ຂ່າວວັດທະນະທຳ-ສັງຄົມ

ສະຫວັນນະເຂດ ໂຮມຊຸມນຸມສະຫຼອງສ້າງຕັ້ງແນວລາວສ້າງຊາດ ຄົບຮອບ 75 ປີ

13/08/2025 15:45

ແຂວງສະຫວັນນະເຂດ ໄດ້ຈັດພິທີໂຮມຊຸມນຸມເນື່ອງໃນໂອກາດສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 75 ປີ (13 ສິງຫາ 1950-13 ສິງຫາ 2025) ໃນຕອນເຊົ້າວັນທີ 13 ສິງຫານີ້ ທີ່ຫໍວັດທະນະທໍາໄກສອນພົມວິຫານ, ໂດຍເປັນກຽດເຂົ້າຮ່ວມຂອງສະຫາຍ ບຸນໂຈມ ອຸບົນປະເສີດ ກໍາມະການສູນກາງພັກ ເລຂາຄະນະບໍລິຫານພັກແຂວງ ເຈົ້າແຂວງສະຫວັນນະເຂດ, ມີຮອງເລຂາພັກແຂວງ, ຮອງເຈົ້າແຂວງ, ຄະນະປະຈຳພັກແຂວງ, ກຳມະການພັກແຂວງ, ຄະນະກົງສຸນໃຫຍ່ຫວຽດນາມປະຈໍາແຂວງ, ຄະນະກົງສຸນໃຫຍ່ຣາຊະອານາຈັກໄທປະຈໍາແຂວງ, ມີແຂກຖືກເຂີນຈາກສູນກາງ ແລະ ພາຍໃນແຂວງ ເຂົ້າຮ່ວມ.

ອຸທິຍານແຫ່ງຊາດຫີນໜາມໜໍ່ ຖືກຮັບຮອງເປັນມໍລະດົກໂລກທາງທຳມະຊາດແຫ່ງທຳອິດຂອງ ສປປ ລາວ

ຄືດັ່ງພວກເຮົາຮູ້ນຳກັນແລ້ວວ່າ: ຊັບພະຍາກອນປ່າໄມ້ ແມ່ນມີຄວາມສໍາຄັນຫຼາຍຕໍ່ລະບົບນິເວດວິທະຍາ, ການຮັກສາແຫຼ່ງນໍ້າ, ການປົກປັກຮັກສາສິ່ງແວດລ້ອມ, ຮັກສາພັນພືດ-ພັນສັດ ແລະ ຊີວະນາໆພັນ, ການປ້ອງກັນໄພພິບັດ, ການພັດທະນາເສດຖະກິດ-ສັງຄົມຂອງຊາດ ທັງຕິດພັນກັບການດໍາລົງຊີວິດຂອງປະຊາຊົນບັນດາເຜົ່າມາແຕ່ດຶກດຳບັນຈົນມາເຖິງທຸກວັນນີ້ ໂດຍທີ່ບໍ່ສາມາດຕັດແຍກອອກຈາກກັນໄດ້.

