 ນວ, ບັນດາທ່ານການນໍາພັກ-ລັດ ຂັ້ນນະຄອນຫຼວງ, ບັນດາທ່ານສະມາຊິກສະພາປະຊາຊົນ ນວ ພ້ອມດ້ວຍແຂກຖືກເຊີນ.
ກອງປະຊຸມຄົບຄະນະບໍລິຫານງານພັກເມືອງຄັ້ງ 3 ສະໄໝທີ IX

ກອງປະຊຸມຄົບຄະນະບໍລິຫານງານພັກເມືອງຄັ້ງ 3 ສະໄໝທີ IX

ເມືອງພຽງ ແຂວງໄຊຍະບູລີ ໄຂກອງປະຊຸມຄົບຄະນະບໍລິຫານງານພັກເມືອງຄັ້ງ 3 ສະໄໝທີ IX ຂືນໃນວັນທີ 2 ກໍລະກົດຜ່ານມາ ຢູ່ທີຫ້ອງປະຊຸມໃຫຍ່ຂອງເມືອງພາຍໃຕ້ການເປັນປະທານຂອງສະຫາຍ ບຸດສະກອນ ອິນທະລັງສີ ກຳມະການພັກແຂວງ ເລຂາຄະນະບໍລິຫານງານພັກເມືອງ.
ຫຼວງນໍ້າທາ ຈັດກອງປະຊຸມຄົບຄະນະບໍລິຫານງານພັກແຂວງ ເປີດກ້ວາງ ຄັ້ງທີ 20

ຫຼວງນໍ້າທາ ຈັດກອງປະຊຸມຄົບຄະນະບໍລິຫານງານພັກແຂວງ ເປີດກ້ວາງ ຄັ້ງທີ 20

ກອງປະຊຸມຄົບຄະນະບໍລິຫານງານພັກແຂວງຫຼວງນໍ້າທາເປີດກ້ວາງ ຄັ້ງທີ 20 ຂອງຄະນະບໍລິຫານງານພັກແຂວງ ສະໄໝທີ VIII ຈັດຂຶ້ນໃນວັນທີ 2 ກໍລະກົດຜ່ານມາ ທີ່ສະໂມສອນຂອງແຂວງ ໂດຍການເປັນປະທານຂອງ ສະຫາຍ ວຽງສະຫັວດ ສີພັນດອນ ກຳມະການສູນກາງພັກ ເລຂາພັກແຂວງເຈົ້າແຂວງຫຼວງນໍ້າທາ.
ເພີ່ມເຕີມ