ສະຖາບັນການເມືອງ ແລະ ການປົກຄອງແຫ່ງຊາດລາວ (ສມປຊ) ຮ່ວມກັບ ວິທະຍຸໂທລະພາບສູນກາງຈີນ (CMG) ໄດ້ຈັດກອງປະຊຸມເສວະນາ "ຈີນໃນລະດູບານໃໝ່ ຮ່ວມກັນເປີດໜ້າໃໝ່ແຫ່ງການສ້າງຄູ່ຮ່ວມຊາຕາກໍາລາວ-ຈີນ " ຂຶ້ນໃນວັນທີ 19 ມີນານີ້ ທີ່ ສມປຊ ໂດຍມີ ທ່ານ ດາວສະຫວັນ ເຄືອມີໄຊ ກໍາມະການສໍາຮອງສູນກາງພັກ ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດລາວ, ທ່ານນາງ ຟ່າງ ຫົງ ເອກອັກຄະລັດຖະທູດຈີນປະຈໍາລາວ, ມີບັນດາທ່ານກໍາມະການສູນກາງພັກ, ກໍາມະການສໍາຮອງສູນກາງພັກ, ລັດຖະມົນຕີ, ຮອງລັດຖະມົນ, ຮອງປະທານ ຜູ້ປະຈໍການ ຄະນະກໍາມະການຮ່ວມມືລາວ-ຈີນ, ພະນັກງານ, ຄູ-ອາຈານ, ຜູ້ຕາງໜ້າຈາກວິທະຍຸໂທລະພາບສູນກາງຈີນ ປະຈໍາລາວ ແລະ ນັກສຶກສາເຂົ້າຮ່ວມ.
ທ່ານ ໄຊຊະນະ ໂຄດພູທອນ ກຳມະການສູນກາງພັກ ເລຂາຄະນະບໍລິຫານງານພັກແຂວງ ຄຳມ່ວນ ສປປ ລາວ ໄດ້ຕ້ອນຮັບການເຂົ້າພົບປະ ຂອງ ທ່ານ ຟານ ຟອງຟູ່ ຮອງປະທານຄະນະກຳມະການປະຊາຊົນ ແຂວງກວາງຈິ ສສ ຫວຽດນາມ ຊຶ່ງຈັດຂຶ້ນວັນທີ 19 ມີນານີ້ ທີ່ຫ້ອງວ່າການແຂວງ.
ສູນກາງແນວລາວສ້າງຊາດ (ສນຊ) ຮ່ວມກັບຄະນະໂຄສະນາອົບຮົມສູນກາງພັກ, ກະຊວງສາທາ ລະນະສຸກ, ອົງການອຸຍນິເຊັບ ແລະ ຄູ່ຮ່ວມງານພັດທະນາ ໄດ້ຈັດກອງປະຊຸມສໍາມະນາພາຍໃຕ້ຫົວຂໍ້: “ການສົ່ງເສີມສຸຂະພາບເດັກໃນ ສປປ ລາວ ຜ່ານການໃຫ້ວັກຊິນກັນພະຍາດ ແລະ ການເສີມສ້າງການມີສ່ວນຮ່ວມຂອງສື່ມວນຊົນ ແລະ ຊຸມຊົນ” ເພື່ອແນໃສ່ເພີ່ມທະວີການຮ່ວມມື ແລະ ສ້າງຄວາມເຂົ້າໃຈເປັນເອກະພາບ ດ້ານສຸຂະພາບເດັກ ແລະ ການປ້ອງກັນພະຍາດເດັກ ຢູ່ ສປປ ລາວ ຂຶ້ນໃນວັນທີ 18 ມີນາຜ່ານມາ ທີ່ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ກິແກ້ວ ໄຂຄໍາພິທູນ ປະທານ ສນຊ ຜູ້ຊີ້ນໍາອົງການຈັດຕັ້ງມະຫາຊົນຂັ້ນສູນກາງ ແລະ ປະທານສະພາທິດສະດີສູນກາງພັກ, ເປັນກຽດເຂົ້າຮ່ວມ ຂອງທ່ານ ນາງ ອາພອນ ວິຊາເທບ ຮອງລັດຖະມົນຕີກະຊວງສາທາລະນະສຸກ, ທ່ານ ບີລານ ໂອແຣັງ ດູຮານີ ຜູ້ຕາງໜ້າອົງການອຸຍນິເຊັບ ປະຈໍາລາວ, ມີບັນດາຫົວໜ້າກົມ-ຮອງກົມ ທີ່ກ່ຽວຂ້ອງຂັ້ນສູນກາງແນວລາວສ້າງຊາດ, ສູນກາງສະພັນແມ່ຍິງລາວ, ຮອງປະທານແນວລາວສ້າງຊາດແຂວງ, ຄະນະໂຄສະນາອົບຮົມແຂວງທົ່ວປະເທດ ເຂົ້າຮ່ວມ.
ຄະນະກຳມະການຮ່ວມມື ລາວ-ຫວຽດນາມ ກະຊວງການເງິນ ໄດ້ຈັດກອງປະຊຸມເຜີຍແຜ່ຜົນສຳເລັດກອງປະຊຸມຄັ້ງທີ 48 ຄະນະກຳມະການຮ່ວມມືທະວີພາຄີ ລາວ-ຫວຽດນາມ ຂຶ້ນໃນວັນທີ 19 ມີນາ ນີ້ ທີ່ນະຄອນຫຼວງວຽງຈັນ, ໂດຍພາຍໃຕ້ການເປັນປະທານ ຂອງ ທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ ປະທານຄະນະກຳມະການຮ່ວມມື ລາວ-ຫວຽດນາມ ຊຶ່ງມີ ທ່ານ ນາງ ພອນວັນ ອຸທະວົງ ຮອງລັດຖະມົນຕີກະຊວງການເງິນ ຮອງປະທານຜູ້ປະຈຳການຄະນະກຳມະການຮ່ວມມື ລາວ-ຫວຽດນາມ ພ້ອມດ້ວຍບັນດາທ່ານຄະນະກຳມະການ ແລະ ພາກສ່ວນກ່ຽວຂ້ອງເຂົ້າຮ່ວມ.
