ເນື່ອງໃນວັນປ່ອຍປາແຫ່ງຊາດທີ 13 ກໍລະກົດທີ່ຈະໝູນວຽນມາຮອດອີກວາລະໜື່ງ ໃນວັນທີ 10 ກໍລະກົດນີ້, ພະແນກກະສີກຳ ແລະ ປ່າໄມ້ແຂວງຈຳປາສັກ ຮ່ວມກັບ ນະຄອນປາກເຊ ຈັດພີທີປ່ອຍປາຂຶ້ນ ທີ່ທ່າວັດຫຼວງນະຄອນປາກເຊ ໂດຍການເຂົ້າຮ່ວມຂອງ ທ່ານ ອາລຸນໄຊ ສູນນະລາດ ເຈົ້າແຂວງຈຳປາສັກ, ພະຈານໃຫຍ່ ມະຫາ ສຸວັນ ຈັນທະຣາດ ປະທານ ອພສ ແຂວງ, ມີພາກສ່ວນກ່ຽວຂ້ອງ ພ້ອມດ້ວຍພໍ່ແມ່ປະຊາຊົນເຂົ້າຮ່ວມເປັນຈຳນວນຫຼວງຫຼາຍ
ກອງປະຊຸມສຳມະນາວິທະຍາສາດຫົວຂໍ້: “40 ປີແຫ່ງການນໍາພາຂອງພັກຕໍ່ວຽກງານແນວໂຮມ” ຈັດຂຶ້ນໃນວັນທີ 9 ກໍລະກົດຜ່ານມາ ທີ່ສູນຄົ້ນຄວ້າແລະ ຝຶກອົບຮົມສູນກາງແນວລາວສ້າງຊາດ (ສນຊ) ໂດຍໃຫ້ກຽດເປັນປະທານຂອງທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ,ປະທານສນຊ, ມີບັນດາຮອງປະທານ ສນຊ, ຫົວໜ້າ-ຮອງຫົວໜ້າກົມ, ນັກວິທະຍາສາດເຂົ້າຮ່ວມ.
ຫວ່າງບໍ່ດົນມານີ້, ທ່ານ ນາງ ວິລະວອນ ພັນທະວົງ ຄະນະປະຈຳພັກ ປະທານກວດກາພັກ ຮອງຫົວໜ້າ ຄະນະໂຄສະນາອົບຮົມສູນກາງພັກ, ພ້ອມດ້ວຍຄະນະໄດ້ລົງສ້າງຄວາມເຂັ້ມແຂງໃນການ ຕິດຕາມ, ຊຸກຍູ້ວຽກງານໂຄສະນາອົບຮົມໃຫ້ດຳເນີນໄປເປັນປົກກະຕິ ແລະ ມີການຫັນປ່ຽນຢ່າງຕັ້ງໜ້າ ຢູ່ຄະນະໂຄສະນາອົບຮົມແຂວງສະຫວັນນະເຂດ ແລະ ຄະນະໂຄສະນາອົບຮົມ 14 ເມືອງ, 1 ນະຄອນເຂົ້າຮ່ວມ
ຫວ່າງບໍ່ດົນມານີ້,ທ່ານ ທິບພະກອນ ສູນດາລາ ຫົວໜ້າສາຂາທະນາຄານນະໂຍບາຍ (ທນບ) ແຂວງຈໍາປາສັກ ໄດ້ຊີ້ແຈງບາງບັນຫາ ທີ່ພົ້ນເດັ່ນໃນຜ່ານມາໂດຍສະເພາະວຽກງານສິນເຊື່ອປີ 2025 ສາຂາໄດ້ຮັບອະນຸມັດທຶນທັງໝົດ 160.55 ຕື້ກີບ, ໄລ ຍະສັ້ນ 24,100 ຕື້ກີບ, ໄລຍະກາງ 110.45 ຕື້ກີບ ແລະ ໄລຍະຍາວ 26 ຕື້ກີບ; ແຫຼ່ງທຶນແມ່ນໄດ້ສະໜອງເຂົ້າເມືອງເປົ້າໝາຍທຸກຍາກ 51.48 ຕື້ກີບ,ຈຸດສຸມ 43,90 ຕື້ກີບ, ບ້ານ3 ສ້າງ 17 ຕື້ກີບ ແລະ ນອກເມືອງເປົ້າໝາຍ 48.16 ຕື້ກີບ.ປ່ອຍໃນ 5ໂຄງການ.
