ຂ່າວການຮ່ວມມື

ອຸດົມໄຊ ແລະ ດຽນບຽນ ຫາລືການຮ່ວມມື ດ້ານການທ່ອງທ່ຽວ

16/09/2026 15:01

ການພົບປະແລກປ່ຽນບົດຮຽນ ແລະ ປຶກສາຫາລື ຮ່ວມກັນລະຫວ່າງ ພະແນກ ວັດທະນະທຳ ແລະ ການທ່ອງທ່ຽວ ແຂວງອຸດົມໄຊ ສປປ ລາວ ແລະ ຂະແໜງການທ່ອງທ່ຽວ ແຂວງດຽນບຽນ ສສ ຫວຽດນາມ ໃນການຮ່ວມມື ດ້ານການທ່ອງທ່ຽວ ກ່ຽວກັບການຮ່ວມມື ພັດທະນາ ແລະ ເຊື່ອມໂຍງ ເສັ້ນທາງການທ່ອງທ່ຽວສອງແຂວງ ຈັດຂຶ້ນໃນວັນທີ 14 ກັນຍາ 2026 ທີ່ແຂວງອຸດົມໄຊ ໂດຍມີທ່ານ ສຸຫວັດ ມະຫາວົງສະນັ່ນ ຮອງປະທານຄະນະກຳມະການປົກຄອງ ແຂວງອຸດົມໄຊ, ທ່ານ ນາງ ອຳໄພວອນ ປັນຍາລັກ ຫົວໜ້າພະແນກ ວັດທະນະທຳ ແລະ ການທ່ອງທ່ຽວ ແຂວງອຸດົມໄຊ, ທ່ານ ນາງ ກາວ ທິຕວຽດລານ ຄະນະປະຈຳພັກແຂວງ, ຮອງປະທານ ຜູ້ປະຈຳການ ສະພາປະຊາຊົນ ແຂວງດຽນບຽນ ພ້ອມດ້ວຍຄະນະເຂົ້າຮ່ວມ.

ຍີ່ປຸ່ນ ຊ່ວຍເຫຼືອໂຄງການກໍ່ສ້າງອາຄານໂຮງຮຽນ ຢູ່ແຂວງຫົວພັນ

ຂປລ. ພິທີເຊັນສັນຍາ ໂຄງການກໍ່ສ້າງອາຄານໂຮງຮຽນມັດທະຍົມຕົ້ນ ບ້ານຫ້ວຍສະແລບ ເມືອງຊຳໃຕ້ ແຂວງຫົວພັນ ໃນມູນຄ່າ 119,711 ໂດລາ ຊຶ່ງເປັນທຶນຊ່ວຍເຫຼືອ ຈາກ ລັດຖະບານຍີ່ປຸ່ນໄດ້ຈັດຂຶ້ນໃນວັນທີ 16 ກັນຍາ 2026 ທີ່ສະຖານທູດຢີ່ປຸ່ນ, ຕາງໜ້າຝ່າຍຢີ່ປຸ່ນ ເຊັນໂດຍ ທ່ານ ໂຄອິຊຶມິ ຊຶໂຕະມຸ ເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວ ແລະ ຕາງໜ້າຝ່າຍລາວ ແມ່ນ ທ່ານ ມີໄຊ ພອນທະວີສຸກ ຫົວໜ້າຫ້ອງການສຶກສາທິການ ແລະ ກິລາ ເມືອງຊຳໃຕ້ ໂດຍມີ ທ່ານ ພອນສຸກ ອິນທະວົງ ປະທານຄະນະກຳມະການປົກຄອງແຂວງຫົວພັນ ແລະ ແຂກຖືກເຊີນ ເຂົ້າຮ່ວມ.

ທ່ານ ຄໍາລາວັນ ຈັນທະລາວັນ ຕ້ອນຮັບຄະນະກຳມະການກາແດງສາກົນ (ICRC)

ໃນວັນທີ 14 ກັນຍາ ຜ່ານມາ ທີ່ອົງການກາແດງແຫ່ງຊາດລາວ, ທ່ານ ຄໍາລາວັນ ຈັນທະລາວັນ ປະທານອົງການກາແດງແຫ່ງຊາດລາວໄດ້ຕ້ອນຮັບການເຂົ້າຢ້ຽມພົບປະຂອງຄະນະກຳມະການກາແດງສາ ກົນ (ICRC) ນໍາໂດຍ ທ່ານ Jürg Lauber ຮອງປະທານ ICRC ພ້ອມດ້ວຍຄະນະ ໂອກາດເດີນ ທາງຢ້ຽມຢາມເຮັດວຽກ ຢູ່ ສປປ ລາວ.

ສປປ ລາວ ສືບຕໍ່ເລັ່ງແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢ່າງຕໍ່ເນື່ອງ

ລັດຖະບານ ສປປ ລາວ ຮ່ວມກັບອົງການຈັດຕັ້ງສາກົນ ໄດ້ສືບຕໍ່ເຄື່ອນໄຫວເລັ່ງແກ້ໄຂບັນຫາລະເບີດບໍ່ທັນແຕກ (UXO) ທີ່ຕົກຄ້າງຈາກສະໄໝສົງຄາມຢ່າງຮອບດ້ານ, ເຄັ່ງຮ້ອນ ແລະ ຢ່າງຕໍ່ເນື່ອງໂດຍສຸມໃສ່ 4 ວຽກງານຫຼັກ ເພື່ອຫຼຸດຜ່ອນອຸບັດເຫດ ແລະ ຟື້ນຟູຊີວິດການເປັນຢູ່ຂອງຜູ້ປະສົບເຄາະຮ້າຍ. ພ້ອມນັ້ນ, ການເປັນເຈົ້າພາບຈັດກອງປະຊຸມບັນດາລັດພາຄີສົນທິສັນຍາວ່າດ້ວຍລະເບີດລູກຫວ່ານ (CCM) ຄັ້ງທີ 2 ຢູ່ນະຄອນຫຼວງວຽງຈັນ (ຮອບວຽນທີ 3) ຍັງເປັນບາດກ້າວສໍາຄັນໃນການລະດົມຄວາມຮ່ວມມື ແລະ ທຶນຊ່ວຍເຫຼືອຈາກສາກົນ.

ຈີນ-ລາວ ສົ່ງເສີມການຮ່ວມມືດ້ານການສຶກສາ ແລະ ອຸດສາຫະກຳ

ບໍລິສັດການກໍ່ສ້າງເມືອງລົດໄຟຈີນກຣຸບຈຳກັດ ສາຂາອາຊີຕາເວັນອອກສ່ຽງໃຕ້ໄດ້ເດີນທາງໄປວິທະຍາໄລເຕັກນິກ-ວິຊາຊີບການລົດໄຟ ສປປ ລາວ ເພື່ອຮ່ວມງານມະຫາກຳການຮັບສະໝັກງານພາຍໃນສະຖານບັນການສຶກສາເພື່ອສືບຕໍ່ສົ່ງເສີມ ການຮ່ວມມືດ້ານການສຶກສາແລະອຸດສາຫະກຳລະຫວ່າງຈີນ-ລາວ ແລະ ຊ່ວຍເສີມສ້າງພັດທະນາທີມງານບຸກຄະລາກອນທ້ອງຖິ່ນຂອງບໍລິສັດ,