ລມຕ ກະຊວງກະສິກໍາ ແລະ ສິງແວດລ້ອມ ຊີ້ນໍາວຽກງານ 2 ກົມວິຊາການ

ໃນວັນທີ 12 ສິງຫາ ນີ້, ທ່ານ ລິນຄໍາ ດວງສະຫວັນ ລັດຖະມົນຕີກະຊວງກະສິກໍາ ແລະ ສິ່ງແວດລ້ອມ ໄດ້ລົງຊຸກຍູ້ ແລະ ຊີ້ນໍາການຈັດຕັ້ງປະຕິບັດວຽກງານຢູ່ ກົມກວດກາຊັບພະຍາກອນທໍາມະຊາດ ແລະ ສິ່ງແວດລ້ອມ ແລະ ກົມຄຸ້ມຄອງ ແລະ ພັດທະນາທີ່ດິນ. ໃນທີ່ປະຊຸມ ທ່ານ ວິລະນະ ສອນນະສິນ ຫົວໜ້າກົມຄຸ້ມຄອງ ແລະ ພັດທະນາທີ່ດິນ ໄດ້ຂຶ້ນລາຍງານສະພາບ ການຈັດຕັ້ງປະຕິບັດວຽກງານໃນໄລຍະຜ່ານມາ ໂດຍສະເພາະ ວຽກງານການຂຶ້ນທະບຽນອອກໃບຕາດິນ, ການຈັດສັນທີ່ດິນ ແລະ ການຮັບຮູ້ສິດນຳໃຊ້ທີ່ດິນໃນເຂດທີ່ດິນປ່າໄມ້, ການກຳນົດເຂດທີ່ດິນກະສິກຳ, ການຄຸ້ມຄອງການຫັນປ່ຽນທີ່ດິນ ແລະ ການຄຸ້ມ ຄອງທີ່ດິນກະສິກຳ, ການກວດກາ ການເຊົ່າ ແລະ ສຳປະທານທີ່ດິນ ລວມທັງວຽກງານການຫັນເປັນທັນສະໄໝ.

ພາກພູມໃຈທີ່ໄດ້ເຂົ້າຮ່ວມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 75 ປີ

ທ່ານ ນາງ ບົວວຽງ ເພັດທະລານຄໍາ ກໍາມະການສູນກາງແນວລາວສ້າງຊາດ ຮອງຫົວໜ້າຄະນະທີ່ປຶກສາວຽກງານສາສະໜາ ສູນກາງແນວລາວສ້າງຊາດ ໄດ້ໃຫ້ສຳພາດຕໍ່ສື່ມວນຊົນໃນໂອກາດເຂົ້າຮ່ວມພິທີສະເຫຼີມ ສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 75 ປີ ໃນວັນທີ 13 ສິງຫານີ້ ທີ່ຫໍປະຊຸມແຫ່ງຊາດວ່າ: ຮູ້ສຶກພາກພູມໃຈຫຼາຍທີ່ໄດ້ເຂົ້າຮ່ວມງານໃນຄັ້ງນີ້, ຂ້າພະເຈົ້າໄດ້ຮັບໜ້າທີ່ເປັນກຳມະການສູນກາງແນວລາວສ້າງຊາດມາໄດ້ 4 ສະໄໝ, ຜ່ານມາໄດ້ສຸມເຫື່ອແຮງສະຕິປັນຍາປະກອບສ່ວນເຂົ້າໃນວຽກງານແນວລາວສ້າງຊາດ ເປັນຕົ້ນວຽກງານສາສະໜາ ຊຶ່ງເຂົ້າຮ່ວມງານຄັ້ງນີ້ມີຕາງໜ້າ 50 ຊົນເຜົ່າ ສະແດງໃຫ້ເຫັນເຖິງການເຕົ້າໂຮມຄວາມສາມັກຄີບັນດາເຜົ່າເປັນອັນໜຶ່ງດຽວກັນ.

ສກລ ອວຍພອນວັນສ້າງຕັ້ງ ໜັງສືພິມປະຊາຊົນ ຄົບຮອບ 75 ປີ

ໃນຕອນບ່າຍວັນທີ 11 ສິງຫານີ້ ທີ່ ສຳນັກງານໜັງສືພິມ ປະຊາຊົນ, ທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກ ຫົວໜ້າບັນນາທິການໃຫຍ່ ໜັງສືພິມປະຊາຊົນ ໄດ້ໃຫ້ກຽດຕ້ອນຮັບ ທ່ານ ນາງ ພອນປະເສີດ ກິ່ງວົງສາ ຫົວໜ້າກົມຂ່າວສານ ສູນກາງກຳມະບານລາວ (ສກລ) ພ້ອມຄະນະ ນຳເອົາກະຕ່າຂອງຂວັນ ເຂົ້າອວຍພອນໜັງສືພິມ ປະຊາຊົນ ເນື່ອງໃນໂອກາດວັນສ້າງຕັ້ງສື່ມວນຊົນ ແລະ ການພິມຈຳໜ່າຍ ແລະ ວັນສ້າງຕັ້ງໜັງສືພິມ ປະຊາຊົນ ຄົບຮອບ 75 ປີ (13 ສິງຫາ 1950-13 ສິງຫາ 2025).